Mateo 27:3 - Biblia Dc en Mixe de Quetzaltepec

³ Ja Judas, mëti'ipë ënety ja Jesús të tkë'ëyäkyën, ko t'ijxy ko tëë ja o'kën yajtuknikäjpxy, tääts ojts nyätyukjotma'atyë ets ojts ja i'px majkpë poop pujxn meeny jatëkok tkë'ëyäky ma ja teety wintsëntëjkëtyën ets ja mëjja'aytyëjkëty,

Biblia Mixe de Quetzaltepec

³ Ja Judas, mëti'ipë ënäty ja Jesús të tkë'ëyäkyën, ko t'ijxy ko tëë ja o'kën yajtuknikäjpxy, tääts ojts nyätyukjotma'atyë ets ojts ja i'px majkpë poop pujxn meeny jatëkok tkë'ëyäky ma ja teety wintsëntëjkëtyën ets ja mëjja'aytyëjkëty,

Mateo 27:3 ပူးပေါင်းရင်းမြစ်များ

Job 20:5

yë ëxëëkja'aytyëjk yë xyoontakënëty wäänë pyo'oxy; tsojkyë yë jyotkujk'ajtkojtë.

Éxodo 21:32

E pën ja tsajpkaa kyä'py tu'uk ja mëtuunpë ye'etyëjkpë ëkë to'oxytyëjkpë, ja tsajpkaa kuka'atsy nëjkx y'ooky, e ja tuunpë oy yë'ëjëty ja ye'etyëjkpë ëkë to'oxytyëjkpë ja nyiwintsën nëjkxëp ja yajmëjuy mëët i'px majk yë poop pujxn meeny.

Zacarías 11:13

Tä yë Wintsën xy'ënëmaayës: Mënëjkx tääpë meeny, i'px majkpë poop pujxn jam ma tsajptëjkën ets xy'apëkëty ma meeny nyipetyën. Ënätës ja meeny ojts nmënëjkxy jam ma tsajptëjkën ets jap n'apëjkëyës ma ja meeny nyipetyën.

Juan 13:2

Ja mëjku'u tëë ënety tuktëkë ja Judas Iscariote, Simón yë myaank ets ja Jesús tkë'ëyaka'any. Nyija'ap ja Jesús ko tsyoony ma Tiosën ets ko jatëkok nyëjkxa'any ma Tiosën ets ko ja Tyeety ënety tu'kë'ëyë kuttujkën ets mëk'ajtën të myooytyä'äyë; paatykyëjxm pyëti'ky, tam ënety y'a'ux'atë, ets ja nyijän ojts tjeny ets nyätyukwë'ënë tu'uk ja wit myoxkëjxy.

Juan 13:27

Je'eyë ja Judas tna'ëxajëy ja tsajpkääky ets ja mëjku'u ojts tyuktëkëty ets ja Jesús y'ënëmaayë: Pën tii mtunäämpy, tun tyämyë.

Juan 18:3

Ënet ja Judas twoowja'ajty ja tsiptuunpëtëjk, mëjtsajptëkotyëtë këwent'ajtpëtëjk ets ja teety wintsëntëjk, yë'ë ja fariseë ja'ayëty käjxëtëp. Jëtu'un jyajtë mëët ja kyutë'kxnëty, pujxn ets kepy.

Hechos 1:18

Ojts tu'uk tjuy ja naax kam, mëët ja meeny mëti'ipë pyatën ko pyokytyuuny; ok ojts tsixkëtän kyuka'anaxy ets ojts pyëjwä'kxy ets ja tyiinty pyëtsëëmtaay.

2 Corintios 7:10

Ja mo'onën tujkën mëti'ipë yajmënajxp yajjëjpnajxpën ijxtëm ja Dios tsokyën, yë'ë jëtu'un yajjootwinpijtp ets ja nitsokën npatmëty ets ka'ap tii nmëma'ay nmëtajmëty. E ko nmëma'ay nmëtajmëty jëtu'un ijxtëm ja mëti'ipë myëmaay myëtajtëpën ja naaxwiinyëtë winma'any, o'kën yë'ë tukpatp.