Mateo 25:44 - Biblia Dc en Mixe de Quetzaltepec

⁴⁴ Ënet näjyëtu'un tyajtëëwtë: ¿Wintsën, jëna'a mijts të myuu'ookyë, ëkë jëna'a të mtëëtsë, ëkë të m'any të mpojy, ëkë niwa'ats ëxwa'ats të mjëtity, ëkë të mpëky të m'ixyë ëkë pujxn tëkoty të myajpaaty ets ka'ap të mputëkëtë?

Biblia Mixe de Quetzaltepec

⁴⁴ Ënät näjyëtu'un tyajtëëwtë: ¿Wintsën, jëna'a mijts të myuu'ookyë, ëkë jëna'a të mtëëtsë, ëkë të m'any të mpojy, ëkë niwa'ats ëxwa'ats të mjëtity, ëkë të mpëky të m'ixyë ëkë pujxn tëkoty të myajpaaty ets ka'ap të mputëkëtë?

Mateo 25:44 ပူးပေါင်းရင်းမြစ်များ

Lucas 10:29

E ja tsajptëkotyëtë yaj'ijxpëjkpë mëj nyäyajnaxa'anyë paaty tjaaktimyajtëëy ja Jesús: ¿E pën jëtu'un nmëku'uk'ajtypës?

Mateo 7:22

Ko ja ja'ay yajpaye'etyëty, may nëjkx y'ëna'antë: Wintsën, Wintsën, mijts mxëëwkyëjxmës të nkajpxwa'kxtë ja Dios ja y'aaw y'ayuk, mijts mxëëwkyëjxmës ja ku'oypyë të n'ixkäxtë ets mijts mxëëwkyëjxmës may ja Dios ja myëj'ajtën të nyaj'ijxëtë.

Malaquías 3:13

Jëtu'un yë Wintsën y'ënä'äny: Miitsëty mëk të xynyikajpxpëtsëmtës. Ets xyjyaak tim yajtëwtë: ¿Wi'ixën mëk të myajnikajpxpëtsëmy?

Malaquías 2:17

Tëë yë Wintsën y'ënu'kxënë ko je'eyë mtyäty nyä'ämtë; ets miitsëty ni'ikyë m'ëna'antë: ¿Maaxë nä'ämtës ko y'ënä'äny ko tëë y'ënu'kxënyë, ëkë wi'ixën të n'ënëëmëtës? Miitsëty jëtu'un të m'ëna'antë ko yë Wintsën yë'ë y'oyjya'ap yë ja'ay mëti'ipë winë tyuuntëkoopyën ets ko jotkujk nyäjyawëty ko jëtu'un y'ëtë'ëtstë y'ëna'antë. Miitsëty ka'ap xymyëpëktë ko yë Wintsën mëtëy winë tnipaye'ey.

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

Jeremias 2:35

E mijts ni'ikyënëm m'ënaan'ëtë'ëtsy: Ëjts ka'apës tii poky nmëëtëty. Yë Dios ka'ap xy'ëkmëtsip'ajnës. E oy ko jëtu'un m'ëna'any, ko ënät myajnipaye'eyëty jää ënät yaj'ixëty pën ka'ap tii xytyuuntëkoy.

Jeremias 2:23

¿Wi'ix m'ëna'ana'any: Ëjts ka'apës tii poky nmëëtëty ets ka'apës wiink tios të npanëjkxyë? Mëmay mëtaj wi'ix ojts m'ëtë'ëtsy m'ëna'anyën jam joyjyotm; ja'amyäjtsta'a tiijaty të xytyunyën ko ojts mnäypyëjktä'äkyë tä jëyujk jëku'ux to'oxyën mëti'ipë xii yaa pëyë'knajx pëyë'ktëjkëpën;

Mateo 5:6

Jotkujk yë ja'ay yajpaatë mëti'ipë tsyojkën'ajtëp ja tëypyë nipaye'eyën, jä'ä ko ku'uxyë y'ita'antë mëët ja jëtu'unpë.

Mateo 10:41

Pën ja Dios ja kyäjpxynyajxpë kyupëjkpy jä'ä ko kyäjpxynyajxpëty, nän yajmo'ojëp ja kuma'ayën mëti'ipë ja Dios kyäjpxynyajxpë ënety yajmoopyën; ets pën ja oyjyä'äy kyupëjkpy jä'äkyëjxm ko y'oyjyä'äyëty, nän yajmo'ojëp ja kuma'ayën mëti'ipë ënety ja oyjyä'äy yajmoopyën.

Mateo 25:43

koos jëtu'unyë të n'any të mpojy, ka'apës të xyjyëënmo'o të xytyëjkmo'otë, koos ja nwit të kyaka'ty, ka'apës ja nwit të xymyo'otë; koos të mpokyë ets koos tsumy matsy të n'ity ka'apës të xynyimintë.

Mateo 25:45

Ets ja yajkutujkpë y'ëtsowa'anëtë: Tëy miits n'ënëëmëtë, ko tu'kë'ëyë mëti'ipë miits ka'ap të xytyuntë oy ma tyaapë ja'ayëtyën ëmaay amutskpë, ëjtsën jëtu'un miits të xytyuntë.