Mateo 27:4 - Biblia Dc en Mixe de Quetzaltepec

⁴ ets t'ënëmaay: Tëës ntuuntëkoy koos të nkë'ëyäky ja ja'ay ka'apë tii poky tmëëtëtyën. Ets yaj'ëtsooy: Tiijës yë nkëwent'atë? Mkë'ëmwinma'any yë'ë.

Biblia Mixe de Quetzaltepec

⁴ ets t'ënëmaay: Tëës ntuuntëkoy koos të nkë'ëyäky ja ja'ay ka'apë tii poky tmëëtëtyën. Ets yaj'ëtsooy: Tiijës yë nkëwent'atë? Mkë'ëmwinma'any yë'ë.

Mateo 27:4 ပူးပေါင်းရင်းမြစ်များ

1 Reyes 21:27

Ko yë Ahab tmëtooy jëtu'unpë ja aaw ayuk mëkpë, ënät ojts tkë'tsta'ay ja wyit, aakjä'ä ëxëëk wit ojts nyätyuknijenyë ets y'ayuu'ajty y'ëxëëwajty. Jëtu'un tmëma'ay ja y'ëxëëkwit ets myony tyuk.

2 Reyes 24:4

ets ko ja ne'pny ënety nëkoo të tam të tjä'ätstë jam Jerusalén. Paatykyëjxm ja Wintsën ka'ap ojts y'ëkpokymyä'kxënëtë.

Job 13:4

Miitsëty ni'ikyë xynyipä'äntë ja tëyajtën mëët ko je'eyë mwin'ëëntë; jëtu'un mnäyajnaxëtë tsooyëpën ets ka'ap nijëna'a pën xyajtso'oktë.

Salmos 94:21

mëti'ipë je'eyë nyikäjpxytyu'unëtyëpën yë wa'ats ja'aytyëjk ets ka'apë tii poky tuuntëkoyën, ets tyajnitukëtë ets y'ookëty.

Éxodo 12:31

Ënet ja mëj'ënä'ämpë ojts jä'ä tsu'um tmëkäjpxy ja Moisés ets ja Aarón ets t'ënëmaay: Nëjkxtë, winwa'ktutëkës yaa, nitu'kë'ëyë miitsëty Israel ja'ayëty. Nëjkx ëwtatë yë mWintsënëty, ijxtëm të m'ëna'antën.

Éxodo 9:27

Ënet yë mëj'ënä'ämpë ojts tnikäxë yë Moisés ets Aarón, tääts t'ënëmaay: Nija'apës koos tëë mpokytyuny, ëjts jëtu'un yë poky nmëët'ajtyp mëët yë nnaax nkajpnës. Ëjts ka'apës yë'ë mpoky'ixy yë Wintsën.

Proverbios 12:8

Yë'ë muum yë ja'ay yajtuk'oyjya'ap ko wyijyëty kyujkëty; e yë ja'ay mëti'ipë winma'anytyukën, ixtijy ëxwa'any nyäxy.

Jeremias 26:15

Je'eyëp tëy ko yajxon xytyimwinmaytyëty: pën xyaj'o'ktëpës, miitsëty ets nitëkokyë ja'ayëty mëti'ipë kunaax kukajpnëtyën pokymyëët nëjkx wyë'ëmta'atë mëët ko ënety të xyaj'ooktë tu'uk ja'ay mëti'ipë ka'ap tii poky tmëëtëtyën; jä'ä ko ëjts Wintsënës të xykyexy ets miitsëty ntukmëtowtëty ya'atë aaw ayuk mëti'ipë të xymyëtowtën.

Jonás 1:14

Ënet ja Wintsën ojts tmëkajpxtë ets t'ënëmaaytyë: Wintsën këtii xy'ëwa'atsëty etsës nku'ook nkutëkoytyëty ya'atë ja'ay nyëë pyoky. Pën yë'ë ka'ap tii poky tmëëtëty këtii ëëts xypyoky'ixtëty, mijts Wintsën jëtu'un winë xytyuny tä xytsyojkën'atyën.

Mateo 27:19

Tam ënety ja Pilato y'u'unyë ma ja kyutujktaknën ko ja tyo'oxytyëjk ojts ja ayuk tyuknikexyë: këtii tääpë ja'ay xymyëmayëty, ka'ap tii poky tmëëtëty. Jä'ä ko tëëjës tääpë ja'ay nwinkuma'ay ya'atë tsu'um.

