Mateo 25:34 - Biblia Dc en Mixe de Quetzaltepec

³⁴ Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Dios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Dios tyajkojy ja naaxwiinyëtë.

Biblia Mixe de Quetzaltepec

³⁴ Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Tios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Tios tyajkojy ja naaxwiinyëtë.

Mateo 25:34 ပူးပေါင်းရင်းမြစ်များ

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

Proverbios 11:17

Mëti'ipë ja'ay pa'ëyoop najts'ëyo'owëpën, nätsyojkëp jëtu'un kë'ëm; e mëti'ipë ëxëëk ja jyot wyinma'anyën, kë'ëm nyäy'ëxëëktunyë.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.

Sofonías 3:15

Tëë yë Wintsën tjëpëky ja tëytyu'unën ma mijtsën ets tëë ja mmëtsip tyajjëwa'kta'ay. Yë Wintsën, mëti'ipë jam Israel yajkutujkpën, itkujky yajpaaty ma mijtsën: Mijts ka'ap tii ëxëëkpë xy'ëktsë'kënëty.

Mateo 13:35

Paaty ya'atë tyuunë jyajtë ets y'atëwëty mëti'ipë Dios tyukkajpxnajxën ja kyäjpxynyajxpëtëjkëty: Mëëtës yë Ijxpät nmëtya'aka'any; nikajpxëpës mëti'ipë ka'anëm yajnijawën ko naaxwiinyëtë tsyo'ontäky ets tyampaat.

Mateo 19:29

Ets ni'ëmukë pënjaty të t'ëxmatstën ja jyëën tyëjk, myëkä'äx, tyaak tyeety, y'u'unk y'ëna'k ets ja nyaax kyajpn; wäänëni'ik nëjkx yajmo'otë winë, mëko'px nipätën; näjyëtu'un yajmo'oja'antë ja juukyajtën xëmëkyëjxmëpë.

Mateo 20:23

Tääts ja Jesús y'ëtsoowëtë: Wä'än jëtää xymyëmëta'aktëty ja ëyo'on ijxtëmës n'ëyowa'anyën, je'eyëp ko ja ënyääytyakn mëti'ipë jamën maas yë nkutujktaknën, ka'ap y'ëjtsëty xypyääty miits nmo'otëty. Jä'ä yajmo'otëp mëti'ipë ja nTeetyës të tuknipëjktaakën.

Mateo 21:5

Ënëëmëtë yë Jerusalén ja'ayëty: Tää myajkutujkpë mniminëtë yujypyë naxymyëpë, kruktskëjxy y'u'unyë, tu'uk yë jëyujk u'unk mëti'ipë tsëmy pyatsëëmpyën.

Mateo 25:21

Tääts ja wyintsën y'ënëmaayë: Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Mateo 25:23

Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Mateo 25:40

Ënet ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënety yajpatëpën ëmaay amutsk, ëjts jëtu'un të xymyëtuntë.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Mateo 27:37

Jam kyëpajkëjxm ojts tkëxja'atë tu'uk ja ayuk mëti'ipë yaj'ënantëpën: Ya'atë jëtu'un Jesús, mëti'ipë jutiiyës ja'ay yajkutujkpë'ajtëpën.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Mateo 5:19

Pën yë ënä'ämën ka'ap tpatuny yiinpë wäänpë ets ka'ap pën tuk'ëwaanë wi'ix tpatunëtyën, mutsk nëjkx nyäxy ma ja tsajpjotmëpë kutujkënën; pën yë ënä'ämën pyatuumpy ets ja ja'ay tukni''ixë ets tpatuntëty, yë'ë mëj naxaanp ma ja tsajpjotmëpë kutujkënën.

Marcos 10:17

Ko ja Jesús ënety jam tsyoona'any, ënät tu'uk ja ja'ay pëyi'ikyë nyimiinë ets nyäkyoxtënaaytyakë ma yë'ëjën. Tääts y'ënëmaayë: Oypyë Wintsën, ¿tiis mëpaat ntuny etsës npaatëty ja juukyajtën xëmëkyëjxmëpë?

