Mateo 24:21 - Biblia Dc en Mixe de Quetzaltepec

²¹ Mëk nëjkx ja ëyo'on jotmay yaj'ixy, mëti'ipë ka'ap nijëna'a yaj'ixynyëmën maju'unëm ja naaxwiinyëtë tsyo'ontä'äkyën ets ka'ap jëtu'un ok y'ëkyaj'ixanë.

Biblia Mixe de Quetzaltepec

²¹ Mëk nëjkx ja ëyo'on jotmay yaj'ixy, mëti'ipë ka'ap nijëna'a yaj'ixynyëmën maju'unëm ja naaxwiinyëtë tsyo'ontä'äkyën ets ka'ap jëtu'un ok y'ëkyaj'ixanë.

Mateo 24:21 ပူးပေါင်းရင်းမြစ်များ

Daniel 12:1

Ënet jam nyänyikëxë'ëkyë yë Miguel, tsajpjotmëtë kukäjpxy, mëti'ipë kyuwäänpyën yë mkajpn. Ëyo'on jotmay tunanëp, jëtu'un tyuna'anyë ëyo'on jotmay tä nikajëna'a jëtu'un yaj'ixynyëmën maju'unëm nyaaxkëtä'äkyën yë naax kajpn. Ko ënety jëtu'unpë ja xëëw jëmëjt tukja'ty jäänëm nëjkx y'ëwaatsëpëtsëmtë tëkokyë ja ja'ayëty mëti'ipë mijts mkajpn'ajtypyën mëti'ipë miintëpën ja xyëëwëty kuja'ay jap nokyjoty.

Joel 2:2

jä'ä xëëw ma tsu'um ets koots y'ita'anyën, ma wintuky winjaam y'ita'anyën.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

1 Tesalonicenses 2:16

Yë'ë y'ëtujktëp koos ntuk'ëwaanëtë mëti'ipë ka'ap jyutiisëty wi'ix nyitso'oktëtyën. Jëtu'un ja pyoky tyajmayëtë. E jä'ä ko këxaanp ja jëtu'unpë, paaty ja Dios të tyuknikäxëtë ja mëj ëyo'on.

Mateo 24:29

Ko ënety të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Joel 1:2

Mëtoow'itë ya'atë aaw ayuk, miitsëty mëjja'aytyëjkëty ets nitëkokyë miitsëty jënu'un mkunaax'at mkukajpn'atën. Miitsëty nijëna'a jëtu'unpë xykya'ix xykyanijawëtë.

Marcos 13:9

Yajxon mnäkyëwent'atëtëty, jä'ä ko myajkë'ëyakantëp miits ma kutuunkëtyën ets nëjkx myajwoptë tsajptëkoty. Myajmënëjkxantëp ma ja yajkutujkpëtëjkën ets ma wintsëntëjkëtyën mëët ëjtskyëjxm, jëtu'un ënety miits xyajnikëxë'ëktë ma yë'ëjëtyën koos të mymyëpëktë.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Ezequiel 5:9

Jëtu'un ijxtëmës ka'ap nijëna'a ntunyëmën ets ka'apës jëtu'un n'ëktunanë. Ëxëëkëm yaj'ix mëti'ipë të xytyunyën.

Mateo 24:20

Amëtowtë pëjktsowtë ja Dios ets ka'ap jëtu'un jyatëty jä'ä xëëw ma ënety pyotmëtyën, ëkë säpëtë xëëwën.

Apocalipsis 7:14

Ets n'ëtsooyës: Wintsën, mijts mnija'ap. Ets xynyëmaayës: Yë'ë mëti'ipë mëj ëyo'on të tyajnaxtën ets të pyokywya'atstën mëët ja nye'pyny ja Kupixyny U'unk.

Apocalipsis 16:18

Ënet myiiny ja ënääw wëtsuk ets mëk ujx myiiny mëti'ipë ka'anëm nijëna'a yaj'ixy yajnijawënëm jënu'un ja naaxwiinyëtë ja'ay jyuuky'atën.