Mateo 4:4 - Biblia Dc en Mixe de Quetzaltepec

⁴ Tääts ja Jesús y'ëtsooy: Jëtu'un yë Dios yë y'aaw y'ayuk myiny këxja'ay: ka'ap ja'ay yi'iyë tsajpkääky tukjuuky'atëty, näjyëtu'un ja'ay tukjuuky'atëty ko tmëmëtowëty yë Dios.

Biblia Mixe de Quetzaltepec

⁴ Tääts ja Jesús y'ëtsooy: Jëtu'un yë Tios yë y'aaw y'ayuk myiny këxja'ay: ka'ap ja'ay yi'iyë tsajpkääky tukjuuky'atëty, näjyëtu'un ja'ay tukjuuky'atëty ko tmëmëtowëty yë Tios.

Mateo 4:4 ပူးပေါင်းရင်းမြစ်များ

Éxodo 16:15

Yë Israel ja'ayëty ka'ap tnijawëtë tiitën jä'ä, ko t'ijxtë tääts nyäyajtëëwëtë aak yë'ëjëty: ¿Tiitën ya'atënë? Tää ja Moisés y'ëtsoowëtë: Yë'ë tsajpkääky mëti'ipë ja Dios mooyëtëpën ets xyjyë'kxtëty xypyëktëty.

Éxodo 16:35

Yë Israel ja'ayëty jä'ä ja maná tkaaytyë t'uktë wëxtyikxy jëmëjt, koonëm ojts jam jya'të ma ja naax kajpnën, ma ja tsyëpa'an nyäxyën ja Canaán itjotm.

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

Éxodo 23:15

Mxëëwtuntëp ma ja tsajpkääky yajkayën jëtu'unyëpë ka'apë tsyooymyëëtëty, jëtu'un tä të ntuk'ëne'emyën, wëxtujk xëëw xykyäyëty yë tsajpkääky ka'apë tsyooymyëëtëtyën. Ya'atë xëëw jää xytyuntëty ma ja xëëw po'o y'änyën mëti'ipë xyëëwajtypyën Abib, jä'ä ko jä'ä po'o ojts jap mtsoontë Egiptë. Ets maas ëjtsën ni pën mëpaat kyaminy jëtu'unyë pën ka'ap tii tmëminy.

Mateo 15:11

Mëti'ipë aawjoty tëjkëpën ka'ap yë'ëjëty ja'ay yaj'ëxëëkëty; yë'ë tëy mëti'ipë jap aawjoty pëtsëëmpën.

Mateo 4:10

Ënet ja Jesús y'ëtsooy: Nëjkx mëjku'u, jëtu'un ja Dios y'aaw y'ayuk kyëxja'ayëty: wintsë'ëkë mWintsën Dios. Yë'ë tu'ukyë m'ëwtatëp ets xymyëmëtowëty.

Mateo 4:7

Tääts ja Jesús y'ëtsooy: Näyjyëtu'un ja Dios ja y'aaw y'ayuk kyëxja'ayëty: ka'ap ja Wintsën xywyinma'any'ixëty pën oy ka'oy tii ntuna'any.

Marcos 7:20

Ojts jyaak'ëna'any: Mëti'ipë pëtsëëmpën aawjoty jootjoty, yë'ë tëy ëxëëktuump.

Lucas 4:12

Tääts ja Jesús y'ëtsooy: Näjyëtu'un ja Dios ja y'aaw y'ayuk y'ënä'äny: Këtii ja Wintsën xywyinma'any'ixëty.

Lucas 4:4

Ënet ja Jesús y'ëtsooy: Jëtu'un ja Dios ja y'aaw y'ayuk kyëxja'ayëty: ka'ap ja'ay yi'iyë tsajpkääky timtyukjuuky'atëty.

Lucas 4:8

Tääts ja Jesús y'ëtsooy: Jëtu'un ja Dios ja y'aaw y'ayuk kyëxja'ayëty: Mwintsë'ëkëp yë Wintsën ets yë'ë tu'ukyë m'ëwtatëp ets mmëtunëp.

Juan 15:26

Paaty ko myinëty ja Nikajpxtutpë mëti'ipës nkäxäämpyën nTeetyës xyëëwkëjxm, ja Kënu'kxymyëkajtën mëtëypyë, mëti'ipë tso'ompën ma ja Dios Teetyën, yë'ë nëjkx xynyimëtyä'äkyës.

Juan 6:63

Ja Dios ja Jya'awën yë'ë ja juukyajtën yäjkpy, ka'ap tyuny mëti'ipë jam yë nyi'kx kyopkën. Mëti'ipë yam të ntukmëmëtya'aktën yë'ë mëti'ipë ka'ap yaj'ixyën je'eyëp ko yäjkpy ja juukyajtën.

Romanos 15:4

Paaty ojts tu'kë'ëyë winë yajjaaywyi'imy ets xytyuk'ijx xytyuknija'awëmëty, ets amëk jotmëk nmëtënä'ämyëty ja ëyo'on mëti'ipë nmënajx nyajnajxëmën, jëtu'un nmëët'ajtmëty ja jotkujk'ajtën ko ja Dios ëmuumtu'ukjot njëjp'ijxëmë.

Efesios 6:17

Jëtu'un miits mëët'atë ja nitsokën ijxtëm ja tsiptuunpë tmëëtëtyën ja pyujxnkujup; ets ja Dios ja y'aaw y'ayuk ijxtëm ja tsiptuunpë tyajtunyën ja tyiypyujxn, mëti'ipë ja Kënu'kxymyëkajtën mmooyëtëpën.

Deuteronomio 8:3

Oy ojts mëk m'ëk ëyowtë ets m'ayuu'ajt m'ëxëëwajtë, yë'ë, ojts jatëkok mpa'ëyowëtë, ojts jatëkok myajkay myaj'uukëtë mëët ja maná. Jä'ä jëtu'un ja ka'ayën ukën mëti'ipë ni miits ets ni m'ap m'ok tkanija'awëtyën tiitën jä'ä, paatykyëjxm yë'ë tyäjky ets mtuknijawëja'anëtë, ko ja'ay ka'ap yi'iyë ka'ayën ukën timtyukjuuky'atëty. Nëjkxëp näjyëtu'un tukjuuky'äty ja Wintsën ja y'aaw y'ayuk.