Marcos 10:40

e ko miits xy'amëtowtë ets m'u'unyëja'antë ëjts n'anajny n'aka'anyës, ka'ap y'ëjtsëty xypyaat'aty nmo'otëty, yë'ë yajmo'ojantëp pën të yajktuknipëjktaakëtën.

Lucas 11:28

Tääts ja Jesús y'ëtsooy: Yë'ë wäänëni'ik akujk jotkujk yajpatp mëti'ipë ja Dios ja y'aaw y'ayuk myëtoow'ijtëpën ets tpatuntë.

Lucas 11:50

Paaty ja Dios tpaye'etya'aja'any ma ja ja'ayëtyën, ja jyot nye'pnyëty ja käjpxynyajxpëtëjk mëti'ipë të tyemy të jye'etsyën ko ja naaxwiinyëtë tsyo'ontäky,

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Lucas 19:38

Tääts y'ënantë: Kënu'kxy mëjjawë ya'atë Yajkutujkpë mëti'ipë myëmiinpyën yë Wintsën yë xyëëw. Wä'än tjam'aty ja jotkujk'ajtën tsajpjotm ets yaa naaxwiiny.

Juan 1:49

Ënet ja Natanael y'ënëmaayë: Wintsën, mijts ja Dios m'u'unk'ajtëp, mijts ja Israel ja'ay yajkutujkpë.

Juan 12:13

Ënet ja ja'ay tpujxtë ja tëëxy y'ääy ets ojts tjëjpye'eyë'ëktë ayaxp ajojkp: Wintsën miimp, Wintsën miimp, Dios kënu'kxëtëp mëti'ipë miinpën Wintsën xyëëwkëjxm. Dios kënu'kxëtëp yë Israel yajkutujkpë.

Juan 17:24

Dios Teety, mijtsës të xymyo'oy, ntsojkpyës ets jam yajpaatëty maas n'ita'anyën ets t'ixtëty ja mëj'ajt oyajtën mëti'ipës mijts të xymye'eyën, jä'ä ko mijtsës të xytsyoky naamka'anëm ënety ja naaxwiinyëtë kyojynyëm.

Juan 19:15

Ets mëk yujk'ënantë: Wä'än t'ooky. Wä'än t'ooky. Yajkruutspät. Ets ja Pilato yajtëëwëtë: ¿Mtsojktëp ets nyajkruuspätëtyës mëti'ipë mkutujkpë'ajtëpënë? Ets ja teety wintsëntëjk y'ëtsoowëtë: Ka'apës pën wiinkpë yajkutujkpë nmëët'atë, yi'iyë tu'uk ja yajkutujkpë kopk mëti'ipë Roma tso'onpën.

Hechos 15:18

Ja Wintsën, mëti'ipë winë të tyaj'ixyën tëëyëp, yë'ë të y'ënä'äny.

Hechos 3:26

Ko ja Dios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Dios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

1 Corintios 15:50

Mëku'uktëjkëty, yë'ëjës ntijpy, ko ja ni'kx kopk mëët ja ne'pyny ets ja xixy, mëti'ipë nmëët'ajtëmën, ka'ap nëjkx yë'ëjëty nyijkx ma ja Dios ja kyutujktaknën; ets mëti'ipë o'kpën, ka'ap nëjkx xëmëkyëjxm y'ity.

1 Corintios 2:9

E jëtu'un të jyäty ijxtëm kuja'ay myinyën: Ni pën tka'ixy tkamëtoynyëm ets ni pën tkawinmaynyëm mëti'ipë ja Dios të tuknipëjktaakën.

1 Corintios 6:9

¿Ka'ap xynyijawëtë ko yë ëxëëkja'aytyëjk ka'ap jyuuky'ata'antë ma ja Dios ja kyutujktaknënë?

