Mateo 26:3 - Biblia Dc en Mixe de Quetzaltepec

³ Jää it ja teety wintsëntëjk ojts ye'eymyuktë mëët ja mëjja'aytyëjkëty jam ma ja teety wintsën Caifás ja tyëjkën.

Biblia Mixe de Quetzaltepec

³ Jää it ja teety wintsëntëjk ojts ye'eymyuktë mëët ja mëjja'aytyëjkëty jam ma ja teety wintsën Caifás ja tyëjkën.

Mateo 26:3 ပူးပေါင်းရင်းမြစ်များ

Salmos 56:6

Xii yaa muum nyäpyëjkta'akëtë ayu'utsy ame'tsyë, xy'ixjëtit xypyajëtitës maas muum nnaxyën, t'ixtë tuntë jëna'a t'ëkjëkyepy muum xyaj'ooktës.

Jeremias 11:19

Ëjts nitiijës ënety nka'aaw nkajotëty, jëtu'un tä kupixyny ayääkën ka'ap tnijawë ko y'ooka'any; e yë'ëjëty tamtëm tnipëjktaakëtë wi'ixës xyaj'ooka'antën. Jä'ä ënety y'ëna'antë: Tsojk tääpë kepy ntimpyujxë'këmë tyam ma amëk jotmëk yajpaatyën, tsojk ntimkyë'ëtsë'këm yaa naaxwiiny ma ja'ay jyuuky'atën, këtiipë nijëna'a yajja'amyätsëty.

Jeremias 17:27

E pën miitsëty ka'ap mja'akyukëtë ets ka'ap xypyatuntë ja n'ënä'ämënës ets po'kxënxëëw ka'ap xypyo'kxtë. Pën mënajxtëp ja tsëmy kë'ëy, ja juy tooky jam ma ja tëjkëtyaknën, ma ja naax kajpn yajnitëkën, ëjts njëënmo'ojäämpyës tääpë naax kajpn, nyajnitooyäämpyës yë Jerusalén yë tyëjk aaw ets ko ënety jëtu'un ntunyës, ni pën nëjkx kyamayë tyajpi'itsëty ja jëën.

Mateo 26:69

Tap ënety ja Pedro y'u'unyë tëja'aw itkujky ko tu'uk ja to'oxytyëjk mëtuunpë myëwinkoonë ets y'ënëmaayë: Mijts mpatijtyp yowë ijty näjyëtu'un yë Jesús, mëti'ipë Galilea ja'ayën.

Mateo 27:27

Ënet ja tsiptuunpëtëjkëty mëti'ipë myëtuuntëpën ja Poncio Pilato ojts tmënëjkxtë ja Jesús ma ja këmoontëjkën ets jam nyäwyoowmujktaayëtë,

Marcos 14:54

Jëkäm jëxkë'ëm ja Pedro tpanëjkxy ja Jesús koonëm timpyaja'ajty ma ja teety wintsën ja tyëja'awën. Jamts nyaaxwe'tsy ma ja ja'ay xyamtën mëët ja tsajptëjk këwent'ajtpë.

Marcos 14:66

Ja Pedro, jap ënety tëja'p ko tu'uk ja to'oxytyëjk myiiny mëti'ipë ja teety wintsën tyuunpë'ajtypyën.

Marcos 15:16

Tääts ja tsiptuunpëtëjk ojts tyajnëjkxtë ja Jesús ma ja yajkutujkpë ja tyëjkën, jamts ni'ëmukë ja tsiptuunpë myujktë.

Lucas 22:55

Ets ja ja'ay ja jëën tyajmëjëtyë jam tëja'aw itkujky, jamts xyamtë ets ja Pedro nän jam nyaaxwe'tsy ja'ay itkujky ma jam xyamtën.

Lucas 3:2

ja Anás ets ja Caifás yë'ë ënety teetywyintsën'ajtëp. Jää jëmëjt ja Juan, ja Zacarías ja myaank ojts myëkäjpxyë ja Dios jam të'ëts'itjotm.

Juan 11:57

Ja fariseë ja'ayëty ets ja teety wintsënëty tëë ënety tni'ënä'ämëtë ko pën tnijawëty maa ja Jesús, ënätyë tnikajpxëty ets yajmatsëty.

Juan 18:24

Ënet ja Anás tkejxy ja Jesús kë'ëtsumy ma ja teety wintsënën mëti'ipë xyëëwajtypyën Caifás.

Juan 18:28

Ënet ja Jesús tmëtso'ontë ma ja Caifás ja tyëjkën ets ojts tmënëjkxtë ma ja këmoontëjkën, ma y'ëne'emyën ja romanë yajkutujkpë, xëënyënëp ënätynyë. Ka'ap ja jutiis ja'ayëty ojts tyëkëtë këmoontëkoty, jä'ä ko ka'ap wya'atsëty ja këmoontëjk. Yë'ëjëty jëtu'un ja mëpëjkën tmëët'atë ko tyëkëtëty muum ma ka'ap wya'atsëtyën tsojk y'ëxëëkëtëty ets ka'ap tjëkyäpëty wi'ix y'a'ux'atëtyën ma ja ëmaayxyëëwën.