Mateo 24:19 - Biblia Dc en Mixe de Quetzaltepec

¹⁹ Mëk nëjkx y'ëyowtë ja to'oxytyëjkëty mëti'ipë ënety ja u'unk nyëkëjxm'ajtëpën ets mëti'ipë ënety yaj'u'unktsi'tstëpën jä'ä xëëw.

Biblia Mixe de Quetzaltepec

¹⁹ Mëk nëjkx y'ëyowtë ja to'oxytyëjkëty mëti'ipë ënäty ja u'unk nyëkëjxm'ajtëpën ets mëti'ipë ënäty yaj'u'unktsi'tstëpën jä'ä xëëw.

Mateo 24:19 ပူးပေါင်းရင်းမြစ်များ

Lucas 21:23

Mon tuk ja to'oxytyëjk yajpaatë mëti'ipë ënety ja u'unk jää nyëkëjxm'ajtëpën ëkë mëti'ipë ënety jää yaj'u'unktsi'tstëpën. Jä'ä ko mëj këjää ja pëjkën ato'onën jää y'ita'any ets ja mëj tsaatsytyu'unën ma ja naax kajpnën.

Lamentaciones 4:10

Oy ënety ja to'oxytyëjkëty oy ja jyot wyinma'any tjamëët'atë, ojts ja y'u'unk tyajkëëwnëtë; ojts ja y'u'unk tsu'tsnëtë ko kyutëkooy ja naax kajpn.

Oseas 13:16

Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënety u'unk mëëtëtyën nëjkxëp yë jyot y'ëwatsta'atë.

2 Samuel 4:4

E yë Jonatán yë Saúl yë myaank tam ijty tu'uk yë myaank jä'ä xyëëwajtyp Mefi-bóset, tekymya'at ijty mäjtskpa'ajëty. Tyaa ojts jyäty, ko yë Mefi-bóset ënety yë jyëmëjt mëkoxk, jä'ä xëëw ojts y'ooktë yë Saúl ets Jonatán jam tsipjotm; ko ja to'oxytyëjk tnija'awëy ënätyë ojts ja u'unk tmëke'eky, e pe'tym ënety tmëke'eky ko tmëkëtaay, jëtu'un'äämpy ojts ja Mefi-bóset myä'äty ja tyeky.

2 Reyes 15:16

Ënet ja Menahem tyajkutëkooy ja Tifsah ets jap winë tyajpëtsëëmtaay ma ja y'itjot nyaaxjotmën, timpyatso'ontäky jëtu'un jam Tirsá ets mëti'ipë ënety ja to'oxytyëjkëty ja u'unk maay pyaatantëpën wa'ats ojts tmoxmëku'umëtyä'äy. Paaty jëtu'un tuuny jä'ä ko ka'ap ënety ja kajpn ja tyëjk'aaw të tyaj'ëwatstë ets yë'ë tyëjkëy.

Mateo 21:16

ets t'ënëmaaytyë ja Jesús: ¿Mmëtoopy wi'ix tääpë ja'ay y'ëna'antënë? Tääts ja Jesús y'ëtsooy: Nmëtoopyës ¿e këtiinëm xykyajpxtë ja noky ma kuja'ay myinyën ko jëtu'un jyata'any kyëpäta'anyë? Ma y'ënä'änyën: mëët ja pi'k ëna'k ja y'iyëty, ja mëxu'unkëty mëti'ipë tsi'tstëpën, tëë xymyo'oy ja mëk'ajtën ets y'ëwtëty ya'axtëty.

Mateo 24:18

ets pën ënety kyamjotm, ka'ap nyäkwyimpitëty ets ja wyit twitsëty.

Mateo 24:20

Amëtowtë pëjktsowtë ja Dios ets ka'ap jëtu'un jyatëty jä'ä xëëw ma ënety pyotmëtyën, ëkë säpëtë xëëwën.