Mateo 24:29 - Biblia Dc en Mixe de Quetzaltepec

²⁹ Ko ënety të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Biblia Mixe de Quetzaltepec

²⁹ Ko ënäty të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Mateo 24:29 ပူးပေါင်းရင်းမြစ်များ

Eclesiastés 12:2

Tyam jëtu'un mëpaat xyjyä'äymyetsy mëti'ipë winë të tyajkojy të tpëjktä'äkyën ma tyi'kxy jyäjyën ja xëëw po'o ets ja mëtsa'a ets jyää'atyën ja yoots nëma'a ko tyuuta'ay.

Isaías 13:10

Ja matsa'a ka'ap y'ëktë'kxanëtë; ja xëëw nëjkxëp pyi'itsy, ja po'o ka'ap y'ëkyaj'ixanë.

Isaías 24:23

Ko ënety ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.

Isaías 34:4

Nëjkxëp ja mëtsa'a pyu'utakta'ay, jëtu'unyë nëjkx ja tsajp wyimpëtijtmuky tä mëj witën, nëjkxëp ja mëtsa'a pyi'tsta'atë ets nëjkx kya'ata'atë tä kepy'ääy kyä'äyën.

Joel 2:10

Yu'kxp yë naaxwiinyëtë ko myintë, moonkëtakp tujkëtakp yë tsajp, ka'ap yë xëëw po'o y'ëktë'kxnë ets mëtsa'a jëtu'unyë pyi'tskëtaknëtë.

Joel 3:15

Pi'itsaam ja xëëw po'o ets ja mëtsa'a.

Amós 5:20

Jëtu'un nëjkx jyäty, ko ënety ja Wintsën myiny nëjkxëp jää kyootsë ets ka'ap tyë'kxa'any jyaja'any; kootspuknë y'awinpita'any, nitii oy kyayaj'ixa'any.

Amós 8:9

Ets Wintsën të y'ënä'äny: Jä'ä xëëw kujkyxyëëwës nëjkx nyajkootsë ets je'eyë ënety yajxon xëëw të jyajtä'äky koos nyaj'awinpita'any yë naaxwiinyëtë koots.

Mateo 24:21

Mëk nëjkx ja ëyo'on jotmay yaj'ixy, mëti'ipë ka'ap nijëna'a yaj'ixynyëmën maju'unëm ja naaxwiinyëtë tsyo'ontä'äkyën ets ka'ap jëtu'un ok y'ëkyaj'ixanë.

Mateo 24:8

Ko jëtu'un tyunëtëty jyatëtëty, je'eyë ënety ja ëyo'on tsyo'ontä'äkynyëm.

2 Pedro 3:10

Ko ënety ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënet ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Dios tpaye'eytyä'äy.

Apocalipsis 8:12

Ko ja mëmajktaxkpë ja tsajpjotmëtë kukäjpxy ja xyuxn tukxuxy, ënät tu'kpëky ja tëkëëk pëkpyë ja xëëw, po'o ets ja matsa'a wyintëkooytyë. Jëtu'un ka'ap kyujajy kyutë'kxy ja xëëw, ja po'o ets ja matsa'a; taxk horë xëëny ets taxk horë koots y'ijty.