Mateo 27:32 - Biblia Dc en Mixe de Quetzaltepec

³² Ko jam tsyo'ontë, ënät tu'uk tpatë ja ja'ay mëti'ipë xyëëwajtypyën Simón, Cirenë ja'ay, jä'äts ojts tuk'akwanë'atë ets tpatsëmëty ja Jesús ja kyëruuts.

Biblia Mixe de Quetzaltepec

³² Ko jam tsyo'ontë, ënät tu'uk tpatë ja ja'ay mëti'ipë xyëëwajtypyën Simón, Cirenë ja'ay, jä'äts ojts tuk'akwanë'atë ets tpatsëmëty ja Jesús ja kyëruuts.

Mateo 27:32 ပူးပေါင်းရင်းမြစ်များ

Marcos 15:21

Jam ënety nyäxy tu'uk ja Cirenë ja'ay, Simónk'ajtp, Alejandro ets Rufo tyeety, kamjotm ënety tsyoony. Yë'ë ojts t'atsip'atë ets tpatsëmëty ja Jesús ja kryuuts.

Lucas 23:26

Ko ja Jesús ënety jam tyajnëjkxtë ets tyajkruutspäta'antë, ënät tmajtstë tu'uk ja Cirenë ja'ay, Simónk'ajtp, Cirenë kyukajpnëty, kamjotm ënety tsyoony ets atsip tukpatsëëmtë ja Jesús ja kyëruuts ets ix'ok ye'ey ja Jesús.

Mateo 16:24

Tääts ja Jesús t'ënëmaay ja y'ijxpëjkpëtëjk: Pën tsyojkpy etsës n'ijxpëjkpë'atëty, wä'än ja kyë'ëm winma'any tja'atyëkoy ets ja wyinma'any mëk tpëjkta'akëty ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, etsës xypyatsoonëty.

Hechos 6:9

E tam ënety ja ja'ayëty yajpaatë ma ja tsajptëjkën mëti'ipë yajtijpën Najtspëkë Ja'ay Tsyajptëjk, mëti'ipë tso'ontëpën Cirenë, Alejandría, Cilicia ets Asia. Jä'ä ojts ja Esteban mëët nyäy'ojëtë,

Hechos 2:10

Frigia, Panfilia, Egiptë, ma ja África kajpnën; yë'ëpaat mëti'ipë kukajpnajtëpën jam Cirenë jëxkë'ëm; mëti'ipë tso'ontëpën Roma ets Jutiis ja'ay tyeety'ajt tyaak'ajtëp, ëpëky mëti'ipë të tuktëkëtën ja jutiis ja'ay ja myëpëjkënëty.

Hechos 13:1

Ma ja mëpëjkpëtëjkën jam Antioquía, jam ijty yajpaatë Dios ja kyäjpxynyajxpëtëjk ets ja yaj'ijxpëjkpëtëjk. Jä'ä ja Bernabé, ja Simón mëti'ipë näjyëtu'un yajtijpën Yëk, Lucio, mëti'ipë Cirenë ja'ayën ets ja Menahem mëti'ipë yä'kën tu'ukyë mëët ja Herodes, jampë yajkutujkyën Galilea ets nän tam ja Saulo.

Hechos 11:20

E tam ja mëpëjkpëtëjkëty mëti'ipë kukajpn'ajtëp jam Chipre ets Cirenë, jä'ä ojts nyëjkxtë Antioquía ets tkajpxwa'kxtë ja oy aaw oy ayuk ma ja ja'ayëtyën mëti'ipë ka'ap jyutiis'atën.

Juan 19:17

Tääts ja Jesús tsyo'ony, tam ja kruuts tpakäpy, ets nyijkx ma txëëwatyën O'kpë Këpajk mëti'ipë hebreo ayuk yajtijpën Gólgota.

1 Reyes 21:13

Tä myiintë nimäjtsk ja ja'ayëty mëti'ipë win'ëënantëpën ets tpokynyitija'antë ja Nabot, tukmëtoowtë ja mayjyä'äy; ko ja Nabot ëxëëkjaty ënety ja Wintsën të tijy ets näjyëtu'un ja yajkutujkpë. Ënätyë tju'të ja Nabot jam ma ja mayjyä'äyën ets jam kajpnpë'am ojts tyajnëjkxtë, jam tkuka'tstë.

1 Reyes 21:10

Tääts näjyëtu'un xymyëjwowtëty mäjtsk yë ja'ay mëti'ipë win'ëënëpën ets tpokynyitijtëty yë Nabot, jëtu'un y'ëna'anëty ko wiinkjaty yë Wintsën të tijy ets nän wiinkjaty yë yajkutujkpë të tnikäjpxy. Tääts ënät ok xyajpëtsëmtëty ets xykyuka'atstëty.

Hechos 7:58

Ënet tyajpëtsëëmtë jam kajpnjotm ets tkuka'tstë; mëti'ipë ja Esteban nyi''ë'ënëtëpën yë'ë ja wyit tyukmëwë'ëmtë ja Saulo ets jam tkëwent'atëty.

Mateo 5:41

Ko pën atsip mtukpatsëmëtëty tsëmy kë'ëy ets xymyëye'eyëty wëxtujk mëko'px xajpk, ni'ikyë jä'ä xymyëye'eyëty tu'uk mil ja mëkoxk mëko'px xajpk.