Mateo 4:1 - Biblia Dc en Mixe de Quetzaltepec

¹ Tääts ja Jesús ja Kënu'kxymyëkajtën ojts yajnëjkxyë të'ëts'itjotm ets ja mëjku'u wyinma'any'ixa'anyë.

Biblia Mixe de Quetzaltepec

¹ Tääts ja Jesús ja Kënu'kxymyëkajtën ojts yajnëjkxyë të'ëts'itjotm ets ja mëjku'u wyinma'any'ixa'anyë.

Mateo 4:1 ပူးပေါင်းရင်းမြစ်များ

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

1 Reyes 18:12

Ëjts wa'atsës ntsyäty nyijawë ko ënät yaa ntsoonëtyës wiinktsow ënät ja Wintsën ja myëk'ajtën y'oyajtën myajnëjkxa'anyë maas ka'ap ninu'un nijawëtyën. E koos ënät ntuk'ëwaanëty ja Ahab, yë'ë kajts ja maa m'ëk patënëty, etsës ënätës xyaj'ookëty. Ëjts nwinkutsë'këpës yë Wintsën mutsknëm.

2 Reyes 2:16

ets t'ënëmaaytyë: Ëk'ix Elisejë, maa ëëtsëtyën, tä ja'ay yajpaatë niwëxtyikxymyajkën mëti'ipë jotmëkëtyën. Yë'ë ënëëmëtë wä'än nëjkx t'ixta'atë ja mwintsën Elías, jä'ä ko wä'änxyëp je'eyë yë Wintsën yë myëk'ajtën y'oyajtën të yajpëtë'ëkyë ets jatëkok të nyasmatsëty jam muum tunkëjxm kopkkëjxm ëkë jam muum joyjotm. E yë Elisejë tyaa y'ëtsooy: Ka'ap nëkoopë pën nkäjxmëty.

Ezequiel 11:1

Ënet ja Dios ja myëk'ajtën ojts xyajpëtë'ëkyës etsës ojts wyoownëjkxy jam ma yajnitëkën yë Wintsën yë tsyajptëjk. Jam ma tëjk'aawën i'px mëkoxk jam yë ja'ay tyänëtë. Yë'ëjës ojts n'ixkäpy yë Jaazanías, yë Azur yë myaank ets Pelatías, yë Benaías yë myaank, mëti'ipë mëj'äämpy ijtpën ma naax kajpnën.

Ezequiel 11:24

Ënet ja Dios ja myëk'ajtën ojts xyajpëtë'ëkyës, etsës xyajwinpijty jam Babilonyë, ma yajpaatën ja wiinkëtypë ja Israel ja'ayëty tsumy matsy. Ya'atë nwin'ijxës ko ja Wintsën ja jyot jya'awën xytyuktëjkëyës. Ok, ka'apës ojts tii n'ëkwin'ijxnë.

Ezequiel 3:12

Ënet ja Dios ja myëk'ajtën ojts xywyijtsë'ëkyës ets jap njëxkë'pës nmëtooyës tu'uk yë mëto'owën mëkpë, jëtu'un y'amu'uy tä yë naaxwiinyëtë yu'kxyën, ko jyëwä'äky jam ma y'ijtaknën ja Wintsën ja myëj'ajt y'oyajtën.

Ezequiel 3:14

Ënätës ja Dios ja myëk'ajtën ojts xyajpëtë'ëky etsës xyajpëtsëmy jap, mon tukës ojts nëjkxnë ets jë'ë ya'ax, tamës ja Dios mëk xymyajts'ity nkë'ëkëjxyës.

Ezequiel 43:5

Ënet ja Wintsën ja myëk'ajtën ojts xyajpëtë'ëkyës ets xyajnëjkxyës ma ja tëja'awën tëkotytsyowpë, etsës n'ijxy ko tëë ja Wintsën ja myëj'ajt y'oyajtën tyajtuktujkta'ay ja tsajptëjk.

Ezequiel 8:3

Tëë ja ja'ay ja kyë'ë xynyimëjxajyës ets të tmatsy ja nwaayës. Ënet ja Dios ja myëj'ajtën të xyajpëtë'ëkyës etsës pojjoty të xyajnëjkxy, etsës ja Dios të xytyukwin'ixy xyajnëjkxyës jam Jerusalén, jam të xypyëjktä'äkyës ma yajnitëkën ja naax kajpn, anëkëjxytsyowpë, ma yajpaatyën ja awinax mëti'ipë ëxëëk yë Dios t'ixyën.

Juan 14:30

Ka'apës nëkooyë n'ëkmëtya'akanë mëët miitsëty, jä'ä ko tää wyinkony mëti'ipë ënä'ämpën yaa naaxwiiny; oy tkamëët'aty nitii mëk'ajtën ma ëjtsën,

Hechos 8:39

Ko pyëtsëëmtë nëëjoty, ënät ja Felipe ja Wintsën ja Jya'awën wiinktsow yajnëjkxë; ni kä'äp ja Etiopíë ja'ay t'ijxy maa ojts ja Felipe nyijkxy e yë'ë akujk jotkujk ojts jatëkok tyu'utëkë.

Romanos 8:14

Tëkokyë ja ja'ayëty mëti'ipë në'ëmooy tu'umooyëpën ja Dios ja Kyënu'kxymyëk'ajtën, Dios ja u'unk'atanëtëp.

Hebreos 2:18

Mëët yë'ë ko ja Jesús y'ëyoow ets yajwinma'any'ijxy ets jeexyë pyokytyuny, tyam jyëkyejpy tputëkëty mëti'ipë ja mëjku'u yajkpokytyunanëpën.

Santiago 1:14

Yë'ëkyëjxm yë ja'ay pyokytyuny ko je'eyë y'atsoky ets ko ja ëxëëkpë nyätyukwin'ëënyë.