Mateo 5:11 - Biblia Dc en Mixe de Quetzaltepec

¹¹ Jotkujk miitsëty myajpaatëty ko ja'ay m'ojëtëty mya'axëtëty ets m'ixjëtit mpajëtitëtëty ets mnipëtë'ëkëtëty ets mni'antaakëtëty mëët ëjtskyëjxm.

Biblia Mixe de Quetzaltepec

¹¹ Jotkujk miitsëty myajpaatëty ko ja'ay m'ojëtëty mya'axëtëty ets m'ixjëtit mpajëtitëtëty ets mnipëtë'ëkëtëty ets mni'antaakëtëty mëët ëjtskyëjxm.

Mateo 5:11 ပူးပေါင်းရင်းမြစ်များ

Salmos 35:11

Tä ja'ay mëti'ipë poky nyikajpxëpën ka'apë myëtëyëtyën ets ënät tyajtëwtë ka'apës nijawën.

Salmos 44:22

E mëët mijtskyëjxm o'këntumës xëmë nyajpaatë; jëtu'unës nyajpëjktaknëtë tä tu'uk yë kupixynyën mëti'ipë yajmënëjkxnëpën o'këntum.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Isaías 51:7

Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Jeremias 37:14

Tääts ja Jeremías y'ëtsooy: Ëjts ka'apës pën mpukajpxë, wi'ixës ko caldeo ja'ay mpukajpxëty. E ja Irías ka'ap ojts tmëtoowkukë tä ja Jeremías jya'ëna'anyën, ënät ojts tsumy ets tyajnëjkxy ma ja kutuunktëjkëtyën.

Mateo 10:18

Ëjtskyëjxm nëjkx myajmënëjkxtë ma ja yajkutujkpën ets ma ja kutuunkëtyën. Jëtu'un nëjkx xyaj'ixëtë ja tëyajtën ëjtskyëjxm ma yë'ëjëtyën ets ma ja ka'apë jyutiiyësëty.

Mateo 10:22

Aak mmëtsip'atanëtëp ja ja'ay mëët ëjtskyëjxm; pën myëtënääpy mapaat kyukëxën, jä'ä nëjkx tsyo'oky.

Mateo 10:25

Yë ijxpëjkpë yë'ë tyukjotkujk'atëp ko jëtu'un jya'ta'any tä ja yaj'ijxpëjkpën ets ja mëtuunpë tä wyintsënën. Pën Beelzebú yajtijy ja u'unkteety, ¿tii ko näjyëtu'un kyayajtijtëty ja y'u'unk y'ëna'k?

Mateo 10:39

Jä'ä ko pën ka'ap wi'ix jyata'any, tëkoyaanp ja jyuukyajtën; e pën y'ëxmatsyp ja nyaaxwiinyëtë juukyajtën mëët ëjtskyëjxm, jä'ä pyaatäämpy ja juukyajtën xëmëkyëjxmëpë.

Mateo 19:29

Ets ni'ëmukë pënjaty të t'ëxmatstën ja jyëën tyëjk, myëkä'äx, tyaak tyeety, y'u'unk y'ëna'k ets ja nyaax kyajpn; wäänëni'ik nëjkx yajmo'otë winë, mëko'px nipätën; näjyëtu'un yajmo'oja'antë ja juukyajtën xëmëkyëjxmëpë.

Mateo 24:9

Ënet miits myajkë'ëyaktëty ets myajtsaatytyuntëty ets ja ja'ay myaj'ookëtëty. Tu'kë'ëyë ja'ay nëjkx m'ëxëëk'ixëtë jä'äkyëjxm ko ënety ëjts xymyëpëktë.

Mateo 27:39

Ko ja ja'ay nyaxtë je'eyë nyëxi'ik tyukxi'ikëtë ets kyujëpiptë,

Marcos 13:13

M'aakmëtsip'atëtëp ja ja'ay koos ënety ëjts xymyëpëktë, e mëti'ipë ta'tspëky tënääpyën, yë'ë nitso'okaanp.

Marcos 13:9

Yajxon mnäkyëwent'atëtëty, jä'ä ko myajkë'ëyakantëp miits ma kutuunkëtyën ets nëjkx myajwoptë tsajptëkoty. Myajmënëjkxantëp ma ja yajkutujkpëtëjkën ets ma wintsëntëjkëtyën mëët ëjtskyëjxm, jëtu'un ënety miits xyajnikëxë'ëktë ma yë'ëjëtyën koos të mymyëpëktë.

