Mateo 3:10 - Biblia Dc en Mixe de Quetzaltepec

¹⁰ Ja jatyë apaatë y'owxijnë ets tpujxë'ëka'any ja kepy ma tyiktsën. Pën ka'ap oy jyä'äy'äty, jëtu'un jä'ä ijxtëm ja kepy mëti'ipë ka'ap oy tyëëm'atyën; yajpujxë'ëkaanp ets yajnino'oka'any.

Biblia Mixe de Quetzaltepec

¹⁰ Ja jatyë apaatë y'owxijnë ets tpujxë'ëka'any ja kepy ma tyiktsën. Pën ka'ap oy jyä'äy'äty, jëtu'un jä'ä ijxtëm ja kepy mëti'ipë ka'ap oy tyëëm'atyën; yajpujxë'ëkaanp ets yajnino'oka'any.

Mateo 3:10 ပူးပေါင်းရင်းမြစ်များ

2 Samuel 23:7

Jëtu'un tä yë äpnyën yë'ë mëët yajmatsy yë pujxn ëkë kepy, ko yajjëënkupëky ets jap tyooytya'akëty.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Salmos 140:10

Wä'än tkëtä'äky ma yë'ëjëtyën tä jëënpajkën ets jap kyujëpipëtëty jutjoty ma ka'ap nijëna'a pyëtsëmtëtyën.

Salmos 92:12

Yë oyjyä'äytyëjk jëtu'un yaj'ixtë tä kumpëjyën, ets jëtu'un yontë jyiitstë tä ajë kepyën mëti'ipë yajpatëpën ma ja Líbano itjotmën.

Isaías 27:11

Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Jeremias 17:8

Jëtu'un nyaxa'any tä tu'uk yë kepyën nëpë'aaypyë tyänën mëti'ipë tyikts nëëjoty kuyo'onëpën; oy jënu'un y'anëty ka'ap tsyë'ëtsa'any, jä'ä ko yë y'ääy xye'enty xëmë tsuxk y'ity. Ko xyëkopk'aty, nitii tkamëmay tkamëtajy ets xëmë tyëëmpety.

Daniel 4:14

ets mëk të yajmëtoy y'ënä'äny: Yajkëtawtë tääpë kepy, winpujxta'atë yë xye'enty, yajjënajktaayëtë y'ääy ets ixko'owta'atë yë tyëëm. Wä'än tkäkta'atë yë jëyujkëty mëti'ipë pya'tmaatëpën ma nyinikën ets wä'än tkäkta'atë yë joonëty mëti'ipë jam yë pyä'än të t'oytyuntën.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Mateo 21:19

Ënet ojts t'ijxpaaty tu'uk ja higo kepy jam tu'upë'am ets tmëwinkoony. Nitu'uk ja tyëëm kyaka'ty, ujts aay je'eyë jam. Ënet t'ënëmaay ja higo kepy: Nijëna'a mkanäkytyëëm'atëty. E ja higo kepy ënätyë ja tyitsy.

Mateo 7:19

Tu'kë'ëyë kepy mëti'ipë tëëm'ajtpën ëxëëk, yajpujxp yë'ë ets yajnino'oky.

Lucas 23:31

Pën tsuxk kepy jëtu'un tyuuntëp ¿wi'ixpë jëtää ja të'ëts kepy tkatuntëty?

Lucas 3:9

Jëjp'ixy yë pujxn y'owxijnë. Pën ka'ap oy jyä'äy'ätyën, jëtu'un yë'ë ijxtëm ja kepyën mëti'ipë ka'ap oy tyëëm'atyën; yajpuxaanp je'eyë ets yajnino'oka'any.

Juan 15:2

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Juan 15:6

Pën ka'ap y'ity tu'ukyë mëët ëjts, jëtu'un tpaaty ijxtëm ja tsatym xe'enty ëpëky y'ityën mëti'ipë yajpëjkmujkpën ets yajnino'oky.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Hebreos 6:8

E pën aak äpny aak ëxëëk ujts mujxp, ka'ap tsyowpaaty, kajpxpoky ja Dios yaj'itëtë ets ok yajnino'oktë.