Mateo 4:12 - Biblia Dc en Mixe de Quetzaltepec

¹² Ko ja Jesús tnija'awëy ko ja Juan ënety të yajtsumy, ënät ojts nyijkxy jam Galilea y'itjotm.

Biblia Mixe de Quetzaltepec

¹² Ko ja Jesús tnija'awëy ko ja Juan ënäty të yajtsumy, ënät ojts nyijkxy jam Galilea y'itjotm.

Mateo 4:12 ပူးပေါင်းရင်းမြစ်များ

Marcos 1:14

Ko ja Juan ënety të yajtsumy, ënät ja Jesús tsyo'ony ets ojts nyijkx Galilea y'itjotm. Jamts ojts tkajpxwä'kxy ja oy aaw oy ayuk ma Dios yajnimëtyä'äkyën,

Lucas 3:20

Tääts ja Herodes ojts ja poky wiinkpë tjaaktimtyuny ko ja Juan tsuumy.

Mateo 14:3

Jä'ä ko tëë ja Herodes ënety tni'ënä'ämë ja Juan ets yajmatsëty wä'än tsumy t'ity. Ja y'uty Filipo ja tyo'oxytyëjk mëti'ipë xyëëwajtypyën Herodías yë'ë ënety të y'ënë'ëmxëty ets tmatsëty ja Juan,

Juan 3:24

Jëtu'un tyuunë jyajtë ka'anëm ënety ja Juan yajtsumnyëm.

Lucas 4:14

Tääts ja Jesús ojts nyëjkxkojnëpë jam Galilea y'itjotm, mëk'äämpy ja Kënu'kxymyëkajtën ënety tmëët'ajnë. Aakyë'ë ja ja'ay nyikajpx nyimëtyaktëp oymyaajëty.

Marcos 6:17

Paaty ja Herodes jëtu'un y'ënäny jä'ä ko yë'ë ënety të ni'ënä'ämë ets ja Juan yajmatsëty ets yajtsumëty kë'ëtsumy tekytsyumy. Herodías kyëjxm ojts jëtu'un y'ëti'itsy, mëti'ipë ijty ja y'uty Felipe tyo'oxytyëjk'ajtypyën, mëti'ipë ja Herodes ojts tpëkyën.

Juan 4:54

Yë'ë ya'atë mëmäjtskpë mëj'ajtën mëti'ipë ja Jesús tyuunën ko jam Judea tsyo'ony ets ojts nyijkx Galilea.

Juan 4:43

Kommëmäjtsk xëëw ja Jesús tsyo'ony jam Samaria ets ojts nyijkxy Galilea.

Lucas 4:31

Ënet ja Jesús ojts nyijkxy jam Capernaúm, Galilea y'itjotm, po'kxënxëëw ënety ko ja ja'ay tyaj'ijxpëky.

Mateo 11:2

Jap ënety yë Juan pujxn tëkoty ko tnija'awëy wi'ix ja Kristë winë tunyën, ënät tkejxy ja y'ijxpëjkpëtëjk ma ja Jesúsën,

Lucas 23:5

E ja mayjyä'äy mëktä'äky y'ënaan'ëtë'ëtstë: Yë'ë ja'ay y'akajpxëtyääpy mëët yë y'ijxpëjkën. Galilea tyajtso'ontäky ets näjyëtu'un yaa Judea yaj'ixpëky.

Juan 1:43

Komjëpom ënety ja Jesús nyëjkxa'any jam Galilea ko tpaty ja Felipe ets t'ënëmaay: Pamiinkës.

Juan 2:11

Ya'atë mëj'ajtën mëti'ipë Jesús tyuunën jam Caná ma Galilea y'itjotmën yë'ë ma mëtu'uk tyajnikëxë'kyën ja myëj'ajt y'oyajtën.