Mateo 26:10 - Biblia Dc en Mixe de Quetzaltepec

¹⁰ Ko ja Jesús tmëtooy, ënät y'ënëmaayëtë: ¿Tii ko ya'atë to'oxytyëjk nëkoo xyajjotkëxtë? Mëti'ipë të tunyën oy yë'ë.

Biblia Mixe de Quetzaltepec

¹⁰ Ko ja Jesús tmëtooy, ënät y'ënëmaayëtë: ¿Tii ko ya'atë to'oxytyëjk nëkoo xyajjotkëxtë? Mëti'ipë të tunyën oy yë'ë.

Mateo 26:10 ပူးပေါင်းရင်းမြစ်များ

Tito 3:8

Tëyajtën ya'atë, ntsojkpyës ets xynyikajpxëty mëk'äämpy, wä'än ja oypyë tuntë mëti'ipë ja Dios myëpëjktëpën. Oy ya'atë ijxpëjkën tu'unxëtëp ja ja'ay oypyënëty.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

Tito 3:14

Wä'än näjyëtu'un ja nmëku'uk'ajtëmë tjatë ja oyajtën wi'ix ja myëku'uktëjk tputëkëtëty mëti'ipë tii yajmëyajtëpën ets ja jyuukyajtën tyajtuntëty.

Tito 3:1

Tukja'amyäts ja mëpëjkpëtëjkëty ets twintsë'ëkëtëty ja yajkutujkpë ets ja kutuunktëjk, wä'än xëmë winë oy tuntë mëti'ipë yajkutujkpë tuk'ënä'ämëtëpën.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Tito 1:16

Jëtu'un y'ëna'antë ko Dios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

2 Timoteo 2:21

Pën ja'ay wa'ats nyäyaj'ityë ets näkyëwent'ajtëp, jëtu'un nyaxa'any tä tii y'oyëtyën tsyujëtyën, tëëpë Dios yajtuknipëjktaakën ets tyunëty, ma ja oypyë myëyätyën.

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

1 Timoteo 3:1

Tëyajtën ya'atë: Pën jää pën t'atsoky ja kutuunk'ajtk, oytyuunk y'atsojkpy.

2 Tesalonicenses 2:17

yë'ë myajjotkujk'atëtëp, mjotmëkmo'ojëtëp ets tu'kë'ëyë winë oy xytyuntëty xykyajpxtëty.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

Efesios 2:10

Dios të xypyëjktakëm ets ntu'unmëty ja oypyë tuunk tu'ukyë mëët ja Jesukristë, ijxtëm të tuknipëjktaakën.

Gálatas 6:17

Jëtu'unës nkajpxwë'ëmy. Ka'apës ntsoky etsës pën xy'ëtukëty. Tyamës nmëët'aty ja tay mëti'ipë yajknikëxë'kpyën koos nmëtuny ja Jesús.

Gálatas 5:12

Mëti'ipë miits myajwinma'anytyëkooyëtëpën, nikë oy ko jeexyë timkyatstsuktë ja yëtyëjk'ajtënëty.

Gálatas 1:7

Tim tëypyë ka'ap ma wiinkpë aaw ayuk oypyë. Mëti'ipë tuunëp jajtëpën yë'ë ko tää ja'ay mëti'ipë yajma'atäämpyën je'eyë ja mmëpëjkënëty ets jëtu'un ja oy aaw oy ayuk mëti'ipë Kristë jyä'ä'ajtypyën tjayajtëkatsanë.

2 Corintios 9:8

Mmo'ojanëtëp miits ja Dios wäänëni'ik oymyëti'ipë kënu'kxënëty ets xymyëët'attëty xëmë mëti'ipë mtukjuuky'attëpën; näjyëtu'un nyatëkëty mëti'ipë mtukputëjkëtëpën ja ka'apë tii tmëëtëtyën.

Marcos 14:6

Ënet ja Jesús y'ënëmaayëtë: Ixmatstë. ¿Tii ko xyajjotkëxtë? Ëjts oyës n'ixy mëti'ipë tyuunpyën mëët ëjts.

Job 13:7

¿Miitsëty jëtu'un mmaytyë mtajtë ko Dios mkuwantëp ko mwin'ëëntë ets ko oy xymyëtuntë ko ka'ap tii mëtëy xynyikajpxtë?

Nehemías 2:18

Koos ntukmëmëtyaktaaytyë wi'ix ënety ja Wintsën mëj këjää të xypyutëkësën ets wi'ix ënety ja yajkutujkpë janty'oy të xy'ëëw'ëtsoy xykyäjpx'ëtsoyësën, ënät y'ëtsoowtë: Wi'ix ko nkatuuntso'onëm, tsojk niwa'këm yë tuunk. Tääts jëtu'un xim yam nyäjyotkujkmooyëtë.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

Mateo 26:9

Tëë jeexyë yajtooky tsow ets jeexyë ëyoopëja'ay yajtukputëkëtë.

Mateo 26:11

Xëmë miits yë ëyoopëja'ay xymyëët'ata'antë; ëjts ka'apës xëmë nyajpaata'any ma miitsëtyën.

Lucas 8:49

Tam ënety ja Jesús jëtu'un y'ënä'änyëm ko jyä'äjty tu'uk ja ja'ay mëti'ipë tso'onpën ma ja Jairo tyëjkën, ënät t'ënëmaay ja tsajptëjk wintsën: Tëë ja mnëëx y'o'knë, këtii nëkoo xyajjotkëxy yë Wintsën.