Mateo 26:39 - Biblia Dc en Mixe de Quetzaltepec

³⁹ Ënet ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Dios nja'amyejtsy, jëtu'un y'ënäny: Dios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

Biblia Mixe de Quetzaltepec

³⁹ Ënät ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Tios nja'amyejtsy, jëtu'un y'ënäny: Tios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

Mateo 26:39 ပူးပေါင်းရင်းမြစ်များ

Juan 6:38

Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Filipenses 2:8

Ojts kë'ëm naxym nyäpyëjktä'äkyë, myëmëtoow ja o'kën, ja o'kën kruutskëjxmëpë.

Mateo 26:42

Ko ojts mëmäjtsk ok nyijkxy, ënät ja Dios tja'amyejtsy ets t'ënëmaay: Dios Teety, pën ka'ap tjëkyepy njëjpmëkajpxëtyës ya'atë ëyo'on, mijts mnija'ap wi'ix tii xytyuna'any.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

Juan 5:30

Ka'ap tjëkyepy etsës tii kë'ëmwinma'any ntunëty. Jëtu'unës winë npaye'ey ijxtëm ja Dios Teety të xy'ëne'emyënës; ets npaye'eyënës, mëtëy yë'ë; jä'ä ko ka'apës tii npaye'ey mëëtës yë nkë'ëmjot nkë'ëmwinma'any, yë'ëjës nTeety yë jyä'ä nyajtuunëp, mëti'ipës të xykexyën.

Juan 14:31

kopkpëky ko jëtu'un tyunëtëty jyatëtëty, ets tëkokyë ja'ay nija'awëtya'atëty koos yë'ëjës ntsojkpy yë Dios Teety ets koos yë'ë ntuny mëti'ipës të xytyuk'ëne'emyën. Pëtë'ëktë ets ja'amtë.

Juan 18:11

Ënätyë ja Jesús t'ënëmaay ja Pedro: Pëjkë'ëk yë mtëypyujxn ma tyëjkën. Pën Dios Teety ënaanp etsës n'ëyowëty, ¿Tiijës ko nkakupëkëty?

Juan 11:41

Ënet ja tsaa tjëkëëytyë ets ja Jesús pya'at'ijxy tsajpwinm ets y'ënäny: Dios Teety, mijts nkukajpxëp, jä'ä ko tëëjës ja n'ayuk xymyëtoowë.

Mateo 20:22

Tääts ja Jesús y'ëtsooy: Miitsëty ka'ap xynyijawëtë tii m'amëtoowtëpën. ¿Mëmëta'aktëp ja ëyo'on mëti'ipës nkupëkäämpyënë? Tääts y'ëtsoowtë: Nmëmëta'aktëpës yë'ë.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Dios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

2 Samuel 15:26

E pën yë'ëts ënaanp ko ka'apës oy nmëtuny, tyaajës yë nyajpaaty; wä'än t'ixy pën tii tyunäämpy.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Dios y'itëty. Ets jyaak'ënany: Ya'atë tëyajtën, yë'ë ja Dios ja kyäjpxynyajxpëtëjk winma'anymyooyë.

1 Crónicas 21:16

Ko ja David y'ijxë'ky, ënät t'ijxy ko tamtëm ja Wintsën ja kyukäjpxy yajpaaty, tam tkë'ëkë'ë'aty ja tyiypyujxn ets itkujky yajpaaty ma ja naaxwiinyëtë mëët ja tsajp nyäpyäätyë ets ja tyiypyujxn jamtëm tnajtstijë ma ja Jerusalén kajpnën. Ja David mëët ja mëjja'aytyëjk tëë ënety nyätyukxoxëtë wit këëtsëtypë ets twinkuxtënaaytyë ja Wintsën ja kyukäjpxy,

Génesis 17:3

Ënet ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënety yë Dios kyäjpxy:

Hechos 10:25

Ko ja Pedro jyä'äjty ma ja tëjkën, tääts ja Cornelio ojts pyëtsimy tyëjk ëkë'p ets nyäkyoxtënaaytyakë Pedro wyintum ets t'ëwtata'any.

Lucas 17:16

Tääts naaxkëjxy nyäkyoxtënaaytyakë Jesús wyintum. Ya'atë ja'ay jä'ä mëti'ipë Samaria tso'onpën.

Marcos 13:22

Jä'ä ko minantëp mëti'ipë nätyijanëtëp Kristë ets mëti'ipë nätyijanëtëp Dios käjpxynyajxpë, yaj'ixëtëp näjyëtu'un ja ijxpäjtën ets mëj'ajtën, ets yë'ëpaat yajwin'ëëna'any mëti'ipë ja Dios të wyin'ixyën.

Isaías 50:5

Yë Wintsën yë'ëjës të xymyo'oy ijxkujk ja'aykyujkën, e ëjts käjpxykyupëjkpë të nnäpyëjktä'äkyës ets ka'apës ni'ikyë të nnäyu'ts të nnäkyiiyënë.

Isaías 53:12

Paatykyëjxm ja Wintsën tmo'oja'any tu'uk ja ënyäätyakn ma y'u'unyëtën ja wintsëntëjkëty, kopktëjkëty ets ja mëj'äämpyë y'itën, tu'ukmukyë nëjkx tukxoonta'aktë ko ënety të myëta'aktë; yë'ëkyëjxm ko ojts nyäkyë'ëyäkyë o'këntum, ets jëtu'un jyäjty kyëpejty tä jeexyë ëxëëk të y'ëti'itsy të y'ënä'änyën, mëët yë'ëkyëjxm ko ojts tkunaxy ja pokyjyä'äytyëjk.

Juan 5:19

Ets ja Jesús y'ënëmaayëtë: Tëy miits nëëmëtë ko yë Dios y'U'unk ka'ap tjëkyepy ets kyë'ëm winma'any tyajtunëty, yi'iyë mëpaat tuny mëti'ipë tyuunpyën ja Tyeety. Tu'kë'ëyë mëti'ipë tyuunpyën ja Dios Teety, tyuunpy näjyëtu'un ja y'U'unk.