Mateo 5:18 - Biblia Dc en Mixe de Quetzaltepec

¹⁸ Jä'ä ko jëtu'unës yam n'ëna'any, maanëm jyää'atyën yë tsajp ets naaxwiinyëtë, ka'ap nitu'uk yajjëpëkëty yë letrë, yë puntë komë, mëti'ipë japën ënä'ämënjoty, koonëm yajkuuytyuunta'ajëty.

Biblia Mixe de Quetzaltepec

¹⁸ Jä'ä ko jëtu'unës yam n'ëna'any, maanëm jyää'atyën yë tsajp ets naaxwiinyëtë, ka'ap nitu'uk yajjëpëkëty yë letrë, yë puntë komë, mëti'ipë japën ënä'ämënjoty, koonëm yajkuuytyuunta'ajëty.

Mateo 5:18 ပူးပေါင်းရင်းမြစ်များ

Lucas 16:17

Ka'ap tsyipëty ets tsajp ets naaxwiinyëtë kyutëkoyëty, yë'ë ni'ik tsip wi'ix ja ënä'ämën tëyajtën yajpatunëty.

Isaías 40:8

Yë ujts pojën tsyi'itsy ets pëjy pojën xyootsy, e yë Wintsën yë y'aaw y'ayuk itaanp xëmë ets nijëna'a kyatëkatsa'any.

1 Pedro 1:25

e ja Dios ja y'aaw y'ayuk ijtëëp ja xëmëkyëjxm. Yë'ë ya'atë ja aaw ayuk mëti'ipë miits të myajtukmëmëtya'aktën.

Marcos 13:30

Tëy miits n'ënëëmëtë, ko tunan jatanëp jëtu'un naamka'anëm ënety ja ja'ay y'o'kta'atë mëti'ipë jää tyam juuky'ajtëpën.

Isaías 51:6

Pa'at'ixtë jam tsajpkëjxm ets naaxku'ixëtë: Tä jok tä yootsën yë tsajp jyajta'aja'any; tä tukwit tuktujkxyën yë naaxwiinyëtë jyata'any ets naaxwiinyëtë ja'ay jëtu'un y'ooka'antë tsatsyën. E ëjts, ja nnitsokënës xëmëkyëjxm y'ita'any, ëjts xëmës nmëta'aka'any.

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Salmos 102:26

Tu'kë'ëyë winë nëjkxëp jëna'a kyutëkooytyä'äy, e mijts kë'ëyxyëëw kë'ëyjyëmëjt m'ity. Tu'kë'ëyë winë jëtu'un tyujktaja'any tä witën; mijts nëjkx kë'ëm xyajtëkatsy, jëtu'un tä ja'ay wyit tjääntëkatsyën.

Juan 5:19

Ets ja Jesús y'ënëmaayëtë: Tëy miits nëëmëtë ko yë Dios y'U'unk ka'ap tjëkyepy ets kyë'ëm winma'any tyajtunëty, yi'iyë mëpaat tuny mëti'ipë tyuunpyën ja Tyeety. Tu'kë'ëyë mëti'ipë tyuunpyën ja Dios Teety, tyuunpy näjyëtu'un ja y'U'unk.

Mateo 17:20

Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Mateo 16:28

Tëy miits n'ënëëmëtë ko tää yaa ja ja'ay yajpaatë mëti'ipë ka'ap y'ooka'antën koonëm t'ixtëty ko ënety myiny ja yajkutujkpë, ja naaxwiinyëtë ja'ay ja y'U'unk.

Mateo 13:17

Tëy miits n'ënëëmëtë ko nimay ja Dios ja kyäjpxynyajxpë ets ja wa'ats ja'aytyëjkëty tja'ixantë mëti'ipë miits tyam m'ijxtëpën ets ka'ap ojts t'ixtë; ojts tjamëtowa'antë mëti'ipë miits tyam mmëtoowtëp ets ka'ap ojts tmëtowtë.

