Mateo 27:5 - Biblia Dc en Mixe de Quetzaltepec

⁵ Ënet ja Judas ja meeny tnajtswëjëy jap tsajptëkoty ets ojts nyijkxy tääts nyäyo'ktëëyë.

Biblia Mixe de Quetzaltepec

⁵ Ënät ja Judas ja meeny tnajtswëjëy jap tsajptëkoty ets ojts nyijkxy tääts nyäyo'ktëëyë.

Mateo 27:5 ပူးပေါင်းရင်းမြစ်များ

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

1 Reyes 16:18

Ko ja Zimri t'ijxy ko tëë ja kyajpn yajnitëkë, ënät ënätyë kyupëyë'ëkëy jap tëkoty ma yajkutukyën ets tjëën ixko'onëy ja kutujkëntëjk, tap ënety yë'ë tëkoty, jëtu'un'äämpy ojts nyäyaj'ookyë kë'ëm.

Job 2:9

E ja tyo'oxytyëjk jëtu'un y'ënëmaayë: ¿Wi'ix ko janty'oy mnäypyëjktä'äkyë ets oy ja'ay mnäyajnaxyë? Nikë tim pok yë Dios ets m'ookëty.

Job 7:15

Nikë oyës jeexyë xytyimyo'kpeny, ni'ikës n'oyjyawëja'any koos n'ookëty ets këtii koos njuuky'atëty ijxtëmës yam njuuky'ätyën.

Salmos 55:23

Dios mëti'ipës nTios'ajtypyën, ka'ap jeky jyuuky'ata'any yë yaja'ay'o'kpë ets win'ë'ëmpë; mijts kë'ëm myajkutukëp ets kyuka'anaxtëty jap o'kpëjutjoty, e ëjts ënät, mijts tu'ut ntuk'ijxpätäämpy.

Mateo 26:61

ets y'ënantë: Ya'atë ja'ay jëtu'un ijty y'ënä'äny: Ëjts njitäämpyës ya'atë Dios tsyajptëjk ets kom tëkëëk xëëwës nkoj'oyëjä'äny jatëkok.

Mateo 27:6

Ja teety wintsëntëjkëty ojts ja meeny tkoonë'ëktë ets y'ënantë: Ya'atë meeny ne'pnymyëët yë'ë, ka'ap tjëkyepy jap nkupëjkëmëty ma nyipetyën yë ayajk ako'onën.

Lucas 1:21

Tap ënety ja ja'ay y'owëxitë tëja'p ets ojts nyäyajtëwëtë tii ko nëkoo tyimpoxnë ja Zacarías jap mëjtsajptëkoty.

Lucas 1:9

Ënet t'ijxpëtsëëmtë pën tuka'ajëp ets tyëkëty jap tsajptëkoty poomno'kpë. Ja Zacarías ojts tyuka'ayë.

Jueces 9:54

Ko ja Abimélec nyäjya'awëyë tëë tsyëtyuty, tä ënätyë tmëjyaxëy ja tyuunpë mëti'ipë tyëëmjëtijtypyën ja tëypyujxn ets t'ënëmaay: Juut yë mtëypyujxn ets yaj'o'kës, ka'apës ntsoky yë käjpxy y'ëna'anëty ko to'oxytyëjk të xyaj'ookyës. Ënet ja tyuunpë tyukmoxmëku'umëyë ja yenypyujxn ets jëtu'un y'o'ky.