Mateo 5:19 - Biblia Dc en Mixe de Quetzaltepec

¹⁹ Pën yë ënä'ämën ka'ap tpatuny yiinpë wäänpë ets ka'ap pën tuk'ëwaanë wi'ix tpatunëtyën, mutsk nëjkx nyäxy ma ja tsajpjotmëpë kutujkënën; pën yë ënä'ämën pyatuumpy ets ja ja'ay tukni''ixë ets tpatuntëty, yë'ë mëj naxaanp ma ja tsajpjotmëpë kutujkënën.

Biblia Mixe de Quetzaltepec

¹⁹ Pën yë ënä'ämën ka'ap tpatuny yiinpë wäänpë ets ka'ap pën tuk'ëwaanë wi'ix tpatunëtyën, mutsk nëjkx nyäxy ma ja tsajpjotmëpë kutujkënën; pën yë ënä'ämën pyatuumpy ets ja ja'ay tukni''ixë ets tpatuntëty, yë'ë mëj naxaanp ma ja tsajpjotmëpë kutujkënën.

Mateo 5:19 ပူးပေါင်းရင်းမြစ်များ

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Mateo 11:11

Tëy miits n'ënëëmëtë ko ni pën jëtu'un kyamëjjëty ijxtëm yë Juan Yajnëëpäjtpën. Jä'ä ko jam ma tsajpjotmëpë kuttujkën mëj'äämpy yë ja'ay nyäxy mëti'ipë mutsk näyajnajxëpën yaa naaxwiiny.

Salmos 119:6

Ka'apës nitii ntsëtyu'unjawëty koos npatunëty ja m'ënä'ämën mtëyajtën.

Tito 3:8

Tëyajtën ya'atë, ntsojkpyës ets xynyikajpxëty mëk'äämpy, wä'än ja oypyë tuntë mëti'ipë ja Dios myëpëjktëpën. Oy ya'atë ijxpëjkën tu'unxëtëp ja ja'ay oypyënëty.

Daniel 12:3

Ja wijyjyä'äytyëjkëty, mëti'ipë ojts may ja ja'ay oy tu'uwinwowtën, jëtu'un nëjkx tyë'kxtë jyajtë ja niwits nijuuxën, ja tsajp; xëmëkyëjxm nëjkx yaj'ixtë mëtsa'ajën.

Salmos 119:128

Paaty yë'ë nnätyuktu'uwinwoyës yë m'ënä'ämën mtëyajtën, n'ëxëëk'ijxypyës yë tu'unën kajpxën ëxëëkpë.

Apocalipsis 2:20

E jam tu'uk mëti'ipës ka'ap n'oy'ixyën: ko mijts jam xyaj'ity yë to'oxytyëjk Jezabel, mëti'ipë nätyijëpën Dios ayuk kajpxnajxpë. Yë y'ijxpëjkën tyukwin'e'empy ja mëpëjkpëtëjk ko y'ënä'äny ko ka'ap pyokyëty oy xim yam ja ye'etyëjk ëkë ja to'oxytyëjk tmëët'atëty ets oy tjë'kxtëty mëti'ipë tëë yajtukwintsë'ëkën ja awinax.

Romanos 6:15

¿E tii? ¿Tsojk npokytyuun'ëtëtsëm jä'ä ko ka'ap ja ënä'ämën y'ëktuunë ma ëëtsajtëmën ets jä'ä ko Dios oy xytsyojkëm xyjya'awëmë? Niwi'ix'äämpy.

Deuteronomio 27:26

Poky yë ja'ay wyë'ëmëty mëti'ipë ka'ap tkupëkyën ya'atë aaw ayuk, mëti'ipë yajnikajpxpën ets ka'ap tpatuny. Ënet ja ja'ay y'ëtsowtëty: Oy, jëtu'un'atëp.

1 Timoteo 6:11

E mijts Timoteo, Dios yë y'u'unk, mkukä'äkëp yë jëtu'unpë. Mëtëy mjuuky'atëty, mpa'ëyowëp, mëpëkëp, mmëët'atëp yë tsojkën ja'awën, mëk myajpaatëty ma ja ëyo'onën ets yu'unk naxym winë'aaw winëjot.

Romanos 6:1

¿Wi'ix na'ëna'anmëty? ¿Pokytyuun'ëtëtsmëp ets ja Dios xy'oyjya'awëmëtyë?

1 Pedro 5:4

Jëtu'un ko ënety ja Wintsën Jesukristë myiny, ënät miits xy'ëxajëtëty ja kuttujkën ka'apë kyixy nyäxyën.

Lucas 11:42

Miits fariseë ja'ayëty mon tuk myajpaatë, ko tu'pëky xyjyajëpëktë ma ja majk pëkpyën ets ja Dios xyjyatukwintsë'ëkëtë; tä ja menta, rudë ets wiinkëtypë aay ujts mëti'ipë tojkx tsooy'ajtpën; je'eyëp ko ka'ap xymyëjpëjkta'aktë ja mëtëypyë ja nipaye'eyën ets ja Dios ja tsyojkën jya'awën.

Mateo 19:28

Tääts ja Jesús y'ëtsoowëtë: Tëy miits n'ënëëmëtë, ko ënety winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

Romanos 3:8

Pën jëtu'un, ¿Tii ko ni'ikyë ëxëëk winë nkatu'unëmë ets myinëty ja oypyë? Jëtu'un jënaakën ja ja'ay myäytyë tyajtë, mëti'ipë ënantëpën koos yë'ëjës nimëtyäkpy ja ka'apë y'oyëtyën; tääpë ja'ay nitëjkëyëtëp ets nyitukëtëty.

Hechos 1:1

Teófilo, ja noky mëti'ipës mëjëyëjp njaayën, yë'ë nyimëtyäkpy mëti'ipë ja Jesús tyuuntso'onën ets mëti'ipë tyuk'ijxpëjktso'onën ja ja'ay

Lucas 9:48

ets y'ënëmaayëtë: Pën ya'atë pi'k ëna'k kyupëjkpy ëjtskyëjxm, nän ëjts ënety xykyupëjkp ets pën xykyupëjkpës, yë'ë näjyëtu'un kyupëjkpy mëti'ipës xykyäjxpën. Pën mutsk näpyëjktakëp ma miitsëtyën, yë'ë mëj najxp.

Lucas 1:15

Yë'ë ko mëj'äämpy ja m'u'unk y'ita'any Wintsën wyintuuy. Ka'ap yë tsatsym nyëë nëjkx t'uuky, ni wiinkpë mëknëë. Naamka'anëm ënety myiny yaa naaxwiiny ets ja Kënu'kxymyëkajtën myo'ojëtëty ja winma'any ets ja mëk'ajtën.

Mateo 20:26

E ma miitsëtyën ka'ap tjëkyepy näjyëtu'un m'ëtë'ëtstëty. Mëti'ipë mëj'äämpy naxaanpën ni'ikyë mëpaat myëku'uk tmëtuny

1 Juan 3:4

Pën pokytyuunp, ëxëëk winë tuny; jä'ä ko yë poky yë'ë ëxëëkpë tuktuump.