Mateo 27:54 - Biblia Dc en Mixe de Quetzaltepec

⁵⁴ Ko ja tsiptuunpë wintsën jëtu'un t'ijxtë, mëti'ipë ënety jam kyëwent'ajtëpën ja Jesús, ko nëkoo ja naaxwiinyëtë y'ëkyu'kxnë, ënät tsyë'këtyë ets y'ënantë: Tëytyëm ko tääpë ja'ay Tiostëm ijty U'unk'ajtëp.

Biblia Mixe de Quetzaltepec

⁵⁴ Ko ja tsiptuunpë wintsën jëtu'un t'ijxtë, mëti'ipë ënäty jam kyëwent'ajtëpën ja Jesús, ko nëkoo ja naaxwiinyëtë y'ëkyu'kxnë, ënät tsyë'këtyë ets y'ënantë: Tëytyëm ko tääpë ja'ay Tiostëm ijty U'unk'ajtëp.

Mateo 27:54 ပူးပေါင်းရင်းမြစ်များ

Marcos 15:39

Ja tsiptuunpë wintsën mëti'ipë ënety jam tënääpyën ma ja Jesúsën, ko ojts t'ijxy ko tëë ja Jesús y'ooky, ënät y'ënäny: Mëtëy yë'ë ko ijty ya'atë ye'etyëjk Dios y'u'unk'atyë.

Mateo 27:36

Ënet jam y'ënyääytyaknpëjktë ets tkëwent'atë.

Mateo 27:43

Tëë jyot wyinma'any tpëjktä'äky ma Tiosën, wä'än Dios yë'ë tyam yajnitso'okyë pën tsojkëp, jä'ä ko yë'ë jëtu'un të y'ënä'äny ko Dios y'U'unk'atyë.

Hechos 27:43

E ja tsiptuunpë wintsën ka'ap tsoky ets ja Pablo y'ookëty, paaty ojts ka'ap tyaj'o'knëpë. Je'eyë ojts y'ënä'äny pën jyäjtyp nyëëyunëty, wä'än jëyëjp tnëëtëkë ets mejyjoty pyëtsëmëty.

Hechos 27:1

Ko tuknipëjktakëtyë ets xyajnëjkxa'antës jam Italia, ja Pablo mëët wiinkëtypë ja tsumyjä'äy yë'ë ojts y'ëxajëtë ja Julio, tu'uk tsiptuunpë kopk, mëti'ipë yajtijtëpën Yajkutujkpë kopk.

Hechos 23:23

Tääts ja mëjtsiptuunpë wintsën nimäjtsk tyaxëy ja tsyiptuumpë ets t'ënëmaay ko jä'ä xëëw nyëjkxtëty jam Cesarea, mëj tsu'um it ets nipëjktaakëtëty mäjtsk mëko'px ja tsyiptuunpë mëti'ipë ye'epy nëjkxtëpën ets nitëkë'px majk mëti'ipë këwaaykyëjxmën ets mäjtsk mëko'px mëti'ipë ku'umën myënëjkxtëpën.

Hechos 21:32

Tääts ja mëj tsiptuunpë wintsën tuk'ëwa'anëtyääy ja tsyiptuunpëtëjk ets pëyi'ikyë nyëjkxtëty ma ja mayjyä'äyën. Ko ja ja'ayëty t'ijxpatë ja mëj tsiptuunpë wintsën ets ja tsyiptuunpëtëjk, tää ënätyë t'ëxmajtstë ja Pablo ma ënety jam tsiiktë tkoxtën.

Mateo 8:5

Ko Jesús tyëjkëy Capernaúm ets tu'uk ja Romë tsiptuunpë wintsën nyimiinë, tääts myënu'kxtakë:

Mateo 4:3

Ënet ja mëjku'u nyimiinë ets wyinma'any ixa'anyë, ets y'ënëmaayë: Pën Dios mijts mU'unk'ajtëp, t'ënëëmë ya'atë tsaa ets y'awinpitëty tsajpkääky.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Dios ja tsajpjotmëpë.

Romanos 1:4

je'eyëp ko jyuukpyijky o'kpë akujky jää ojts y'awinpity Dios u'unk, mëët ja kuttujkën, ets mëët ja mëk'ajtën mëti'ipë yajwatspën.

Hechos 23:17

Tää ja Pablo tu'uk twoowtsooy ja tsiptuunpë wintsën, ets t'ënëmaay: Woownëjkx ya'atë yä'äy ëna'k ma ja mëj tsiptuunpë wintsënën, tap ayuk tuk'ëwaanëja'any.

Hechos 10:1

Jam ma Cesarea kajpnën, jam ijty tu'uk ja ja'ay tsyëënë; Cornelio xyëëwajtyp, tsiptuunpë wintsën ijty tyuunk'ajtyp ma ja soldadëtëjkëtën mëti'ipë yajtijtëpën Italiano.

Hechos 2:37

Ko jëtu'un tmëtoowtë, tää jyotmaytyëjkëtyë ets tyajtëëwtë ja Pedro ets ja wiink ijxpëjkpëtëjk: Mëku'ukëty, ¿tiijës ntuntëp?

Juan 19:7

Ets ja jutiis ja'ayëty y'ëtsoowtë: Tap ëëts tu'uk ja n'ënä'ämën nmëët'atë mëti'ipë ënaanpën ko y'ookëty ja ja'ay mëti'ipë nätyijëpën Dios U'unk.

Lucas 22:70

Tääts ni'ëmukë tyajtëëwtë: ¿Paaty mijts jëtu'un Dios m'u'unk'ajtëpë? Tääts ja Jesús y'ëtsooy: Miits jam kë'ëm jëtu'un m'ënantëp.

Mateo 27:40

jëtu'un y'ëna'antë: Mijts jëtu'un ijty m'ëna'any ko ja tsajptëjk xyjyita'any ets kom tëkëëk xëëw xykyoj'oyëja'any. Pën mijts Dios mU'unk'ajtëp, jënak jam kruutskëjxm.

Mateo 26:63

E ja Jesús amonyë y'ijty. Tääts ja teety wintsën y'ënëmaayë: Ja juuky Dios yam ntukajpxpejtypyës ets tëy tëtä'äky xynyikajpxëty. Tuk'ëwa'anëtyëk ëëts pën mijtsëtën mKristë, ja Dios ja y'U'unk.

Mateo 27:51

Ojts jap tsajptëkoty kyë'ëtswä'kxy këëkujkm ja wit mëti'ipë ja tsajptëjk y'ayä'ptujkpyën, tyimtso'ontä'äky naaxkëjxy ets kyë'ts këpejty. Ojts ja naaxwiinyëtë yu'kxy ets ojts pyu'uwä'kxy ja tsaa,