Mateo 10:23

Ko myajpajëtijta'aktëty ma tu'uk ja kajpnën, käknëjkxtë wiink kajpn. Tëy miits n'ënëëmëtë ko minëpës naamka'anëm ënety miits ja Israel it xye'ey'apëtsëmtë; ëjts, naaxwiinyëtë ja'ay y'U'unk.

Mateo 6:2

Paaty, ko ja ëyoopëja'ay xypyutëkëty këtii xiitsow yaatsow xymyëtyaakwa'kxëty ijxtëm y'ëtë'ëtstën tsajptëkotypë tyuntën mëti'ipë nätyijëtëp oyjyä'äy ets në'ëjoty tu'ujoty nyäpyëjkta'akëtë ets ja ja'ay wyintsë'ëkëtëty. Tëy miits n'ënëëmëtë ko yi'iyë jëtu'un kyuma'ayën'atantëp.

Mateo 5:26

Tëyës n'ëna'any ko jäänëm mpëtsëmëty ko xykyëpäjta'ajëty ja mnu'kxy.

Salmos 119:152

Tëëyëp tsyo'ontaknë maas nnijawën yë m'ënä'ämën mtëyajtën mëti'ipë ojts kë'ëm xypyëjktä'äkyën ets y'itëty winë xëëw winë jëmëjt.

Juan 21:18

Tëy mijts t'ënëëmë, ko ijty m'ëna'k'aty, kë'ëm ijty mnäxyoxyë ko muum mnëjkxa'any; e ko nëjkx mmëjja'ayënë mxajwa'kxëp yë mkë'ë ets wiinkpë mxoxëtëty ets myajnëjkxëtëty ma ka'ap xytsyokyën.

Juan 16:23

Ka'ap nëjkx tii xy'ëkyajtëëwnëtës jä'ä xëëw. Tëy miits nëëmëtë, mmo'ojëtëp miits ja nteetyës mëti'ipë m'amëtoowtëpën ëjtskyëjxm.

Juan 16:20

Tëy nëëmëtë, ko nëjkxëp mjë'ëtë mya'axtë ets mmontë mtuktë ma ënety ja ja'ay xyoonta'aktën mëti'ipë yajtuuntëpën ja naaxwiinyëtë winma'any; e oy ënety y'ëkjëtu'unëty ma miits jam mmontë mtuktën ets mjë'ëtë mya'axtën, ja mjë'ëyënëty myaxënëty ets ja mmo'onënëty mtukënëty jä'ä nëjkx y'awinpity xoontakën.

Juan 14:12

Tëy miits nëëmëtë, pën xymyëpëjkpës, tyunëp näjyëtu'un ja tuunk mëti'ipës ntuunpyën; ets tyunëp ja tuunk jaakmëjpë, yë'ë koos jap nnëjkxy ma ja Dios Teetyën.

Juan 13:38

Ënet ja Jesús y'ëtsoowë: ¿Jaanty m'ëna'any, koos xmyë''ëyoowpäta'anyësë? Tëy yam mijts nëëmëty ko naamka'anëm ënety ja këtseynyë'aaw yaaxë'ëkynyëm ko mijts xykyuyu'utsëtyës tëkëëk ok.

Juan 13:16

Tëy miits nëëmëtë ko ni pën ja wyintsën tkawinaxy ets ni pën kexyye'epyë tkawinaxy mëti'ipë käjxëpën.

Juan 12:24

Tëy miits nëëmëtë ko tu'uk ja tsajpmokpajk kyä'äy naaxkëjxy ets ka'ap y'ooky, ka'ap yë tyëëm tyäky, e ko y'ooky, wäänëmay ja tyëëm wyimpity.

Juan 10:7

Ënet ja Jesús ojts y'ënëmaaykyojënëtëpë: Tëy miits nëëmëtë, ëjts jëtu'un ijxtëm ja kemy aawën ma ja kupixyny nyaxtën.

