Mateo 5:10 - Biblia Dc en Mixe de Quetzaltepec

¹⁰ Jotkujk yë ja'ay yajpaatë mëti'ipë yaj'ixjëtijtp yajpaajëtijtëpën mëët ko mëtëy tii tnipaye'eytyë, jä'ä ko yë'ë nëjkx tjä'ä'atë tsajpjotmëpë kuttujkën.

Biblia Mixe de Quetzaltepec

¹⁰ Jotkujk yë ja'ay yajpaatë mëti'ipë yaj'ixjëtijtp yajpaajëtijtëpën mëët ko mëtëy tii tnipaye'eytyë, jä'ä ko yë'ë nëjkx tjä'ä'atë tsajpjotmëpë kutujkën.

Mateo 5:10 ပူးပေါင်းရင်းမြစ်များ

Salmos 37:12

Yë ëxëëk ja'ay yë'ë myëmääpy myëtäjpy wi'ix t'ëxëëk tunëty yë ja'ay mëti'ipë oy tsuj juukyajtpën, ets ënät twintë'kxpety jëpyëkëm ko t'ëxëëk ixy.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Mateo 10:23

Ko myajpajëtijta'aktëty ma tu'uk ja kajpnën, käknëjkxtë wiink kajpn. Tëy miits n'ënëëmëtë ko minëpës naamka'anëm ënety miits ja Israel it xye'ey'apëtsëmtë; ëjts, naaxwiinyëtë ja'ay y'U'unk.

Mateo 19:14

Ënet ja Jesús y'ënëmaayëtë: Ixmatstë yë pi'k ëna'k, wä'änës xynyimintë, këtii xy'ëtuktëty, jä'ä ko yë'ë jëtu'unpë tä pi'k ëna'kën ja tsajpjotmëpë kuttujkën jyä'ä'atantëp.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Dios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Dios tyajkojy ja naaxwiinyëtë.

Mateo 5:3

Jotkujk yë ja'ay yajpaatë mëti'ipë jyot wyinma'any jëtu'un yajmaay yajtajtëpën tä ëyoopëja'ayëtyën, jä'ä ko yë'ë jyä'ä'atantëp ja tsajpjotmëpë kuttujkën.

Marcos 10:14

Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Dios tsyokpy ma kyutujktaknën.

Marcos 10:30

wäänëni'ik t'ëxajëja'any winë tyam ma jyuuky'ätyën, pyatäämpy mëko'px'am ja tyëjk, y'uty, y'äjty, tsyë'ë, tyaak, y'u'unk y'ëna'k ets nyaax. Oy yajpajëtijta'aktëty, ok nëjkx jyuuky'äty xëmëkyëjxm ko ënety tpaaty ja nyixëëw nyijëmëjt.

Lucas 21:12

Naamka'anëm ënety jëtu'un jyäty kyëpetynyëm, ko nëjkx miits myajmatstë, myajpajëtijta'aktë, myajkë'ëyaktë ma ja tsajptëjkën ets myajtsumtë ets myajmënëjkxtë ma ja yajkutujkpëtëjkën jä'äkyëjxm ko ënety miits të mëpëktë ma ëjtsën.

Lucas 22:29

Paaty miits nmo'otë tu'uk ja kuttujkën, ijxtëmës ja Dios Teety näjyëtu'un të xymyo'oyën,

Lucas 6:20

Ënet ja Jesús twin'ijxpejty ja y'ijxpëjkpëtëjk ets t'ënëmaay: Akujk jotkujk miitsëty myajpaatë mëti'ipë ëyoowtëpën, jä'ä ko miits mjä'ä'ajtëp ja Dios ja kyutujkën.

Lucas 6:22

Akujk jotkujk miitsëty myajpaatëty ko ja ja'ay m'ëxëëk'ixëtëty, m'ëxwopëtëty, m'ojëtëty ets jëtu'un myaj'ixtëty m'ëxëëkja'ay'ajtëp yowë, mëët ko yë'ë xymyëjwa'kpätë ja naaxwiinyëtë ja'ay ja y'U'unk.

Juan 15:20

Ja'amyätstë ijxtëm të nëëmëtë: Ni pën tuunpë wyintsën tkawinaxy. Pën tëëjës xypyajëtijta'aktë, näjyëtu'un miits myajpajëtijta'aka'antë; ets pën tëëjës ëjts ja n'aaw n'ayuk xykyupëjkëtë, näjyëtu'un miits ja m'aaw m'ayuk yajkupëka'antë.

Hechos 5:40

Ojts tja'akyukëtyë mëti'ipë ja Gamaliel kyajpxën. Tää twoowtsoowtë ja ijxpëjkpëtëjk ets tyajkwojpëtë je'eyë, ets t'ënëmaaytyë ko ka'ap t'ëknimëtyaknëtëty ja Jesús. Tääts t'ëxmajtstë.

Hechos 8:1

Oy ja Saulo tja'awëy ko ja Esteban tyaj'o'ktë. Jä'ä xëëw yajpajëtijtaktë ja mëpëjkpëtëjkëty, mëti'ipë ja Jesús myëpëjktëpën jampë tsyëënëtën Jerusalén. Ni'ëmukë, yi'iyë ja Jesús ja y'ijxpëjkpëtëjkëty ojts ka'ap yajpaatë, jä'ä ko ojts ënätyë ye'eywya'kxta'atë, ets nyëjkxtaaytyë maajaty ja Judea ets Samaria y'itjotmën.

2 Corintios 4:17

Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

Filipenses 1:28

je'eyëp ko këtii mnätyuk'ëtsë'ëkëtëty ja mmëtsipëty. Ko xykyatsë'ëkëtëty, yë'ë mtuknijawëtëp ko kutëyoyantëp ënätyëty ets nän yë'ë yajtunijawëp ko ënety ja nitsokën xypyaata'antë. Ya'atë Dios jëtu'un të tuknipëjktaakë.

2 Timoteo 2:12

Pën nku'ëyo'owëm, näjyëtu'un mëët nyajkutuka'anëm. Pën nkuyu'tsëm, näjyëtu'un yë'ë xykyuyu'tsa'anëm.

2 Timoteo 3:11

tëë näjyëtu'un m'ëyoy maajës nyaj'ixjëtity nyajpajëtityën ets maajës ëxëëk njaty nkëpetyën. Mnija'ap wi'ixës njajtyën jam Antioquía, Iconio ets Listra, koos nyajpajëtijtäky. E ja Wintsënës ojts xyajpëtsëmy ëyo'ontum.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Santiago 5:11

Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.

1 Juan 3:12

Ka'ap jëtu'un nja'ay'ajtmëty ijxtëm ja Cainkën, mëti'ipë ijty ja mëjku'u ja'ay'ajtëpën ets ja y'uty tyaj'o'ky. ¿Tii ko ojts tyaj'ooky ja Caín ja y'uty? Jä'ä ko ka'ap y'oyëty mëti'ipë tyuunën, yë'ë oy mëti'ipë ja y'uty tyuunën.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.