Mateo 27:54

Ko ja tsiptuunpë wintsën jëtu'un t'ijxtë, mëti'ipë ënety jam kyëwent'ajtëpën ja Jesús, ko nëkoo ja naaxwiinyëtë y'ëkyu'kxnë, ënät tsyë'këtyë ets y'ënantë: Tëytyëm ko tääpë ja'ay Tiostëm ijty U'unk'ajtëp.

Lucas 23:22

Tääts ja Pilato mëtëkëëk'ok t'ënëmaay ja ja'ay: ¿Tii ko nyajkruutspätëtyës, tii tyuuntëkoopy? Ëjts ka'apës tii pyoky npatë ets tku'ookëty, je'eyës ntëytyuna'any etsës n'ëxmatsa'any ëwaatsëtum.

Lucas 23:41

Ëëts'ajtëm, xynyitëjkëm ets n'ëyo'owmëty, xypyaat'ajtëm ëëts nkëpäjtmëty mëti'ipë të ntuuntëko'oyëmën; ya'atë ja'ay ka'ap tii të tuuntëkoy.

Lucas 23:47

Ko ja tsiptuunpë wintsën t'ijxy wi'ix ënety të tyuny të jyätyën, tääts ja Dios tmëjja'awëy ets y'ënäny: Tëytyëm jëtu'un ko ka'ap ya'atë ja'ay pyokymyëëtëty.

Juan 19:7

Ets ja jutiis ja'ayëty y'ëtsoowtë: Tap ëëts tu'uk ja n'ënä'ämën nmëët'atë mëti'ipë ënaanpën ko y'ookëty ja ja'ay mëti'ipë nätyijëpën Dios U'unk.

Hechos 13:28

Oy ënety ka'ap tii poky tmëëtëty, ojts t'amëtowtë ja Pilato ets tyaj'ookëty ja Jesús.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Dios wyintum.

1 Timoteo 4:2

Yë'ë myëjpëjkta'akantëp ja ja'ay mëti'ipë wiinkë'ëy akë'ëy ja'ay'ajtpën ets mëti'ipë win'ë'ënpën, jap jyootjoty wyinma'anyjoty tsa'ay jap yajpaaty mëët ja ëxëëkpë.

Tito 1:16

Jëtu'un y'ëna'antë ko Dios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.

1 Juan 3:12

Ka'ap jëtu'un nja'ay'ajtmëty ijxtëm ja Cainkën, mëti'ipë ijty ja mëjku'u ja'ay'ajtëpën ets ja y'uty tyaj'o'ky. ¿Tii ko ojts tyaj'ooky ja Caín ja y'uty? Jä'ä ko ka'ap y'oyëty mëti'ipë tyuunën, yë'ë oy mëti'ipë ja y'uty tyuunën.

Apocalipsis 11:10

Oy ets akujk jotkujk ja naaxwiinyëtë ja'ay nëjkx nyäyjyawëtë ko t'ixtëty ko tëë ja ja'ay y'ooktë. Nëjkxëp nixëëwtuntë ets nyämyo'ojëtë ja näykyumayë nixim niyam, jä'ä ko tääpë ja käjpxynyajxpëtëjk je'eyë ijty y'atsipëtë.

1 Samuel 15:24

Ënet ja Saúl t'ënëmaay ja Samuel: Tëyajtën tëëjës njantytyëkoy mëët koos ja Wintsën ja y'ënä'ämën ka'ap të nmëjpëjktakë ets tääjës mijts të xyjya'ënëëmën: ka'apës jëtu'un të ntuny mëët koos të ntsë'ëkë ja ja'ay etsës yë'ë të ntuny mëti'ipë ënety yë'ë y'amëtoowtëpën

1 Samuel 15:30

Tä ja Saúl jatëkok y'ënäny: Pokyës të ntuny; e tyamts npëjktsoy, nmënu'kxtä'äky ets je'eyëm xywyintsë'ëkëtyës maas nyajkutukyën. E paaty yam n'ënëëmë ko tun yë mëyajtën winpit jatëkok mëët ëjts. Wä'än yë mWintsën tu'knax n'ëwtajtëmë.

1 Samuel 19:5

Ix wa'ats xynyijawë ko ka'ap yë jyuukyajtën tpa'ëyooy ma tyaj'o'kyën ja filistejë ja'ay, e mëët yë'ëkëjxm yë Israel ja'ayëty ojts tpaatë ja nitsokën. Mijts yajkutujkpë wa'ats xy'ijxy ets wa'ats xynyijawë. ¿E wi'ix ko ënät nëkoo xyaj'ooka'any tu'uk yë ja'ay mëti'ipë ka'ap tii poky tmëëtëtyën, ma xytyuknipëjktaakën xyaj'ooka'any ja David?