Juan 10:1

Ënet ja Jesús y'ënäny: Tëy miits nëëmëtë, pën ka'ap tyëkën ma ja kemy aawën, mä'tspë ënety ets tu'u'ëtujkpë.

Juan 8:58

Ets ja Jesús tyaa y'ëtsoowëtë: Tëy miits nëëmëtë, naamka'anëm ja Abraham ënety myëxu'unk'atynyëm, koos ëjts njääjëty.

Juan 8:51

Tëy miits nëëmëtë, pën ja n'aaw n'ayukës pyatuunpyën, nijëna'a kya'ookëty.

Juan 8:34

Tä ja Jesús y'ënëmaayëtë: Tëy miits nëëmëtë, ni'ëmukë mëti'ipë pokytyuuntëpën, jëtu'un ja poky yaj'itëtë ijxtëm jeexyë myëtuunpë'atën nitooky.

Juan 6:53

Ënet ja Jesús y'ënëmaayëtë: Tëy miits nëëmëtë, pën ka'ap xytsyu'utstë ja xyixy ja naaxwiinyëtë ja'ay ja y'U'unk, ets pën ka'ap ja nye'pny xy'ukëtë, ka'ap ja juukyajtën xymyëët'atëty.

Juan 6:47

Tëy miits nëëmëtë ko pën xymyëpëjkpës, yë'ë myëët'ajtyp ja juukyajtën xëmëkyëjxmëpë.

Juan 6:32

Ets ja Jesús y'ëtsoowëtë: Tëy miits nëëmëtë ko ka'ap yë'ëjëty yë Moisés ojts mmo'ojëtë ja tsajpkääky mëti'ipë tsajpjotm tso'onpën, ja nTeetyës ojts mmo'ojëtë ja tsajpkääky mëtëypyë mëti'ipë tsajpjotm tso'onpën.

Juan 6:26

Ets ja Jesús y'ëtsoowëtë: Tëy miits nëëmëtë, paaty xy'ixta'atës ko ojts ku'uxyë mkaytyë; ka'ap yë'ëjëty ko miits xy'ixtë ja mëj'ajtën.

Juan 3:11

Tëy mijts t'ënëëmë ko nija'awëtyëpës mëti'ipës nnikajpxtëpën, ets nija'awëtyëp ëëtsëty mëti'ipës të n'ixtën; je'eyëp ko miitsëty ka'ap xymyëpëktë mëti'ipë njatukmëmëtyaktëpën.

Juan 3:5

Ënet ja Jesús y'ëtsoowë: Tëy mijts t'ënëëmë, pën ka'ap myëxu'unk'aty mëët ja nëë ets ja Dios ja Myëjaaw myëk'ajtën, ka'ap tjëkyepy tyëkëty ma ja Dios ja kyutujktaknën.

Juan 3:3

Ënet ja Jesús y'ënëmaayë: Tëy mijts t'ënëëmë, pën ka'ap jatëkok ja ja'ay myëxu'unk'aty, ka'ap tjëkyepy t'ixëty ja Dios ja kyutujkën.

Juan 1:51

Ets ja Jesús jyaak'ënany: Tëy miits nëëmëtë ko xy'ixa'antë ja tsajp ëwa'ats ets ja Dios ja y'anklëstëjk pyätë jyënaktë ma ja naaxwiinyëtë ja'ay ja y'U'unkën.

Lucas 23:43

Tääts ja Jesús y'ëtsooy: Tëy mijts n'ënëëmë ko tyämyë mëët ëjts myajpaata'any ma ja Dios ja y'ijtaknën.

