Mateo 5:20 - Biblia Dc en Mixe de Quetzaltepec

²⁰ Tëy miits nëëmëtë, pën ka'ap wäänëni'ik ja Dios xymyëmëtowtë këtiinëm ja tsajptëkotyëtë yaj'ijxpëjkpë ets ja fariseë ja'ayëty, nijëna'a miits mkatëkëtëty ma ja tsajpjotmëpë kutujkënën.

Biblia Mixe de Quetzaltepec

²⁰ Tëy miits nëëmëtë, pën ka'ap wäänëni'ik ja Tios xymyëmëtowtë këtiinëm ja tsajptëkotyëtë yaj'ijxpëjkpë ets ja fariseë ja'ayëty, nijëna'a miits mkatëkëtëty ma ja tsajpjotmëpë kutujkënën.

Mateo 5:20 ပူးပေါင်းရင်းမြစ်များ

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kuttujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Dios nyipaye'eyën'ajtypyën ko të yajmëpëky.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

2 Corintios 5:17

Paaty tyam, pën tu'ukyë mëët ja Kristë y'ityën, jemyjä'äy yajpatnë; ka'ap y'ëkjëtu'un'ajnë ijxtëm të y'ityën, aak jemy tu'kë'ëyë të y'awinpijtaaynyë.

Mateo 7:21

Ka'ap nyi'ëmukëty tyëkëja'antë ja ja'ay ma ja tsajpjotmëtë kutujkënën mëti'ipës janaam jatsojk xy'ënëmaaytyëpën Wintsën. Yi'iyë jam tëkëjantëp mëti'ipë pyatuuntëpën ja nteetyës tsajpjotmëpë ja tsyojkën.

Apocalipsis 21:27

Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

Lucas 18:17

Tëy miits nëëmëtë, pën ja Dios ja kyutujkën ka'ap tkupëjkë ijxtëm ja pi'k ëna'kën, nijëna'a kyatëkëty ma Dios yë kyutujktaknën.

Lucas 12:1

May ja ja'ay nyëëpäjtë, nëkooyë nyätyij nyäkyojtënëtë xim yam. Tääts ja Jesús ja y'ijxpëjkpëtëjk tmëëtmëtyaktso'ony jëwyiin: Näkyëwent'atëtë, ijxkëm ko mtukpaatëtë ja fariseë ja'ay ja wyinma'anyëty, yë'ëjës ntijpy ko je'eyë wyin'ëëntë.

Lucas 11:44

Miits fariseë ja'ayëty ets näjyëtu'un miits tsajptëkotyëtë yaj'ijxpëjkpë mon tuk myajpaatë, jä'ä ko jëtu'un miitsëty ijxtëm ja o'kpëjutën ka'apë yaj'ixyën ets kutsë'ëkë ko ja'ay tuktäänëty.

Marcos 10:25

Nikë ka'ap tsyipëty ets tu'uk ja jëyujk jëku'ux nyaxëty xu'uny jutjoty ets këtiinëm ko tu'uk ja kumeenyjyä'äy tyëkëty ma Dios ja kyutujktaknën.

Marcos 10:15

Tëy miits n'ënëëmëtë, pën ja Dios ja kyutujkën ka'ap tkupëjkë ijxtëm ja pi'k ëna'kën, ni wintim nijëna'a kyatëkëty jam ma Dios kyutujktaknën.

Mateo 18:5

Ets pën kyupëjkpy ëjtskyëjxm tu'uk ja pi'k ëna'k ijxtëm ya'atën, nän ëjts ënety xykyupëjkp.

Mateo 3:10

Ja jatyë apaatë y'owxijnë ets tpujxë'ëka'any ja kepy ma tyiktsën. Pën ka'ap oy jyä'äy'äty, jëtu'un jä'ä ijxtëm ja kepy mëti'ipë ka'ap oy tyëëm'atyën; yajpujxë'ëkaanp ets yajnino'oka'any.

Mateo 16:12

Ënet tja'akyujkëtyë ko ënety ka'ap yë'ëjëty tijy ja tsajpkääky ja nyitsooy, mëti'ipë ja tsajpkääky yajtuktsooyëpën, yë'ë tukmëmëtyakëtëp ja fariseë ja'ayëty ja y'ijxpëjkënëty ets ja saduceos ja wyinma'anyëty.

2 Corintios 3:9

Jä'ä yajwinjawë, pën ni'ik ja mëj'ajt jaanty'ajtën ojts tmëët'aty ja ënä'ämën mëti'ipë nyi'ënä'ämëpën ja o'kën, ¿wi'ixpëm? jëtää ni'ik ja mëj'ajtën jaanty'ajtën tmëët'ata'any ja aaw ayuk mëti'ipë nyikäjpxypën wi'ix ja Dios xyajtso'oka'anëmën.