Mateo 24:39 - Biblia Dc en Mixe de Quetzaltepec

³⁹ Ma ënety ka'ap pën tmëmay tmëtajyën tii, jää ojts myiny ja komtuu ets tyajnëjkxtaay oy tyimtiijëty. Näyjyëtu'un nëjkx tyunyë jyätyë ko ënety ja naaxwiinyëtë ja'ay ja y'U'unk wyimpity.

Biblia Mixe de Quetzaltepec

³⁹ Ma ënäty ka'ap pën tmëmay tmëtajyën tii, jää ojts myiny ja komtuu ets tyajnëjkxtaay oy tyimtiijëty. Näyjyëtu'un nëjkx tyunyë jyätyë ko ënäty ja naaxwiinyëtë ja'ay ja y'U'unk wyimpity.

Mateo 24:39 ပူးပေါင်းရင်းမြစ်များ

Juan 3:20

Pën tyuuntëp ja ëxëëkpë, y'ëxëëk ijxtëp ja të'kxën jajën, këtiipë yajnijawëty mëti'ipë tyuuntëpën.

Mateo 24:37

Ijxtëm tyuunë jyaajtën ko ja Noé jyuuky'äjty, näjyëtu'un tyuna'any jyata'anyë ko ënety ja naaxwiinyëtë ja'ay ja y'U'unk myiny jatëkok.

Hechos 13:41

Ixtë, miitsëty mëti'ipë päjxtëpën, mëj'ix naak'ixtë ets mtimkyutëkoytyëty, jä'ä ko ntunäämpyës ja mëjëtypë ma ënety jam mjuuky'atën, mëti'ipë ka'ap xymyëpëktëtyën oy ënety pën mjatukmëmëtya'akëtë.

2 Pedro 3:5

Tääpë ja'ayëty ka'ap tja'akyyukëtë ko tëëyëp yë tsajp kyojnë, näjyëtu'un yë naaxwiinyëtë, ko yë Dios mëët yë y'aaw y'ayuk të tyajpëtsëmy jap nëëjoty ets tyaj'ity nëë'itkujky.

Proverbios 29:7

Yë wa'ats ja'ay myëmääpy myëtäjpy yë ëyoopëja'ay wi'ix mëpaat jyuuky'ätyën ijxtëm pyäätyën, e yë ëxëëk ja'ay nijënu'un jëtu'unpë tkamëmay tkamëtajy.

Proverbios 24:12

Jä'ä ko oy mja'ënaanpëty ko ka'ap xynyijawë; ja Dios mëti'ipë winë y'ijxypyën ets nyipaye'epyën winë, wa'ats ja t'ixy tnijawë ets tyukëpäjta'ajäämpy ja ja'ay nitu'ukjaty wi'ixjaty tii të tunyën.

Lucas 19:44

ets myajkutëkoyëtëty. Nëjkxëp tyaj'ooktë ja mja'ay, jyijta'ajantëp ja mpotsy, jä'ä ko ka'ap ojts xymyëjpëjkta'aktë ja Dios ko mjanimiinëtë.

Isaías 42:25

Paatykyëjxm tyukjoot'anpëjkëtë ets tyiytyuunëtë mëët ja tsip käjpxy mëti'ipë toopyën jëënën; e oy ëxëëk jyajajty jyakëpejty kä'äpyëm ojts jyä'äkyukëtë.

Proverbios 23:35

ets m'ëna'ana'any: Tëës nyajkoxy nyajtsiiky ets ka'apës të njawë, tëëjës nyawopy ets ka'apës të n'ixy pënës të xywyopy, e koos nwijëty, jaak'uukaanpës yam.

Jueces 20:34

ets tnitëjkëtyë ja kajpn. Nimajk mil ojts yajwin'ixtë ja tsiptuunpëtëjkëty, aakjä'ä mëti'ipë tsip'ixëtyën mëti'ipë ojts tnitëkëtën ja Guibeá kajpn. Ja tsip ojts myëjënë kyëjääjënë ets myëktaknë; yë Benjamín ja'ayëty ka'ap ënätyë tnijawëtë pën tëkoyantëp.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Génesis 7:23

Yi'iyë Noé ets mëët tu'kë'ëyë ja ja'ayëty jënu'un ënety jap mëët yajpaatën ojts wyë'ëmtë juuky. E ja nimaypyë kutëkooytyääytyë jä'äjëty. Kutëkooytyääytyë ja naaxwiinyëtë ja'ayëty, ja jëyujkëty yujyëtypë ets mëti'ipë myox tyukye'epyën.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Mateo 24:3

Tam ënety ja Jesús y'u'unyë Olivos kopkwinm, ko ja y'ijxpëjkpëtëjk nyimiinëtë ets yajtëëwëtë aak ayi'iyë: Tuk'ëwa'anëtëkës jëna'a jëtu'un jyata'any kyëpäta'any ets tii ijxwë'ëmën yajtuk'ixëp ko ënety mijts miny ets ko ja naaxwiinyëtë ënety kyukëxë?

Mateo 24:30

Ets yaj'ixa'any jam tsajpwinm ja ijxpäjtën ko ja naaxwiinyëtë ja'ay ja y'U'unk myina'any yootsjoty, mëët ja mëk'ajtën kuttujkën ets oy'ajt mëj'ajtën,

Mateo 24:40

Jam ënety ja ye'etyëjk tyuntë nimäjtsk kyamjotm; tu'uk yajmënëjkxa'any ets tu'uk wyë'ëma'any.