Lucas 18:29

Tääts ja Jesús y'ëtsooy: Tëy miits nëëmëtë, pën y'ëxmatsyp ja jyëën tyëjk, tyaak tyeety, myëkä'äx, y'u'unk tyo'oxytyëjk, Dios kyutujkënkyëjxm,

Lucas 18:17

Tëy miits nëëmëtë, pën ja Dios ja kyutujkën ka'ap tkupëjkë ijxtëm ja pi'k ëna'kën, nijëna'a kyatëkëty ma Dios yë kyutujktaknën.

Lucas 13:35

Ix ja mtëjk, apak wyë'ëmanë. Jëtu'un yam nëëmëtë ko ka'ap miits xy'ëk'ijxnëtëtyëts, jäänëm ko m'ëna'antëty: Kënu'kxy ja mëti'ipë myëmiinpyën ja Wintsën ja xyëëw.

Lucas 12:37

Akujk jotkujk yajpaatë ja tuunpëtëjk mëti'ipë wijy kejy yajpatëpën ko ja wyintsën jyä'ty. Tëy miits nëëmëtë ko kë'ëm ja wintsën nëëmëja'any ja tyuunpëtëjk ets nyaaxwäätstëty ma kaaytyaknën ets ja wintsën kë'ëm ja ka'ayën ukën t'apëkëja'any.

Lucas 11:51

tyimtso'ontä'äky ma ja Abel y'o'kyën ets jyëjpkëxy ma ja Zacarías y'o'kyën jap tsajptëkoty ma ja wintsë'këntyaknën. Paaty n'ënëëmëtë ko Dios pyaye'eyäämpy tii ko y'o'ktën tääpë ja'ayëty ma ja'ayëtyën tyampë jyuuky'atën.

Marcos 14:30

Ënet ja Jesús y'ënëmaayë: Tëy mijts n'ënëëmë ko tyam koots, ka'anëm ënety ja këtseynyë'aaw yaaxë'ëky mëmäjtsk okpë koos mijts tëkëëk ok xykyuyu'utsa'any.

Marcos 14:25

Tëy miits n'ënëëmëtë, ka'apës n'ëk'uukanë ya'atë tsatym nyëë, ënätnëmës n'uukëty jatëkok ko ënety jam nyajpaatyës ma Dios ja kyutujktaknën.

Marcos 14:18

Ko twinkuwä'tsëy ja kaaypyäjn ets kyääytyë, ënät ja Jesús y'ënäny: Tëy miits n'ënëëmëtë ko tää yaa tu'uk nmëëtka'ayëm mëti'ipës xykyë'ëyakaanpën.

Marcos 14:9

Tëy miits n'ënëëmëtë ko oy tyimmaajëty maa ënety yajkajpxwä'kxyën ya'atë oy aaw oy ayuk, yajnikajpxëp näjyëtu'un ets mëj'äämpy nëjkx nyäxy ya'atë to'oxytyëjk mëët mëti'ipë të tunyën mëët ëjts.

Marcos 12:43

Ënet ja Jesús tmëkajpxmujky ja y'ijxpëjkpëtëjk, ets t'ënëmaay: Tëy miits n'ënëëmëtë ko yë ku'ookytyo'oxy ëyoopëja'ay, wäänëmay ja myeeny të t'akonë këtiinëm ni'ëmukë ja wiink ja'ay mëti'ipë jyä'ä të tpëjkta'aktën meeny apëjkënjoty.

Marcos 11:23

Tëy miits n'ënëëmëtë, pën nyëmääpy ya'atë kopk: kä'äk jää, tëkë mejyjoty ets ëmuumtu'ukjot jëtu'un t'ënëëmë ets ni'ikyë y'ënä'äny ko jëtu'un tyuna'any jyata'anyë, janty tun janty jatëtëp jëtu'un.

