Mateo 24:9 - Biblia Dc en Mixe de Quetzaltepec

⁹ Ënet miits myajkë'ëyaktëty ets myajtsaatytyuntëty ets ja ja'ay myaj'ookëtëty. Tu'kë'ëyë ja'ay nëjkx m'ëxëëk'ixëtë jä'äkyëjxm ko ënety ëjts xymyëpëktë.

Biblia Mixe de Quetzaltepec

⁹ Ënät miits myajkë'ëyaktëty ets myajtsaatytyuntëty ets ja ja'ay myaj'ookëtëty. Tu'kë'ëyë ja'ay nëjkx m'ëxëëk'ixëtë jä'äkyëjxm ko ënäty ëjts xymyëpëktë.

Mateo 24:9 ပူးပေါင်းရင်းမြစ်များ

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Lucas 21:12

Naamka'anëm ënety jëtu'un jyäty kyëpetynyëm, ko nëjkx miits myajmatstë, myajpajëtijta'aktë, myajkë'ëyaktë ma ja tsajptëjkën ets myajtsumtë ets myajmënëjkxtë ma ja yajkutujkpëtëjkën jä'äkyëjxm ko ënety miits të mëpëktë ma ëjtsën.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

1 Pedro 4:16

E pën yë'ë mku'ëyo'onpatëtëp ko Kristë xypyanëjkxtë, ka'ap xytyuktsëtyuntëty, nikë wäänëni'ik ja Dios xyajmëjnaxtëty ko ja xyëëw jëtu'un xykyujajtëtëty.

Apocalipsis 2:13

Nija'apës ko jam mtsëënë ma ja mëjku'u kyutujktaknën; je'eyëp ko wa'ats jam mnäyaj'ityë koos ëjts xymyëpëky. Ka'ap ja mmëpëjkën të xyajjëwä'äky ma ëjtsën, ni jää ma ja Antipas y'o'kyën, mëti'ipës oy xymyëtuunën, ma tääpë kajpnën ma mëjku'u tsyëënën.

Hechos 7:59

Tam ënety tkuka'atstë ja Esteban ko ja Dios tmëpëjktsooy ets y'ënäny: Wintsën Jesús, mijts ntukë'ëtëjkëp yë nja'awënës.

Lucas 11:49

Paaty ja Dios mëët ja wijyajtën të y'ënä'äny: Ntuknikäxantëp ja nkäjpxynyajxpës ets ja n'ijxpëjkpëtëjkës, je'eyëp ko nëjkxëp xyaj'ooktë ets xy'ixjëtit xypyajëtitë.

Mateo 23:34

Paaty miits ntuknikäxa'antë ja Dios ja kyäjpxynyajxpëtëjk, wijyjyä'äytyëjkëty ets yaj'ijxpëjkpëtëjk. E miitsëty myaj'ookantëp jënaakëty ets xyajkruutspäta'antë, tam mëti'ipë nëjkx xykyukox xykyutsiikëtën tsajptëkoty ets nëjkx xypyajëtijta'aktë winnaax win.

Hechos 28:22

Yë'ës njamëtowantëp wi'ix mijts mmay mtajy, jä'ä ko nija'awëtëpës ko oymyaajëty aak ëxëëk ja'ay tnikäjpxy tnimëtya'aktë ya'atë jemypyë ijxpëjkën.

Mateo 22:6

ets ja wiinkëtypë ni'ikyë ojts tmatstë ja yajkutujkpë ja tyuunpëtëjk ets tyaj'o'ktë.

Proverbios 29:27

Mëti'ipë ja'ay oy tsuj juuky'ajtëpën, ka'ap oy nyäyjyawëtë ma ëxëëkja'aytyëjkën; ets ëxëëkja'aytyëjk näjyëtu'un ka'ap oy nyäyjyawëtë ma oyjyä'äytyëjkën.

Daniel 11:33

Yë wijyjyä'äytyëjkëty mëti'ipë yajpatëpën ma naax kajpnën nëjkxëp mayjyä'äy tyaj'ijxpëktë, ok nëjkx yaj'ookëtë ets nyino'oka'anëtë ets myä'tsta'aja'anëtë ets nëjkx tyookëtë wiink naax wiink kajpn ets y'ëyowtëty myëtuntëty. Je'eyëp wäänë jëtu'un y'ita'any.

Juan 15:18

Ko miits mka'oy'ixëtëty ja mëti'ipë yajtuuntëpën ja naaxwiinyëtë winma'any, jëtu'un xynyijawëtëty koos ënety jëyëjp të xykya'oy'ixtë.

Juan 15:21

Ëxëëk mjata'an mkëpäta'antë mëët ëjtskyëjxm, jä'ä ko ka'ap nijawëtë pën të xykyexyës.