Mateo 24:28 - Biblia Dc en Mixe de Quetzaltepec

²⁸ Ma ënety jam tii të y'ookyën, jam ja majkwejkxy myuka'antë.

Biblia Mixe de Quetzaltepec

²⁸ Ma ënäty jam tii të y'ookyën, jam ja majkwejkxy myuka'antë.

Mateo 24:28 ပူးပေါင်းရင်းမြစ်များ

Jeremias 16:16

Ëjts Wintsën jëtu'unës n'ëna'any: Nyajminäämpyës ja'ay mëti'ipë nëë jëyujk majtstëpën ets tmatstëty ja Israel ja'ay. Ok nyajmina'anyës nimay mëti'ipë aayjëyujk ujtsjëyujk y'ijxtaaytyëpën ets tmajtsmuktëty ja Israel ja'ayëty tunkëjxmëpë kopkëjxmëpë tsyëënëtën.

Ezequiel 39:17

Ojtsës yë Wintsën näjyëtu'un xy'ënëëmë: Ënëmaaytya'a yë joonëty ets kaa jëyujkëty wä'än tu'ukmuktë na'ëwtityë ma Israel yë kyopkën ets t'ixtëty wi'ix ja o'kën tëko'oyën nyaj'ita'anyës. Jyëkyäpëp tsu'utstëty tjë'kxtëty ja tsu'utsy ets t'uuktëty ja ne'pny;

Habacuc 1:8

Ni'ik yë kyëwaayëty pe'tym pyëyë'knëtë këtiinëm jyëtu'un'atë yë kaa; ni'ik y'ajëjnëtë këtiinëm jyëtu'un'atë yë wax të'ëts'itjotmëpë. Nimay yë kyëwaayëty jyänty myintë pëyi'ikyë ma jam ja tsip y'ita'anyën, jëtu'un myintë tä yë witsn tnikëtä'äkyën yë jëyujk mëti'ipë myatsäämpyën.

Lucas 17:37

Ko jëtu'un tmëtoowtë, tääts tyajtëëwtë ja Jesús: Wintsën, ¿maajën jëtu'un jyata'any? Tääts y'ëtsoowëtë: Ma ënety ja o'kpën, jam ja lut tyu'ukmuka'antë.

Deuteronomio 28:49

Jëkäm yë Dios tyajtsoona'any yë naax kajpn, mëti'ipë poj'am mtukja'tëtëpën tä tu'uk yë witsnën; ja aaw ayuk mëti'ipë kyajpxtëpën, ka'ap nëjkx xywyinjawë;