Marcos 10:29

Tääts ja Jesús y'ëtsooy: Tëy miits n'ënëëmëtë, pën të t'ëxmatsy ja tyëjk, myëkä'äxtëjk, tyaak tyeety, y'u'unk y'ëna'k, ëkë nyaax mëët ko të tja'akyukë ja oy'aaw oy ayuk ets koos të xymyëpëky,

Marcos 10:15

Tëy miits n'ënëëmëtë, pën ja Dios ja kyutujkën ka'ap tkupëjkë ijxtëm ja pi'k ëna'kën, ni wintim nijëna'a kyatëkëty jam ma Dios kyutujktaknën.

Marcos 9:41

Tëyës n'ëna'any, ko pën mmo'ojëtëty ja tëtsyk nyëë tu'ktsim jä'ä ko ënety nja'ay'atë, yajmo'ojëp ja kuma'ayën.

Marcos 9:1

Näyjyëtu'un ja Jesús y'ënëmaayëtë: Tëy miits n'ënëëmëtë ko tää yaa wyë'ëmtë mëti'ipë ka'ap y'ooka'antën koonëm t'ixtëty ko ja Dios ja kyutujkën ënety myiny mëët ja mëk'ajtën.

Marcos 8:12

Tääts ja Jesús ojts mëk xyajku'ty ets y'ënäny: ¿Tii ko ya'atë ja'ay t'amëtowtë tu'uk ja mëj'ajtën? Tëy miits n'ënëëmëtëty ko jëtu'unpë ja ja'ay ka'ap nyitëkëty yajtuk'ixëty nitii mëj'ajtën.

Marcos 6:11

E ma mkayajkupëktën ets ka'ap tmëtowa'antë mëti'ipë mjanikajpxtëpën, mtsoontëp jam. Ënet ja pu'uxm xywyinxitëty mëti'ipë jamën ma mtekyëtyën ets jëtu'un xytyuk'ixtëty ko pokymyëët wyë'ëmtë.

Marcos 3:28

Tëy miits n'ënëëmëtë, yajpokymyä'kxantëp yë ja'ay tu'kë'ëyë yë pyokyëty ets kyajpxtëko'oyënëty,

Mateo 25:45

Ets ja yajkutujkpë y'ëtsowa'anëtë: Tëy miits n'ënëëmëtë, ko tu'kë'ëyë mëti'ipë miits ka'ap të xytyuntë oy ma tyaapë ja'ayëtyën ëmaay amutskpë, ëjtsën jëtu'un miits të xytyuntë.

Mateo 25:40

Ënet ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënety yajpatëpën ëmaay amutsk, ëjts jëtu'un të xymyëtuntë.

Mateo 25:12

Tääts ja ye'etyëjk pëjkpë y'ëtsooy: Tëy n'ënëëmëtë, miits ka'ap n'ixy'atë.

Mateo 24:47

Tëy miits n'ënëëmëtë, ko ja Wintsën yë'ë nëjkx tyuknipëkyë ja tuunk wä'än mëti'ipë tuunkëty ets yë'ë tniwintsën'atëty.

Mateo 24:2

Ënet ja Jesús y'ënëmaayëtë: ¿M'ijxtëp ya'atë tu'kë'ëyë? Tëy n'ënëëmëtë ko ya'atë tsaapotsy nitu'uk kyawë'ëma'any, tu'kë'ëyë jyijta'aja'any.

Mateo 23:36

Tëyës n'ëna'any ko tkëpäjta'aja'antë ja ja'ay mëti'ipë tyam juuky'ajtëpën.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Mateo 21:21

Tääts ja Jesús y'ëtsoowëtë: Tëy miits n'ënëëmëtë, pën mmëpëjktëp ets ka'ap yë mjot mwinma'any xyajtëkatstë, ka'ap yi'iyë xytyuntëty tääpë xy'ixtën koos yë higo kepy nyajtë'ëtsy. Yë'ëpaat ya'atë kopk jyëkyejpy xy'ënëëmëtëty: jëwa'ak yaa, nëjkx jap mejyjoty ets jatëp jëtu'un.

