Mateo 24:15 - Biblia Dc en Mixe de Quetzaltepec

¹⁵ Ojts ja käjpxynyajxpë Daniel tkuja'ay ja ëxëëkpë ja tuuntëko'oyën. Ko miits xy'ixtëty ma ja wa'atspë ja itën, mëti'ipë nokykyajpxpën wä'än tja'akyukë,

Biblia Mixe de Quetzaltepec

¹⁵ Ojts ja käjpxynyajxpë Daniel tkuja'ay ja ëxëëkpë ja tuuntëko'oyën. Ko miits xy'ixtëty ma ja wa'atspë ja itën, mëti'ipë nokykyajpxpën wä'än tja'akyukë,

Mateo 24:15 ပူးပေါင်းရင်းမြစ်များ

Jeremias 44:29

Ëjts maas nxëëwatyën Wintsën, ya'atë ijxpäjtën nëjkx nmo'otë: ko ënety ja ëyo'on tyunyë jyätyë mëti'ipës të nikäjpxyën ets koos ënety ntëytyuntë ja ja'ayëty ma ya'atë naax kajpnën.

Ezequiel 40:4

Ënet tääpë ja'ay xy'ënëmaayës: Ëk'ix yajxon ets yajxon mëtoow'it; yajxon xytyim ix xytyimtunëty mëti'ipë yam ntuk'ixäämpyën, jä'ä ko mijts Wintsën yaa të mwoowminyë ets ntuk'ixëty ya'atë. Ok nëjkx xytyuk'ëwaanë yë Israel ja'ayëty tëkokyë mëti'ipë yam m'ixäämpyën.

Daniel 1:6

Ma ya'atë ja ëna'ktëjkëtyën yë'ë ojts yajwin'ixtë yë Daniel, Ananías, Misael ets Azarías, aakyë'ë Judá y'u'unk y'ok,

Daniel 11:31

Yë tsyiptuunpëtëjkëty nëjkxëp tyaj'ëxëëkëtë ja tsajptëjk mëti'ipë ta'tspëkpyë, nëjkxëp t'akajpxtuktë këtiipë pën tyakëty ja wyintsë'kën jëpom jëpompë yajyäkyën ets nëjkx jam tpëjkta'aktë ja nëkooyëpë y'ëxëëk'ajnën ets mya'at'ajnën ma ja wintsë'këntyaknën.

Daniel 12:11

Tuk mil ja mäjtsk mëko'px ja majkta'px majk nëjkx nyäxy ja xëëw ma ënety të yaj'akajpxtukyën këtiipë ja wintsë'kën y'ëkyajyajknëty ja jëpom jëpompë yajyäkyën ets ma ënety të y'ëxëëkën ja Wintsën ja tsyajptëjk.

Daniel 9:23

Ko të mtëkë nu'kxtakpë, ënätyë ja Dios të xymyo'oyës ja ëtsoowinpijtën. E paaty niminy ets ntuk'ëwaanëja'any wi'ix të y'ëtsoyën, jä'ä ko yë Dios mëk mtsokyë mjawëty. Paaty yam mijts n'ënëëmë ets yajxon xyjyä'äkyukëty ets xynyijawëty mëti'ipë të xy'ixyën.

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.

Daniel 9:27

E ja tu'k sëmaanpë wyi'imyën, jää nëjkx mëët kanaak yë naax kajpn käjpxytyu'unën tuny, e sëmaanjoty jää t'akajpxtuka'any këtiipë wintsë'kën yajyäkyën. Ets tu'uk yë mëjpoky yajtuna'any ma ja wintsë'kënytyaknën ma yajyäkyën ja wintsë'kën, koonëm ja o'kën tyukja'tëtëty ja mëti'ipë ënety ja ëxëëkajtën tyuuntëkoopyën.

Mateo 24:16

ënät nëjkx kyä'äktë ja ja'ayëty mëti'ipë yajpatëpën jam Judea ets nëjkx kyäktso'oktë jam kopkëjxm;

Marcos 13:14

Ko xy'ixtëty ja ëxëëkpë ma ka'ap pyaat'atyën. Pën ya'atë noky kyäjpxypën wä'än tja'akyukë, wä'än ja ja'ay tkä'äktë mëti'ipë tsënaaytyëpën jam Judea nyaaxjotm ets nyëjkxtëty tunjot kopkjotm.

Lucas 19:43

Pyaatäämpy ja xëëw ko ja mmëtsip myajnatukëtëty na'ëwtity,

Lucas 21:20

Ko xy'ixtëty ja Jerusalenkajpn ko tëë ja myëtsip yajnatukyë, yë'ë mtuknijawëtëp ko tsojk ënety kyutëkoyä'äny.

Juan 11:48

Ko n'ëxmajtsmëty ets jëtu'un tjaaktunëty, ni'ëmukë ënät yë ja'ay myëpëkëtëty ets myina'antëty ja Romë ja'ayëty ets tjitëty yë nmëj tsajptëjk'ajtëmë ets xypyëjkëmëty yë nnaax'ajt nkajpn'ajtëmë.

Hechos 21:28

tääts tukyax tukjojkëtyë: Miits Israel ja'ayëty, putëjkëtëkës. Tëë ya'atë ja'ay yaa jyä'ty, winnaax wiinkajpn jyänty jyëtity, tuk'ijxpëky ja ja'ay ko ka'ap twintsë'ëkëtëty ja Moisés ja y'ënä'ämën ets wiinkjaty tnimëtyä'äky ja tsajptëjk. Tëë näjyëtu'un ja griego ja'ay tyajtëkë ma mëjtsajptëjkën ets të tyaj'ëxëëkëtë ya'atë it naaxwiinyëtë wa'atspë.

Hechos 6:13

Näy ojts t'ixta'atë ja ja'ayëty mëti'ipë nyi'antaakëtëpën ja Esteban, ets y'ëna'antëty: Ya'atë ja'ay, xëmë tni'ojë yë mëjtsajptëjk ets Moisés yë y'ënä'ämën.

Hebreos 2:1

Paatykyëjxm wäänëni'ik nmëjpëjktakmëty mëti'ipë të nmëto'owëmën ets ka'ap n'ëxmajtsmëty mëti'ipë të nmëpëjkëmën.

Apocalipsis 1:3

Akujk jotkujk ja ja'ay yajpaatë mëti'ipë kyajpxtëpën ets pyatuuntëpën ja aaw ayuk mëti'ipë yap jaaypyety miinpën ma ya'atë nokyën, jä'ä ko wiinkoonp ja xëëw jëmëjt.

Apocalipsis 3:22

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk.