Mateo 26:55 - Biblia Dc en Mixe de Quetzaltepec

⁵⁵ Näy jää ja Jesús ja mayjyä'äy tyajtëëy: ¿Tii ko xynyimintës mëët yë tëypyujxn ets kepy, ijxtëm jeexyë ëjts nmä'tspëtyën? Jëpom jëpomës ijty nyaj'ijxpëky jap tsajptëkoty ets ka'apës jää të xymyatstë.

Biblia Mixe de Quetzaltepec

⁵⁵ Näy jää ja Jesús ja mayjyä'äy tyajtëëy: ¿Tii ko xynyimintës mëët yë tëypyujxn ets kepy, ijxtëm jeexyë ëjts nmä'tspëtyën? Jëpom jëpomës ijty nyaj'ijxpëky jap tsajptëkoty ets ka'apës jää të xymyatstë.

Mateo 26:55 ပူးပေါင်းရင်းမြစ်များ

Juan 8:2

ets ko xyiinytyäky, tää ojts nyijkx ma ja mëjtsajptëjkën. Ënet ja ja'ay tyukye'eymyujkë ets nyaaxwe'tsy ets yaj'ijxpëjktso'ony.

Marcos 12:35

Jam ënety ja Jesús yaj'ixpëky ma ja mëjtsajptëjkën, ets y'ënäny: ¿Tii ko yë tsajptëkotyëtë yaj'ijxpëjkpëtëjk y'ëna'antë ko yë Kristë David yë y'u'unk y'ok?

Juan 7:28

Tam ënety ja Jesús yaj'ixpëky ma ja mëjtsajptëjkën, ënät mëk y'ënäny: Xy'ixy'ajtëpës miits ets mnija'awëtëp maas ntsoonyën. E ka'apës kë'ëmwinma'any të nminy, yë'ëjës të xykyexy mëti'ipë mëtëy winë tyuunpyën, mëti'ipë miits ka'ap xy'ixy'atën.

Juan 7:14

Xëëw kujkwä'kxy ja Jesús ojts nyijkx ma ja mëjtsajptëjkën ets yaj'ijxpëjktso'ony.

Mateo 21:23

Tääts ko ja Jesús tyëjkëy ma ja tsajptëjkën. Tam ënety yaj'ixpëky ko nyimiinëtë ja teety wintsëntëjkëty mëët ja mëjja'aytyëjkëty, mëti'ipë jutiis ja'ayëtyën ets yajtëëwëtë: ¿Tiikutujkën mëët ya'atë xytyuny? ¿Pën yë kuttujkën mmooyëp?

Mateo 26:47

Tam ënety ja Jesús kyäjpxynyëm ko ja Judas jyä'äjty, mëët ja mayjyä'äy, tam mëti'ipë tëypyujxn myëët'ajtypyën ets mëti'ipë kepy myëëtën, yë'ë käjxëtëp ja teety wintsëntëjkëty ets ja mëjja'aytyëjkëty.

Marcos 10:1

Tääts ja Jesús tsyo'ony jam Capernaúm ets ojts nyijkx Judea y'itjotm, awinmtsow ma ja Jordán mëjnëëjën ets tukjëtijtëy ja itjot mëti'ipë wë'ëmpën xëëwpëtsëmtsyow. Ënet ja ja'ay nimay myujktë jatëkok ma ënety jamën ets ojts tyaj'ijxpëjktsoony, ijxtëm xëmë yaj'ijxpëkyën.

Lucas 4:20

Tääts ja Jesús ja noky t'apëtijty ets tmooy ja tsajptëjk tuunpë ets nyaaxwe'tsy. Aak wintë'kxëtëp ja ja'ay mëti'ipë japëtyën tsajptëkoty.

Lucas 19:47

Jëpom jëpom ja Jesús ijty yaj'ixpëky ma ja mëjtsajptëjkën; ets ja teety wintsënëty, tsajptëkotyëtë yaj'ijxpëjkpëty ets mëti'ipë ja kajpn nyiwintsën'ajtëpën, yajxon ja winma'any tjajanty'ixta'atë wi'ix ja Jesús tyaj'ooktëtyën.

Lucas 20:1

Tëkok ja Jesús ënety yaj'ixpëky ma ja mëjtsajptëjkën, ja oy aaw oy ayuk nyikäjpxyp. Tääts ja teety wintsëntëjk jam jyajtë mëët ja tsajptëkotyëtë yaj'ijxpëjkpëtëjk ets ja mëjja'aytyëjkëty,

Juan 8:20

Jëtu'un ja Jesús y'ënäny tam ënety yaj'ixpëky ma ja mëjtsajptëjkën ma ja ayajk ako'onën meeny nyipetyën. E ni pën ojts kyamatsyë, jä'ä ko ka'anëm ënety ja nyixëëw tpaatynyëm.