Mateo 4:23 - Biblia Dc en Mixe de Quetzaltepec

²³ Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kuttujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Biblia Mixe de Quetzaltepec

²³ Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kutujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Mateo 4:23 ပူးပေါင်းရင်းမြစ်များ

Salmos 103:3

Yë'ëjës xypyokywyinmä'kxp maas winë oy nkatunyën ets yë'ëjës xyajtsokp koos jëna'ajëty npëkyë n'ixyë.

Salmos 74:8

Jä'ä ojts tjatuknipëjktaakëtë ets jeexyë ëëtsëty tëkokyë xyajkutëkooytyääytyë, ojts tu'kë'ëyë tnino'kta'atë yë it naaxwiinyëtë mëti'ipë ënety yë naax kajpn myëët'ajtypyën ma ja niye'eypyät y'ityën ets mijts myaj'ëwtaty.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.

Mateo 12:9

Ënet ja Jesús jam tsyo'ony ets ojts tyëkë ma tu'uk ijxpëjktaknën.

Mateo 13:19

Ja tëëmt mëti'ipë ojts kyä'äyën tu'ujotm, jëtu'un jä'ä ijxtëm ja ja'ayëtyën mëti'ipë të t'amëtoow'itën ja Dios ja y'aaw y'ayuk ets ka'ap tja'akyukëtë; ënät myiiny ja mëjku'u ets pyëjkxëtë ja Dios ja y'aaw y'ayuk mëti'ipë të jyayajni'ipyën ma jyot wyinma'anyën.

Mateo 13:54

ets ojts jyä'ty kyajpnjoty. Jam ojts yaj'ijxpëjktsoony tsajptëkotm. Janty mëj'ixy ja ja'ay tja'awëtyë ets y'ënantë: ¿Ma ya'atë ja'ay jëtu'unpë ijxpëjkën të tjaty? ¿Wi'ix myäyë mëj'ajtën tyaj'ixëtëty?

Mateo 14:14

Ko ja Jesús pyëtsiimy kepy nëëwinye'epyëjoty ets t'ixy ja mayjyä'äy, ënät tpa'ëyooy ets tyajtsoky ja pa'amja'ay mëti'ipë ënety të tmëmintën.

Mateo 24:14

Ets ya'atë aaw ayuk oypyë ma Dios kyutujkën yajnimëtyä'äkyën, nëjkxëp yajkajpxwä'kxy ma tu'kë'ëyë naaxwiinyëtën ets nëjkx ja ja'ay tnija'awëtya'atë, täänëm ja naaxwiinyëtë kyukëxëty.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Mateo 9:35

Tyukjëtijtëtyääy ja Jesús ja naax kajpn mëj mutsk ets yaj'ixpëky tsajptëkoty maajëty tu'uktu'uk ja kajpnën ets tuk'ëwaanë ja ja'ay aaw ayuk oypyë ma Dios kyutujkën yajnimëtyä'äkyën ets tyajtso'oky oymyëti'ipë pa'amëty ets pëjkën ato'onën.

Marcos 1:14

Ko ja Juan ënety të yajtsumy, ënät ja Jesús tsyo'ony ets ojts nyijkx Galilea y'itjotm. Jamts ojts tkajpxwä'kxy ja oy aaw oy ayuk ma Dios yajnimëtyä'äkyën,

Marcos 1:21

Tääts ojts jya'të jam Capernaúm. Po'kxënxëëw ënety të tpaaty ko ja Jesús jap tyëjkëy ma ja Judá ja'ay y'ijxpëktën ets tyëjkëy yaj'ijxpëjkpë.

Marcos 1:39

Jëtu'un ja Jesús t'aye'eytyääy ja kajpn Galilea y'itjotmëpë ets ja Dios ja y'aaw y'ayuk tkajpxwa'kxë jam tsajptëkotm ets t'ixkejxy ja ku'oypyë.

Marcos 3:10

Jä'ä ko tëë ënety kanaak tyajtso'oky ja ja'ay; jëtu'unts ni'ëmukë ja pa'amja'ay myäymyiintë, mëpaatëp ja Jesús tyajkëtaawnëtë ko tona'antë.

Marcos 6:2

Ko tpaty ja po'kxënxëëw, ënät yaj'ijxpëjktso'ony tsajptëkotm ets ja mayjyä'äy mëti'ipë ënety myëtoow'ijtëpën mëjmëtoy tmëtoowtë ko jëtu'un yaj'ixpëky. Tääts nyäyajtëëwëtë: ¿Ma jëtu'unpë të t'ijxpëky? ¿Tii wijyajtën yë'ë të yajmo'oy? ¿Maa ja kuttujkën tpëky ets ja mëj'ajtën tyajnikëxë'ëkëty?.

Marcos 6:6

Mëk tja'awëy ko ja ja'ay ka'ap myëpëjkë. Ënet kajpn kajpn jyëtijty tyaj'ijxpëky ja ja'ay.

Lucas 10:9

Yajtso'oktë ja pa'amja'ay mëti'ipë jamëtyën ets xynyëëmëtëty: Tää ja Dios ja kyutujkën mmëwinkonëtë.

Lucas 13:10

Tëkok jyäjty kyëpejty jam ënety ja Jesús yaj'ixpëky po'kxënxëëwëtë tsajptëkotm.

Lucas 16:16

Yë ënä'ämën tëyajtën ets käjpxynyajxpëtëjk jääpaat jyëjpkëxy ma ja Juan Yajnëëpäjtpë jyuuky'äjtyën. Ets tsyo'ontä'äky ja oy aaw oy ayuk mëti'ipë Dios kyutujkën'ajtypyën ets may ja ja'ay jam tyëkëja'antë.

