Mateo 26:21 - Biblia Dc en Mixe de Quetzaltepec

²¹ Kaaytyëp ënety jam, ko ja Jesús y'ënäny: Tëyajtën n'ënëëmëtë ko tu'uk ja ja'ay pyëtsëma'any ma miitsëtyën mëti'ipës xykyë'ëyakaanpën.

Biblia Mixe de Quetzaltepec

²¹ Kaaytyëp ënäty jam, ko ja Jesús y'ënäny: Tëyajtën n'ënëëmëtë ko tu'uk ja ja'ay pyëtsëma'any ma miitsëtyën mëti'ipës xykyë'ëyakaanpën.

Mateo 26:21 ပူးပေါင်းရင်းမြစ်များ

Juan 13:21

Ko jëtu'un y'ënaantaay ënät ojts jyotmaytyëkë ets ojts tkajpxtë'kxy: Tëy miits nëëmëtë ko tu'uk jam ma miitsëtyën mëti'ipës xykyë'ëyakaanpën.

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Mateo 26:2

Ejxtëm xynyijawë'atën, ja mäjtsk xëëw ja ëmaayxyëëw tpaaty ets naaxwiinyëtë ja'ay yë y'U'unk jää yajkë'ëyaka'any ets ja'ay yajkruutspäta'anyë.

Mateo 26:22

Tääts ja y'ijxpëjkpëtëjk jyotmaytyëjkëtyë ets nitu'ukjaty tyajtëëwtë: Wintsën, ¿ëjts jëtääjë?

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Dios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Juan 13:22

Ënet ja y'ijxpëjkpëtëjk ojts xim yam nyäwyintë'kxëtë, ka'ap nijawëtë pën ja Jesús tyijpy.