Mateo 26:75 - Biblia Dc en Mixe de Quetzaltepec

⁷⁵ ets ja Pedro tja'amyejtsy ko ja Jesús ënety të y'ënë'ëmxëty: Naamka'anëm ënety ja këtseynyë'aaw yaaxë'ëky, ko mijts m'ëna'ana'any tëkëëk ok ko ka'apës xy'ixy'äty. Ënet ja Pedro jap pyëtsiimy ets tyëjkëy jëëpyë yaxpë.

Biblia Mixe de Quetzaltepec

⁷⁵ ets ja Pedro tja'amyejtsy ko ja Jesús ënäty të y'ënë'ëmxëty: Naamka'anëm ënäty ja këtseynyë'aaw yaaxë'ëky, ko mijts m'ëna'ana'any tëkëëk ok ko ka'apës xy'ixy'äty. Ënät ja Pedro jap pyëtsiimy ets tyëjkëy jëëpyë yaxpë.

Mateo 26:75 ပူးပေါင်းရင်းမြစ်များ

Mateo 26:34

Tääts ja Jesús y'ënëmaayë: Tëy mijts n'ënëëmë, ya'atë koots ka'anëm ënety ja këtseynyë'aaw yaaxë'ëky, tëkëëk ok m'ëna'ana'any ko ka'apës xy'ixy'äty.

Juan 13:38

Ënet ja Jesús y'ëtsoowë: ¿Jaanty m'ëna'any, koos xmyë''ëyoowpäta'anyësë? Tëy yam mijts nëëmëty ko naamka'anëm ënety ja këtseynyë'aaw yaaxë'ëkynyëm ko mijts xykyuyu'utsëtyës tëkëëk ok.

Gálatas 6:1

Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.

1 Corintios 4:7

Jä'ä ko ¿Pën ja mëk'ajtën mooyëp ets ja mëku'uk xywyiink'ixëty? ¿Ets tii mijts mmëët'ajtyp mëti'ipë Dios ka'ap të mmo'oyën? ets pën Dios winë të mmo'oyë, ¿Tii ko mnätyukyajmëjnaxyë ijxtëm jeexyë mijts kë'ëm të xypyäätyën?

Mateo 10:33

Pën xykyuyu'tspës ma ja'ayën, näjyëtu'unës nkuyu'utsëty maas yë nTeetyën tsajpjotmëpë.

Mateo 26:74

Ënet ja Pedro kanaak ok y'ënäny: Ka'apës tääpë ja'ay n'ixy'äty. Ënet ojts tu'uk ja këtseynyë'aaw yaaxë'ëky,