Mateo 3:11 - Biblia Dc en Mixe de Quetzaltepec

¹¹ Nëë miits ntukyajnëëpäjtëp, ets yajnijawëty ko tëë ja mka'oywyinma'any xy'ëxmatstë. Temë tää tu'uk xypyaminyës mëti'ipë yajnëëpätaanpën mëët ja Kënu'kxymyëkajtën ets ja jëën. Yë'ë ni'ik ja kyutujkënmëëtëty këtiinëm ëjts, ni yë'ëjës xykyapaatë'aty wi'ixës kyë'ëk mpawijtsëty.

Biblia Mixe de Quetzaltepec

¹¹ Nëë miits ntukyajnëëpäjtëp, ets yajnijawëty ko tëë ja mka'oywyinma'any xy'ëxmatstë. Temë tää tu'uk xypyaminyës mëti'ipë yajnëëpätaanpën mëët ja Kënu'kxymyëkajtën ets ja jëën. Yë'ë ni'ik ja kyutujkënmëëtëty këtiinëm ëjts, ni yë'ëjës xykyapaatë'aty wi'ixës kyë'ëk mpawijtsëty.

Mateo 3:11 ပူးပေါင်းရင်းမြစ်များ

Isaías 4:4

Ko ënety ja Wintsën tpaye'ey ja nëë poky, tyiytyunäämpy ja tuuntëkoopyë ets tyajjëwa'kta'aja'any mëti'ipë yajja'ay'o'kpën ets tnimä'kxa'any ja Sión ja'ayëty.

Isaías 44:3

Jä'ä koos nyajpëyë'ëkäämpyës yë nëë jam të'ëts'itjotm, nyajye'eyäämpyës yë nëë jap wokjoty mëti'ipë të tyëtsnën. Nmo'ojäämpyës ja jyuukyajtën ja m'u'unk m'ok ets nkënu'kxäämpyës näjyëtu'un.

Mateo 3:6

Tmaaywyatstë ja pyoky ets ja Juan yajnëëpätëtë Jordán nëëjotm.

Marcos 1:4

Jëtu'un ja Juan nyäkyajpxkëxë'kyë jam të'ëts'itjotm; aakjëtu'un ja ja'ay t'ënëëmë ets jyotwinpitëty ma Tiosën ets nyëëpätëty, jëtu'unts ja Dios pyokymyä'kxëtëty.

Lucas 1:17

Ya'atë Juan, yë'ë nëjkx jëwyiin nyijkxy, mëët ja jyot jya'awën ja käjpxynyajxpë Elías. Yë'ëts ja u'unktaak u'unkteety nëjkx tyajnämyë'oypyikyë mëët ja y'u'unk y'ëna'k ets tjatëty wi'ix ja Dios tmëmëtowtëtyën. Jëtu'unts ja ja'ay tnipëjktaakëty ets tjëjp'ixtëty ja Wintsën.

Lucas 3:16

Tääts ja Juan y'ënëmaayëtë ni'ëmukë: Nëë mëët miits nyajnëëpätë, je'eyëp ko xypyamiinpës tu'uk ja ja'ay mëti'ipë myajnëëpätanëtëp mëët ja Kënu'kxymyëkajtën. Ka'apës ëjts xypyääty etsës ja kyë'ëk n'akäjëty.

Lucas 3:3

Tääts ja Juan t'aye'eytyääy ja itjot ma ja Jordán mëjnëëjën ets t'ënëmaay ja ja'ay ets jyotwinpitëty, t'ëxmatstëty ja y'ëxëëk winma'any ets nyëëpätëty, jëtu'unts yajkpokymyä'kxtëty.

Juan 1:15

Tëë ja Juan mëk'äämpy tnikäjpxy tnimëtyä'äky: Ya'atës ënety ntijpy koos n'ënany ko ok myina'any wäänë mëjpë këtiinëm ëjts, jä'ä ko tääyëm yë'ë këtiinëm ëjts.

Juan 1:30

Yë'ës ijty ntijpy koos n'ënany: Xypyamiinpës tu'uk mëti'ipë wäänë mëjën këtiinëm ëjts, jä'ä ko tääyëm yë'ë këtiinëm ëjts.

Hechos 1:5

Tëy ko ja Juan yajnëëpejty mëët ja nëë, miitsëty tsojk mnëëpäta'antë mëët ja Kënu'kxymyëkajtën.

Hechos 19:4

Tääts ja Pablo y'ënäny: Juan, yë'ë yajnëëpäjt ja ja'ay mëti'ipë ënety të jyotwinpitën ets t'ënëmaay ko tmëpëktëty ja Jesús, mëti'ipë minaanpën ix'ok.

Hechos 8:36

Jëtu'un tyu'uye'eytyë, ënät ja nëë tpatë ets ja Etiopíë ja'ay y'ënäny: Tyaa nëë, ¿ka'ap jëtää y'oyëty koos nnëëpätëtyë?

Hechos 8:38

Ko jëtu'un y'ënäny, tää ja kepy wintëkäämpë tyajwa'ak'o'oyëtë ets nimäjtsk ojts nyëjkxtë nëëjotm. Jamts nyëëpejty ja Etiopíë ja'ay.

1 Corintios 12:13

Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Tito 3:5

ënät ojts xyajnitsokëm, ka'ap yë'ëkyëjxmëty ko oy tii ntu'unëmë, yë'ëkyëjxm ko ojts xypya'ëyo'owëmë ets të xymyo'oyëmë ja jempyë juukyajtën mëët ka kënu'kxymyëk'ajtën.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Dios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.