Mateo 26:15 - Biblia Dc en Mixe de Quetzaltepec

¹⁵ ets t'ënëmaay: ¿Jënu'un ja meeny xymyo'otëtyës etsës ja Jesús nkë'ëyakëty? Tääts yajmooy i'px majk ja poop pujxn meexy.

Biblia Mixe de Quetzaltepec

¹⁵ ets t'ënëmaay: ¿Jënu'un ja meeny xymyo'otëtyës etsës ja Jesús nkë'ëyakëty? Tääts yajmooy i'px majk ja poop pujxn meexy.

Mateo 26:15 ပူးပေါင်းရင်းမြစ်များ

Éxodo 21:32

E pën ja tsajpkaa kyä'py tu'uk ja mëtuunpë ye'etyëjkpë ëkë to'oxytyëjkpë, ja tsajpkaa kuka'atsy nëjkx y'ooky, e ja tuunpë oy yë'ëjëty ja ye'etyëjkpë ëkë to'oxytyëjkpë ja nyiwintsën nëjkxëp ja yajmëjuy mëët i'px majk yë poop pujxn meeny.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

Hechos 1:18

Ojts tu'uk tjuy ja naax kam, mëët ja meeny mëti'ipë pyatën ko pyokytyuuny; ok ojts tsixkëtän kyuka'anaxy ets ojts pyëjwä'kxy ets ja tyiinty pyëtsëëmtaay.

Jueces 17:10

Yaa mtsëënëty, mëët ëëtsëty. Jëtu'un ja Micaías y'ënäny, ets mijts yaa mtunëty teety ets jëtu'un njawëty tä jeexyë mijts nntimtyeety'ätyën. Nmëjuyëp näjyëtu'un, majk yë poop pujxn meeny ntukmëjuyëty tu'kjëmëjtpë, ëpëky nyajkay nyaj'uukëty ets nmo'ojëty yë mwit mtujkxy.

Jueces 16:5

Ko ja ja'ayëty tnija'awëtyë mëti'ipë ënety jam mëj'äämpy ijtëpën ma tampë ja filistejë kajpnën, ënät ojts tninëjkxtë ja Dalila ets t'ënëmaaytyë: Win'ëën yë Sansón ets tuknikajpx ma myëjaaw tpëky ets wi'ix mëpaat nmëmëtakëmën ets ntsu'umëty nmajtsmëty. Ko jëtu'unpë ja tuunk xytyunëty nëjkxëp myajmëjuy, nitu'ukjaty ëëts nyaktëty yë poop pujxn meeny tu'kmiljaty.

Génesis 38:16

Ënet ojts tpuwa'ktu'uty ja myëku'uk ets tmëkajpxa'any ja to'oxytyëjk, ni tkanijawë pën jä'ätëm ja xyäkxy, ënät t'ënëmaay: ¿M'a'ixëp ets nmëët'itëtyë? Ënet y'ëtsooy ja to'oxytyëjk: ¿Tii mnayakëp koos xymyëët'itëty?

Isaías 56:11

Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Mateo 10:4

Ja Simón mëti'ipë Celote ets Judas Iscariote, mëti'ipë ok ja Jesús kyë'ëyajkën.

Mateo 26:16

Ets ja Judas ja winma'any t'ixtaay wi'ix tkë'ëyaka'anyën ja Jesús.