Mateo 27:27 - Biblia Dc en Mixe de Quetzaltepec

²⁷ Ënet ja tsiptuunpëtëjkëty mëti'ipë myëtuuntëpën ja Poncio Pilato ojts tmënëjkxtë ja Jesús ma ja këmoontëjkën ets jam nyäwyoowmujktaayëtë,

Biblia Mixe de Quetzaltepec

²⁷ Ënät ja tsiptuunpëtëjkëty mëti'ipë myëtuuntëpën ja Poncio Pilato ojts tmënëjkxtë ja Jesús ma ja këmoontëjkën ets jam nyäwyoowmujktaayëtë,

Mateo 27:27 ပူးပေါင်းရင်းမြစ်များ

Mateo 26:3

Jää it ja teety wintsëntëjk ojts ye'eymyuktë mëët ja mëjja'aytyëjkëty jam ma ja teety wintsën Caifás ja tyëjkën.

Juan 18:28

Ënet ja Jesús tmëtso'ontë ma ja Caifás ja tyëjkën ets ojts tmënëjkxtë ma ja këmoontëjkën, ma y'ëne'emyën ja romanë yajkutujkpë, xëënyënëp ënätynyë. Ka'ap ja jutiis ja'ayëty ojts tyëkëtë këmoontëkoty, jä'ä ko ka'ap wya'atsëty ja këmoontëjk. Yë'ëjëty jëtu'un ja mëpëjkën tmëët'atë ko tyëkëtëty muum ma ka'ap wya'atsëtyën tsojk y'ëxëëkëtëty ets ka'ap tjëkyäpëty wi'ix y'a'ux'atëtyën ma ja ëmaayxyëëwën.

Juan 18:3

Ënet ja Judas twoowja'ajty ja tsiptuunpëtëjk, mëjtsajptëkotyëtë këwent'ajtpëtëjk ets ja teety wintsëntëjk, yë'ë ja fariseë ja'ayëty käjxëtëp. Jëtu'un jyajtë mëët ja kyutë'kxnëty, pujxn ets kepy.

Juan 18:33

Ënet ja Pilato jatëkok tyëjkëy jap këmoontëkoty ets tyaxtsooy ja Jesús ets tyajtëëy: ¿Mijts jëtu'un ja jutiis ja'ayëty ja yajkutujkpë?

Hechos 10:1

Jam ma Cesarea kajpnën, jam ijty tu'uk ja ja'ay tsyëënë; Cornelio xyëëwajtyp, tsiptuunpë wintsën ijty tyuunk'ajtyp ma ja soldadëtëjkëtën mëti'ipë yajtijtëpën Italiano.

Hechos 23:35

Ënet ja yajkutujkpë Félix t'ënëmaay ja Pablo: Wä'än t'ëkmintë mëti'ipë mni'ë'ënëyëpën, jäänëmës nmëtowëty mëti'ipë mkajpxäämpyën. Ënet ja yajkutujkpë Félix ojts t'ëne'emy ja tsyiptuumpë ets jap tkëwent'atëty ma ja Herodes ja tyutujktaknën.

Hechos 27:1

Ko tuknipëjktakëtyë ets xyajnëjkxa'antës jam Italia, ja Pablo mëët wiinkëtypë ja tsumyjä'äy yë'ë ojts y'ëxajëtë ja Julio, tu'uk tsiptuunpë kopk, mëti'ipë yajtijtëpën Yajkutujkpë kopk.