Mateo 26:52 - Biblia Dc en Mixe de Quetzaltepec

⁵² Ets ja Jesús y'ënëmaayë: Pëjkë'ëk yë mtëypyujxn ma tyëjkën. Jä'ä ko pën tsiptuump mëët ja tëypyujxn, nän yë'ë nëjkx tku'ookë.

Biblia Mixe de Quetzaltepec

⁵² Ets ja Jesús y'ënëmaayë: Pëjkë'ëk yë mtëypyujxn ma tyëjkën. Jä'ä ko pën tsiptuump mëët ja tëypyujxn, nän yë'ë nëjkx tku'ookë.

Mateo 26:52 ပူးပေါင်းရင်းမြစ်များ

Génesis 9:6

Pën yë myëku'uk yaj'o'kpy, nän ja'ay nëjkx yaj'ookyë. Jä'ä ko yë naaxwiinyëtë ja'ay jëtu'un yë të kyojy ijxtëm yë Dios kë'ëm y'ixëtyën.

Salmos 55:23

Dios mëti'ipës nTios'ajtypyën, ka'ap jeky jyuuky'ata'any yë yaja'ay'o'kpë ets win'ë'ëmpë; mijts kë'ëm myajkutukëp ets kyuka'anaxtëty jap o'kpëjutjoty, e ëjts ënät, mijts tu'ut ntuk'ijxpätäämpy.

Éxodo 21:12

Pën yë myëku'uk yajtsëtyujtyp yajwintëkoopy ets tyaj'ookëty, kopkpëky ko näjyëtu'un y'ookëty.

Mateo 5:39

Temë jëtu'un miits n'ënëëmëtë ko ka'ap xytyuunwinpitëty ko pën wi'ix mtunëtëty. Ko pën m'apojtsë'ëkëtëty ni'ikyë tuk'akë'ë wiinkpë m'apënuuky.

Romanos 12:19

Miits mëku'uktëjkëty, ntsojktëp miits ni'ik. Ka'ap ja mmëtsip ëxëëk xymyëwinpitëty pën tëë tii mtukmëtuuntëkoyëtë, Dios yë'ë tukupätëtëp; jä'ä ko jëtu'un ja Dios ja y'aaw y'ayuk kyëxja'ayëty: Ëjts xypyatp npëjkta'akëty ja tëytyu'unën, ëjts ntukëpätëp, jëtu'un ja Wintsën y'ënä'äny.

1 Tesalonicenses 5:15

Näkyëwent'atëtë, këtii näjyëtu'un xytyuntëty winë ijxtëm mëti'ipë mmëtëkooyëtëpën. Aak oyëtypë mtuntëp, wintsë'ëkëtë mmëku'uk xim yam ets oypyënëty.

1 Pedro 3:9

Këtii ëxëëk xyajwinpitëty ko pën nitu'ukën kyamëta'akëty ëkë ko pën jam mwin'ëw mwinkajpxëtëty; këtii näjyëtu'un xy'atsoowinpitëty, wäänëni'ik ninu'kxta'aktë ets ja Dios kyënu'kxëtëty. Paaty miits ja Dios të mwootsowëtë ets jä'ä xytyuntëty ja oypyë ets ja kënu'kxën wäänëni'ik xypyaatëty.

Apocalipsis 13:10

Mëti'ipë nitëjkëyëpën yajtsumëty, nëjkxëp ja yajtsumy; pën nitëjkëyëp yajkupuxëty, nëjkxëp ja yajkupuxy. Yaa yaj'ixa'any pën jotmëkën ets pën mëpëjkpën ma ja Dios ja nyaax kyajpnën.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.