Marcos 4:17

Jëtu'un jä'äjëty ijxtëm ja tsajpmokyonën mëti'ipë ka'ap tyiktsk kyëkëtyën. Ka'ap jeky y'ity jä'äkyëjxm ko ja Dios ja y'aaw y'ayuk tku'ëyo'onpatëtë ëkë yajpajëtijta'aktë ets ënätyë t'ëxmatstë mëti'ipë ënety të tja'amëtoow'itën.

Marcos 8:35

Jä'ä ko pën ka'ap wi'ix jyata'any, kë'ëm ja jyuukyajtën tyajtëkoyëty; e pën y'ëxmajtsypyën ja jyuukyajtën koos ënety ëjts xypyatsoony ets tmëtoow'ity ja oy aaw oy ayuk, yë'ë yajtso'okäämpy ja jyuukyajtën.

Lucas 21:12

Naamka'anëm ënety jëtu'un jyäty kyëpetynyëm, ko nëjkx miits myajmatstë, myajpajëtijta'aktë, myajkë'ëyaktë ma ja tsajptëjkën ets myajtsumtë ets myajmënëjkxtë ma ja yajkutujkpëtëjkën jä'äkyëjxm ko ënety miits të mëpëktë ma ëjtsën.

Lucas 21:17

Ni'ëmukë ja ja'ay m'ëxëëk'ixa'anëtë, jä'ä ko ënety ëjts xymyëpëktës.

Lucas 6:22

Akujk jotkujk miitsëty myajpaatëty ko ja ja'ay m'ëxëëk'ixëtëty, m'ëxwopëtëty, m'ojëtëty ets jëtu'un myaj'ixtëty m'ëxëëkja'ay'ajtëp yowë, mëët ko yë'ë xymyëjwa'kpätë ja naaxwiinyëtë ja'ay ja y'U'unk.

Lucas 9:24

Yë'ë ko pën yajtso'okäämpyën ja jyuukyajtën yajtëkoyäämpy jä'ä; e pën yajtëkoopy ja jyuukyajtën mëët ëjtskyëjxm, yë'ë ja nitsokën pyatäämpy.

Juan 15:21

Ëxëëk mjata'an mkëpäta'antë mëët ëjtskyëjxm, jä'ä ko ka'ap nijawëtë pën të xykyexyës.

Juan 9:28

Tääts ojts t'ojtë mëti'ipë ijty wiintsën: Jä'ä ko mijts ya'atë ja'ay mpanëjkxyp; e ëëtsëty Moisés npanëjkxtëpës.

Hechos 9:16

Ntuk'ix ntuknijawëpës wi'ixës xykyu'ëyowëtyën.

Romanos 8:36

Jëtu'un ijxtëm ja Dios ja y'aaw y'ayuk y'ënä'änyën: Jä'äkyëjxm ko mijts myajmëpëky, xëmë ëëts ja ja'ay xyaj'ooka'antë, jëtu'un ëëtsëty naxtë ijxtëm ja kupixyny yajmënejkxyën ma ja y'o'ktaknën.

1 Corintios 4:10

Koos ja Kristë nmëpëktë, tsuuja'ayës nyajtijtë; nkukajpxëpës ja Kristë ko miits myajtijtë wijy kejy; ëëtsëty ka'apës njotmëk'atë, e miitsëty amëk jotmëk myajpaatë. Ka'apës ja'ay xytsyoktë, e miitsëty myajtsojktëp.

2 Corintios 4:11

Jëtu'unës njuuky'atë, xëmës ja ja'ay xyaj'ooka'antë koos ja Jesús nmëpëktë ets ja jyuukyajtën nyikëxë'ëkëty ma ëëts ja njot nini'kxëtyën.

Filipenses 1:29

Kristë mëët ja Dios të tuny ja mëyajtën ka'ap yi'iyëty ko xymyëpëktë ja Kristë, näjyëtu'un ko Kristëkyëjxm xymyënax xyajnaxtëty ja ëyo'on jotmay.

1 Pedro 2:23

Ko yajwinkajpxpejty, kä'äp y'ëtsooy ajoot'an; ko yajtsaatsy tyuuny, ka'ap y'ëtsu'uxyäxy; je'eyë ja Dios ojts nyätyukë'ëwanëty ets yë'ë nyipaye'eyëtëty.

1 Pedro 4:14

Xoonta'aktë pën jää pën ëxëëk mnikajpx mnimëtya'akëtë ko ja Kristë xymyëpëktë, jä'ä ko ja Dios Jya'awën ijtëëp jam ma miits ja mjot mwinma'anyëtyën.

Apocalipsis 2:3

Xëmë oy të mjuuky'äty, ets tëë mëk xykyu'ëyowës, ka'ap të m'ënu'kxë.