Mateo 25:1 - Biblia Dc en Mixe de Quetzaltepec

¹ Jëtu'un ja tsajpjotmëpë kuttujkën jyata'any ko tpaatëty ja xëëw jëmëjt ijxtëm jyäjtyën tëkok ma ënety ja ja'ay pyëktën: nimajk ja to'oxy'ëna'këty mëti'ipë ojts ja kyutë'kxn tkontën ets t'ëwxitë ja ye'etyëjk pëjkpë.

Biblia Mixe de Quetzaltepec

¹ Jëtu'un ja tsajpjotmëpë kutujkën jyata'any ko tpaatëty ja xëëw jëmëjt ijxtëm jyäjtyën tëkok ma ënäty ja ja'ay pyëktën: nimajk ja to'oxy'ëna'këty mëti'ipë ojts ja kyutë'kxn tkontën ets t'ëwxitë ja ye'etyëjk pëjkpë.

Mateo 25:1 ပူးပေါင်းရင်းမြစ်များ

Apocalipsis 19:7

Nxoontakëmë, n'ijtëmë nxo'onëmë ets nmëjja'aw njaantyjya'awëmë, jä'ä ko tëë ja xëëw tpaaty ma ja Dios U'unk mëët ja jyä'äy nyäpyaata'anyën, ets mëët pyëka'any y'uuka'any, tëë ja jyä'äy nyäy'ixkukëtë.

Apocalipsis 21:9

Ënet nitu'uk ja niwëxtujkpë ja tsajpjotmëtë kukäjpxy myiiny, mëti'ipë myëët'ajtypyën ja wëxtujkpë ja a'ukën ujtspë yajpaatën mëët ja wëxtujkpë ja ëyo'on ets xynyëmaayës: Min ets ntuk'ixëty ja mëpëjkpëtëjk mëti'ipë pyëkantëpën ja Kupixyny U'unk.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Dios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Mateo 13:24

Tääts ja Jesús tnimëtyäky wiinkpë ja ijxpäjtën: Yë tsajpjotmëtë kuttujkën jëtu'un yë'ë ijxtëm ja ja'ay twëjyën yë oytyëëmp kyamjotm.

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Dios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Dios ets mëti'ipë yajtijpën Kupixyny U'unk ets të tuknitso'oktë.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

Mateo 22:2

Jëtu'un ja tsajpjotmëpë kuttujkën ijxtëm ja yajkutujkpë xyëëwtunyën ko ja myaank tyajpëka'any.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

1 Corintios 11:2

Ntukxoontäkpyës miits mëku'uktëjkëty, ko xyjyä'ämyätstës ets ko xypyatuntë ja ijxpëjkën mëti'ipë të ntuk'ëwaanëtën.

Mateo 20:1

Jëtu'un ja tsajpjotmëpë kuttujkën npëjktakmëty ijxtëm tu'uk ja kukamën, mëti'ipë ojts tsyoonyën tsojkyë tuunpë ixtääpyë ets tyuntëty ma ja tsyätym kamën.

Mateo 13:47

Yë tsajpjotmëpë kuttujkën tsojk jëtu'un mpëjktakmëty tä tu'uk yë tsaay ajkxmajtsn mëti'ipë yajnëëkujëpijpën ets tkujëpipy kanaakjëjp ja ajkx.

Salmos 45:14

Oy të yajxoxy, jam yajwoownëjkxy ma yajkutujkpën, yë'ë paye'eyëp ja to'oxy'ëna'k mëti'ipë këwent'ajtëpën, ets ja to'oxy'ëna'k mëti'ipë mëët oy nyäjyawëtyën.

Mateo 13:38

e yë naaxwiinyëtë, yë'ë kam'ajtp. Ja oypyë tëëmt yë'ë ja ja'ayëty mëti'ipë yajpatëpën ma tsajpjotmëtë kuttujkën, e ja ëxëëk ujts yë'ë ja ja'ayëty mëti'ipë ja mëjku'u jä'ä'ajtëtëpën.