Lucas 20:1

Tëkok ja Jesús ënety yaj'ixpëky ma ja mëjtsajptëjkën, ja oy aaw oy ayuk nyikäjpxyp. Tääts ja teety wintsëntëjk jam jyajtë mëët ja tsajptëkotyëtë yaj'ijxpëjkpëtëjk ets ja mëjja'aytyëjkëty,

Lucas 4:14

Tääts ja Jesús ojts nyëjkxkojnëpë jam Galilea y'itjotm, mëk'äämpy ja Kënu'kxymyëkajtën ënety tmëët'ajnë. Aakyë'ë ja ja'ay nyikajpx nyimëtyaktëp oymyaajëty.

Lucas 5:17

Tu'kxëëw tu'ktiempë jyäjty kyëpejty, jam ënety ja Jesús yaj'ixpëky, tëë ënety jam nyaaxwäätstë yë fariseë ja'ayëty ets tsajptëkotyëtë yaj'ijxpëjkpëty. Tam yajpaatë ja'ayëty mëti'ipë tso'ontëpën Galilea, Judea ets Jerusalén. Ja Jesús ni'ikyë ja Wintsën ja myëj'ajtën tyaj'ixyë ko ja pa'amja'ay tyajtso'oky.

Lucas 6:17

Tääts ja Jesús tsyo'ony jam kopkëjxm mëët nimay ja y'ijxpëjkpëtëjk ets wya'ak'o'oyëy ma tu'uk ja joyën. Tam ënety nimay ja ja'ayëty të myuktë mëti'ipë tso'ontëpën Judea y'itjotm, Jerusalén ets mejy ëkë'ëmpë tsyoontën ma ja Tirë kajpnën ets Sidón kajpnën.

Lucas 6:6

Wiinkpë po'kxënxëëw ënety, ko ja Jesús tyëjkëy tsajptëkoty ets yaj'ijxpëjktso'ony. Japts ënety tu'uk ja ja'ay mëti'ipë kyë'ëjën të'ëts tu'k'atu'um aka'anypë;

Lucas 7:21

Tääts nän jää it ja Jesús tyajtsoky may ja ja'ay mëti'ipë pëjkëtëpën ets tyajpëtseemy ja ku'oypyë ma ja'ayën ets nimay ja ja'ay wiintspë tyaj'ijxë'ky,

Lucas 7:22

ets y'ëtsoowinpijty: Nëjkxtë ets xytyuk'ëwaanëtëty yë Juan wi'ix yaa të xy'ixtën. Tukmëmëtya'aktë ko ja ja'ay wiintspë y'ijxpëktë, ko tekymya'atpë ye'eyë'ëktë, ko pu'uts mëëtpë tsyo'oktë, ko natpë myëtoowpëktë, ko o'kpë jyuukpyëktë ets ko ëyoopëja'ay ja oy aaw oy ayuk yajtuk'ëwaanëtë.

Lucas 8:1

Ko jëtu'un y'ëkjajty y'ëkkëpejty, ënät ja Jesús jyëtijty kajpn kajpn mëët ja y'ijxpëjkpëtëjk nimajkmäjtskpë ets ojts tkajpxwä'kxy ja oy aaw oy ayuk mëti'ipë nyikäjpxypën ja Dios ja kyutujkën.

Lucas 9:11

Ko ja mayjyä'äy tnija'awëtyë, tääts ojts tpanëjkxtë. Jesús kyupëjk ja mayjyä'äy ets tukmëmëtyäky ja Dios ja kyutujkën ets ja pa'amja'ay nimay tyajtsoky.

Lucas 9:60

Ënet ja Jesús y'ëtsooy: Wä'än yë ja'ay tyajnaaxtëkëtë yë y'o'kpë mëti'ipë näjyëtu'un ookantëpën; mijts minmës ets xykyajpxwa'kxëty ja Dios ja kyutujkën.

Juan 18:20

Ets ja Jesús t'ëtsooy: Tëës nnikäjpxy nikëxë'ëky mayjyä'äyjoty; xëmë ijty jap tsajptëkoty nyaj'ijxpëkyës ets näjyëtu'un ma ja mëjtsajptëjkën ma ja jutiis ja'ayëty ye'eymyuktën. Ka'apës ma tii yu'utsy të nnikäjpxy.

Juan 6:59

Jam ojts ya'atë Jesús tyaj'ijxpëky Capernaúm.

Juan 7:1

Ko jëtu'un y'ëkjajty y'ëkkëpejty, jamtsow ja Jesús jyëtijty Galilea y'itjotm. Ka'ap ojts nyijkxy Judea y'itjotm, jä'ä ko yaj'ookanëp ënety ja jutiis ja'ayëty jam.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Hechos 18:4

Winsábëdë ijty nyijkx tsajptëkotm, ets ja ja'ay mëët kyäjpxy myëtyä'äky, jëtu'un ja ja'ay tjayajmëpëka'any, wä'än tjutiisëty ets tkajutiisëty.

Hechos 20:25

Nnija'apës ko ka'ap nëjkx xy'ëk'ijxnëtës jënu'un miits të ntuk'ijxpëktën ja Dios ja kyutujkën.

Hechos 28:31

Ja Pablo ëwaatsëtum jam yajpaty ets ja Dios ja kyutujkën tkajpxwa'kxë; nimëtyä'äky wi'ix ja Wintsën Jesukristë ja y'ijxpëjkën y'ixëtyën ets ni pën ijty kyayajjotkëxyë.

Romanos 10:15

¿E wi'ix tkajpxwa'kxtëty pën ka'ap pën kyäxëtë? Ijxtëm ja kuja'ay myinyën: Janty'oy yaj'ixy ko jya'të mëti'ipë yajmiintëpën ja oy aaw oy ayuk.