Mateo 19:28

Tääts ja Jesús y'ëtsoowëtë: Tëy miits n'ënëëmëtë, ko ënety winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

Mateo 19:23

Ënet ja Jesús ja y'ijxpëjkpëtëjk t'ënëmaay: Tëy miits n'ënëëmëtë ko tsip tu'uk ja kumeenyjyä'äy tyëkëty ma ja tsajpjotmëpë kutujkënën.

Mateo 18:18

Tëy miits n'ënëëmëtë, pën tii mkutsuumtëp yaa naaxwiiny, näjyëtu'un kutsumy wyë'ëmëty tsajpjotm; ets pën tii mmëkäjëtyëp yaa naaxwiiny, näjyëtu'un mëkäjë wyë'ëmëty jam tsajpjotm.

Mateo 18:3

ets y'ënäny: Tëy miits n'ënëëmëtë, pën ka'ap miits ja mjuukyajtën xyajtëkatstë ets mwinpitë ijxtëm yë pi'k ëna'kën, ka'ap nëjkx mtëkëtë ma tsajpjotmëpë kutujktaknën.

Mateo 11:11

Tëy miits n'ënëëmëtë ko ni pën jëtu'un kyamëjjëty ijxtëm yë Juan Yajnëëpäjtpën. Jä'ä ko jam ma tsajpjotmëpë kuttujkën mëj'äämpy yë ja'ay nyäxy mëti'ipë mutsk näyajnajxëpën yaa naaxwiiny.

Mateo 10:42

Pën myoopy ja nëë tu'ktsim ja pi'k ëna'k mëti'ipës xymyëpëjkpën, tëyës n'ëna'any ko y'ëxajëjäämpy ja kyuma'ayën.

Mateo 10:15

Tëy miits n'ënëëmëtë, ko nëjkx tpaaty ja paye'eyën, wäänë këjää tääpë kajpn ja ëyo'on yajmo'otëty këtiinëm ja Sodomë ets Gomorra itjot.

Mateo 8:10

Ja Jesús mëjmëtoy ojts tjawë ko jëtu'un y'ënä'äny ja ja'ay, paaty t'ënëmaay ja mëti'ipë jam pajëtijtëpën: Tëy miits nëëmëtë ko ni tu'ukës ja'ay jëtu'unpë të nkapaaty yaa Israel ijxtëm ya'atë ye'etyëjkën, mëti'ipë mëj këjää tyuk'ijxpejtypyën yë Dios.

Mateo 6:16

Ko miits m'ayuu'atëty, ka'ap ja mwiin mjëjp xypyëjkta'aktëty yaj'ëyow yaj'ama'at, ijxtëm y'ëtë'ëtstën mëti'ipë oyjyä'äy nätyijëtëp ets ja ja'ay y'ixëtëty ko y'ayuu'atë. Tëy miits n'ënëëmëtë ko yi'iyë kyuma'ayën'atantëp.

Lucas 4:24

Ets jyaak'ënany: Tëy miits n'ënëëmëtë ko nitu'uk ja Dios ja kyäjpxynyajxpë oy kyayajkupëky ma nyaax kyajpnën.

Salmos 111:8

jä'ä ko xëmëkyëjxm ta'tspëky y'ity, yë y'ënä'ämën jä'ä y'oytyunyëty mëët yë tëyajtën jaanty'ajtën.

Isaías 44:26

E ja ntuunpës ja y'aaw y'ayuk ëjts kë'ëm ntuknipëjktakëp ets y'atëwëty, mëti'ipë myääytyëpën tyajtëpën tyunëtëty jyatëtëty ijxtëm të tuknipëjktaakëtën. Tyamës nnikäjpxy ko ja Jerusalén kajpn yajtuktsëënëjaanp jatëkok ets Judá kajpn nëjkxëp jatëkok yajkoj'oyë. Ëjts të ntuknipëjktaakë ets yajkoj'o'oyëtya'ajëty jënu'un xit ko'ow yajpaatyën.