Cantares 5:8

Miitsëty to'oxytyëjktëjkëty Jerusalén ja'ayëty, pën jam muum xypyaatë yë ye'etyëjk mëti'ipës ntsojkpy nja'apën jam xy'ënëëmëtëty ko o'kpës yam mëët yë tsojkën ja'awën ma yë'ëjën.

Apocalipsis 4:5

Pëmiimp ja ënääw wëtsuk ma ja kutujktaknën ets wëxtujk ja jëën jam tyoy yë'ë wyintum ijxtëm ja tsiinwatyën. Jä'ä ja Dios ja niwëxtujkpë ja jya'awën.

2 Corintios 11:2

Ni'ikës miits ntsoktë mëët ja Dios ja tsyojkën mëti'ipës të xymye'eyën. Jëtu'unës ëjts ijxtëm tu'uk ja u'unkteetyën mëti'ipë ja nyëëx nyi'ëtsoopyën ets pyëkëty mëët tu'uk ja yä'äy ëna'k. Jëtu'un miitsëty ijxtëm ja to'oxy ëna'kën ets ja Kristë ijxtëm tu'uk ja yä'äy ëna'kën. Ntsojkpyës ets miits nkë'ëyaktëty ets ja Kristë mëët mpëktëty m'uuktëty ijxtëm tu'uk ja to'oxy ëna'kën wintëy wiinkujkpë.

Mateo 9:15

Tääts ja Jesús y'ëtsoowëtë: ¿Mëpaat jëtää ja ja'ay myontë tyuktë mëti'ipë kaaytyëp uktëp ma ja pëjkën ukën y'ityën ets pën jam yajpaaty ja ye'etyëjk mëti'ipë pëjkpën? Temë pyatäämpy ja xëëw jëmëjt ma nëjkx yajjëwoyën ja ye'etyëjk mëti'ipë pëjkpën, jäänëm tëy, jyëkyejpy mjanty ayuu'atëty.

Mateo 5:16

Näyjyëtu'un miitsëty, tuk'ixtë ja ja'ay ja m'oyjä'äy'ajtënëty. Jä'äts ja ja'ay y'ixtëp ets tmëjjawëtëty tjaantyjawëtëty ja Dios Teety mëti'ipë tsajpjotmën.

Hechos 20:8

Tëkëëk nipät ja tëjk ma ojts ye'eymyuktën. May ja kutë'kxn ënety jap tyoy.

Mateo 13:31

Ojts näjyëtu'un yë Jesús tnimëtyä'äky ya'atë ijxpäjtën: Jëtu'un ja tsajpjotmëpë kuttujkën ijxtëm ja mostasë pajkën mëti'ipë tu'uk ja ja'ay nyipën kyamjotm.

Cantares 5:16

Yë pya'kxwiin pa'ak jyawë. Oy ntsojkën'ajtmëty. Jëtu'un y'ixëty yë ye'etyëjk mëti'ipës ntsojkpyën, mëtowtë yajxon miitsëty to'oxytyëjktëjkëty mëti'ipë Jerusalén kukajpnajtëpën.

Cantares 1:3

janty'oy janty tsuj mxuuky, jëtu'un jeexyë myajtijy ko janty'oy mxuuky. Paaty yë to'oxytyëjktëjk mtsokyë.

Mateo 25:7

Tääts ja to'oxy'ëna'këty ojts ni'ëmukë pyëtë'kta'atë ets ja kyutë'kxn tyajmëjjëtyë.

Juan 18:3

Ënet ja Judas twoowja'ajty ja tsiptuunpëtëjk, mëjtsajptëkotyëtë këwent'ajtpëtëjk ets ja teety wintsëntëjk, yë'ë ja fariseë ja'ayëty käjxëtëp. Jëtu'un jyajtë mëët ja kyutë'kxnëty, pujxn ets kepy.

Apocalipsis 8:10

Ko ja mëtëkëëkpë ja tsajpjotmëtë kukäjpxy tukxuxy ja pyujxn xuxn, ënät tu'uk ja mëj matsa'a ojts kyä'äy tsajpwinm, jëtu'un tyoy ijxtëm jëënyä'änkën. Jam kyuka'ajëy ma tu'kpëky ja tëkëëk pëkpyë ja mëjnëëjën ets maajëty ja nëë myuutyën.