Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mateo 24:6 - Biblia Dc en Mixe de Quetzaltepec

6 Ko miits xymyëtoy'atëty ja tsip xii yaa ets ko ja ja'ay tsyiptuntëty, ka'ap mtsë'ëkëtëty, kopkpëky ko jëtu'un tyunëtëty jyatëtëty, je'eyëp ko ka'anëm ënety tpaaty ets ja naaxwiinyëtë kyukëxëty.

အခန်းကိုကြည့်ပါ။ ကော်ပီ

Biblia Mixe de Quetzaltepec

6 Ko miits xymyëtoy'atëty ja tsip xii yaa ets ko ja ja'ay tsyiptuntëty, ka'ap mtsë'ëkëtëty, kopkpëky ko jëtu'un tyunëtëty jyatëtëty, je'eyëp ko ka'anëm ënäty tpaaty ets ja naaxwiinyëtë kyukëxëty.

အခန်းကိုကြည့်ပါ။ ကော်ပီ




Mateo 24:6
32 ပူးပေါင်းရင်းမြစ်များ  

Ka'ap tsyë'ëkë ko tii aaw tii ayuk tmëtoy atsë'ëk ajawëpë; ja jyot wyinma'any mëk xëmë yajpaaty, jä'ä ko yë'ë Wintsën tyuk'ijxpejtyp.


Yë Dios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.


ets xy'ënëëmëty: Mnäkyëwent'atëtëp, je'eyëp ko këtii mtsë'ëkëty ets këtii xyajtëkatsëty yë mwinma'any ko xy'ixëty yë tu'ts nyitoy.


¿Jëna'a jyëjpkëxanë ya'atë ëyo'on jotmay ma ja tëypyujxn yaja'ay'ookyën? Wä'än tyajpëjkë'ëky tääpë tëypyujxn, wä'än tu'k'ityë twë'ëmy.


Jëtu'un yë Dios y'ënä'äny: Mijts ye'etyëjk, nikajpx nimëtya'ak yë n'aaw n'ayukës ets xy'ënëëmëty yë Amón ja'ayëty mëti'ipë nyëxik tyukxiktëpën yë Israel kajpn, ko ja tëypyujxn jëjp'ixy yajpatnë ma yë'ëjëtyën: tëë yajxon yajme'ey, atë'kxp awëtsujkp yaj'ijxnë, je'eyë yaja'ay ookanë.


Ko ja yajkutujkpë Herodes jëtu'un tmëtooy, tääts ojts tmëmay tmëtajy, näjyëtu'un mëët ni'ëmukë ja Jerusalén ja'ayëty.


Ets ya'atë aaw ayuk oypyë ma Dios kyutujkën yajnimëtyä'äkyën, nëjkxëp yajkajpxwä'kxy ma tu'kë'ëyë naaxwiinyëtën ets nëjkx ja ja'ay tnija'awëtya'atë, täänëm ja naaxwiinyëtë kyukëxëty.


Ko jeexyë y'ëkjëtu'unëty ¿wi'ix y'atëwëty ja Dios ja y'aaw y'ayuk mëti'ipë ënaanpën ko jëtu'un tyunëtëty jyatëtëty?


Aamëk jotmëk näpyëjkta'akëtë ets ja nitsokën xypyaatëty.


Ko xymyëtoy'atëty ja tsip tyunyë ets ko ja ja'ay nyänyipëtë'ëkyë, ka'ap mtsë'ëkëtëty; jëyëjp ya'atë tyuna'any jyata'anyë naamka'anëm ënety ja nyixëëw tpaaty ets ja naaxwiinyëtë kyëxëty.


Jëtu'un miits nëëmëtë ko kopkpëky jëtu'un tyunëtëty jyatëtëty ijxtëm ja Dios ja y'aaw y'ayuk xynyikäjpxyënës: Ko jëtu'un ojts yaj'ixy ijxtëm jeexyë y'ëxëëk ja'ayëtyën. Kojy jëtu'un tyunëtëty jyatëtëty ijxtëm myinyën kuja'ay.


Këtii mjotmay'ooktëty, mëpëktë ja Dios Teety ets mëpëjktëk ëjts näjyëtu'un.


Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.


ets këtii ja mwinma'any xyajtëkatstëty, këtii mtsë'ëkëtëty ko pën y'ëna'anëty ko tëë ja Dios tyukmëmëtyä'äkyë mëët ja Kyënukxymyëk'ajtën; ëkë ko pën y'ëna'anëty ko tëë tpaaty ja ijxpëjkën ko të yajtukmëmëtyä'äky ëkë ko të yajtuknijayë, jëtu'unpë ja winma'any ijxtëm ojts ëëts nnikajpxtën ko tëë ja xëëw po'o tpaaty ma ja Wintsën myina'anyën.


Täätsës wiinkpë ja kwaay n'ijxyës, tsapts y'ixëty, ets ja mëti'ipë tuk'ënyääyëpën ojts t'ëxajë ja mëk'ajtën ets tjëpëkëty ja jotkujk'ajtën naaxwiiny ets ja naaxwiinyëtë ja'ay tyajtsiptunëty ets nixim niyam nyäyaj'ookëtëty, ënät yajmooy tu'uk ja tëypyujxn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