Gálatas 5:21

tyukmëtsip'ajtëp oytyiijëty ja myëku'uk, uktëp mukëtëp, ajëën akax jyä'äy'atë ets kanaakpëky tii ëxëëk tuntë. Tyam miits jatëkok ntukja'amyätstë ijxtëm të ntuk'ëwaanëtën, pën ya'atë tyuuntëp kyajpxtëp, ka'ap tyëkëja'antë ma ja Dios ja kyutujktaknën.

Efesios 5:5

Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Dios jyä'ä'ajtëpën.

1 Tesalonicenses 2:12

Tëë njotmëkwinkajpxëtë, tëë nyajjotkujk'atë ets tëë ntukmënu'kxta'aktë wi'ix mja'ay'atëty ijxtëm pyaat'atyën mëti'ipë jä'ä''ajtëtëpën ja Dios, mëti'ipë të myaxtsowëtë ma yajkutukyën ets ma ja myëj'ajt y'oyajtënën.

2 Timoteo 2:12

Pën nku'ëyo'owëm, näjyëtu'un mëët nyajkutuka'anëm. Pën nkuyu'tsëm, näjyëtu'un yë'ë xykyuyu'tsa'anëm.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Dios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Hebreos 4:3

E ëëts'ajtëmë, mëti'ipë ja Dios nmëpëjkëmën, tëkëja'anëm ma ja pyo'kxtaknën, ijxtëm ja Dios y'ënänyën: Paaty ojts n'ëwa'antä'äkyës ko xyajjoot'anpëktës ets n'ënanyës ko: Nijëna'a kyatëkëtëty maas ja npo'kxtaknën. Jëtu'un ja Dios y'ënäny oy tjayaj'apatëy ja tyuunk ko tyajtso'ontäky ja naaxwiinyëtë.

Hebreos 9:26

Ko jeexyë jyëtu'unëty, kanaak'ok jeexyë ja Kristë të y'o'knë maju'unëm tsyo'otä'äkyën ja naaxwiinyëtë. E tyaa ma ja xëëw jëmëjt ntuk'ijt ntuktsëna'ayëmën, tëë tu'k'ok ja Kristë myiny ets xëmëkyëjxm yajpaata'any, ko të nyäxy ijxtëm tu'uk ja wintsë'kënën mëti'ipë ja poky jyëpëkäämpyën.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

1 Pedro 1:9

Jä'ä ko të xypyaatë ja mëpëjkën mëti'ipë ja nitsokën tukpatpën.

1 Pedro 3:9

Këtii ëxëëk xyajwinpitëty ko pën nitu'ukën kyamëta'akëty ëkë ko pën jam mwin'ëw mwinkajpxëtëty; këtii näjyëtu'un xy'atsoowinpitëty, wäänëni'ik ninu'kxta'aktë ets ja Dios kyënu'kxëtëty. Paaty miits ja Dios të mwootsowëtë ets jä'ä xytyuntëty ja oypyë ets ja kënu'kxën wäänëni'ik xypyaatëty.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Apocalipsis 17:8

Yë mëj jëyujk mëti'ipë të xy'ixyën, yë'ë ja mëti'ipë të jyuuky'ätyën, ka'ap ja tyam maanë. Jäänëm ja pyëtsëma'any ëyoowtaknjoty ka'anëm ënety nyijkx ma kyutëkoyä'änyën; ja ja'ayëty mëti'ipë ja xyëëw ka'ap kyuja'ayëtyën jap nokyjoty ma ja ja'ay ja xyëëw myintën mëti'ipë xëmëkyëjxm juuky'ajtëpën, yë'ë nëjkx mëk tjawëtë ko t'ixtëty jatëkok ja mëj jëyujk mëti'ipë të jyuuky'ätyën ets ka'ap tyam maanë, je'eyëp ko minaanp jatëkok.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Apocalipsis 21:7

Ya'atë kyuma'ayën'atëp pën ënety mëtakpën, etsës yë'ë xyTios'atëty ets yë'ëjës n'u'unk'atëty.

Apocalipsis 5:10

Tëë xypyëjktä'äky ets yajkutuktëty ets y'itëty teety, jëtu'unts tmëtuntëty ja Wintsën ets yajkutuktëty naaxwiiny.