Mateo 24:14 - Biblia Dc en Mixe de Quetzaltepec

¹⁴ Ets ya'atë aaw ayuk oypyë ma Dios kyutujkën yajnimëtyä'äkyën, nëjkxëp yajkajpxwä'kxy ma tu'kë'ëyë naaxwiinyëtën ets nëjkx ja ja'ay tnija'awëtya'atë, täänëm ja naaxwiinyëtë kyukëxëty.

Biblia Mixe de Quetzaltepec

¹⁴ Ets ya'atë aaw ayuk oypyë ma Tios kyutujkën yajnimëtyä'äkyën, nëjkxëp yajkajpxwä'kxy ma tu'kë'ëyë naaxwiinyëtën ets nëjkx ja ja'ay tnija'awëtya'atë, täänëm ja naaxwiinyëtë kyukëxëty.

Mateo 24:14 ပူးပေါင်းရင်းမြစ်များ

Ezequiel 7:10

Tyaa ja xëëw. Tëë ja jyä'ty. Tëë myiny ja ëyo'on jotmay. Ja ëxëëkajtën jä'ä mëtakp oymyaajëty, nëkooyë kyëjääjënyë ja ëxëëk tu'unën.

Mateo 10:7

Ko jam mnëjkxtëty nikajpx nimëtya'aktë ko tää ja tsajpjotmëpë kuttujkën wyinkony.

Mateo 18:19

Jëtu'un n'ënëëmëtë pën nimäjtskja'ay nyäkyäjpxyë ets tii t'amëtowa'antë ja nTeetyës tsajpjotmëpë, yajmo'otëp yë'ëjëty.

Mateo 24:3

Tam ënety ja Jesús y'u'unyë Olivos kopkwinm, ko ja y'ijxpëjkpëtëjk nyimiinëtë ets yajtëëwëtë aak ayi'iyë: Tuk'ëwa'anëtëkës jëna'a jëtu'un jyata'any kyëpäta'any ets tii ijxwë'ëmën yajtuk'ixëp ko ënety mijts miny ets ko ja naaxwiinyëtë ënety kyukëxë?

Mateo 24:6

Ko miits xymyëtoy'atëty ja tsip xii yaa ets ko ja ja'ay tsyiptuntëty, ka'ap mtsë'ëkëtëty, kopkpëky ko jëtu'un tyunëtëty jyatëtëty, je'eyëp ko ka'anëm ënety tpaaty ets ja naaxwiinyëtë kyukëxëty.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kuttujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Mateo 9:35

Tyukjëtijtëtyääy ja Jesús ja naax kajpn mëj mutsk ets yaj'ixpëky tsajptëkoty maajëty tu'uktu'uk ja kajpnën ets tuk'ëwaanë ja ja'ay aaw ayuk oypyë ma Dios kyutujkën yajnimëtyä'äkyën ets tyajtso'oky oymyëti'ipë pa'amëty ets pëjkën ato'onën.

Marcos 13:10

Ets yajkajpxwa'kxëp jëyëjp ja oy aaw oy ayuk ka'anëm ënety kyukëxë ja naaxwiinyëtë.

Lucas 2:1

Jää it ja yajkutujkpë César Augusto ojts tni'ënä'ämë ets ja ja'ay ni'ëmukë yajjaaymyuktëty ma yë'ë yajkutukyën.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Lucas 4:5

Tääts ja mëjku'u ojts wyoownëjkxyë ma ja kopkën ets poj'am tyukni''ijxëtyääyë tu'kë'ëyë ja kuttujkën yaa naaxwiiny,

Hechos 1:2

ets mapaat tsyajpejtyën. Ka'anëm ënety tsyajpety ko ja y'ijxpëjkpëtëjk ojts tukwinjawë mëët ja Kënu'kxymyëkajtën mëti'ipë tyuntëpën kyajpxtëpën.

Hechos 11:28

Tu'uk txëëwaty Agabo, jä'ä ojts wya'kukë mayjyä'äyjotm ets ojts Kënu'kxymyëkajtën yajkäjpxyë ko ënety y'ita'any ja mëk yuu ma tu'kë'ëyë ja Roma ja y'itjotmën. Jajt jëtu'un ko ja Claudio yajkutujky.

Hechos 17:31

Jä'ä ko tëë ja Dios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënety të y'ëk'ooky.

Hechos 17:6

e ko ka'ap tpatë ja Pablo ets ja Silas jap tëkoty, ënät tyajtso'ontë ja Jasón mëët ja wiinkpë ja mëpëjkpëtëjkëty; witsy jëtuty jam tyajtso'ontë, ets tukyax tukjojkëtë: Ya'atë ja'ayëty tëë tyajma'ta'atë yë naax kajpn naaxwiinyëtë apëtsëmy, e tëë yaa näjyëtu'un myintë,

Hechos 19:27

Kutsë'ëkës ya'atë, jä'ä ko ja ntuunk'ajtëm tsojk ja kyutëkoyëty, näjyëtu'un, tsojk nëjkx pën tka'ëkmëjpëjktaknë yë nwintaj'ajtëmë Artemisa tsyajptëjk; ets ntaak'ajtëm nëjkx kyutëkooynyë yë myëj'ajtën jyääntyajtën, mëti'ipë Tyios'ajtëpën ja Asia ja'ayëty ets ma tu'kë'ëyë ja it naaxwiinyëtën.

Hechos 20:25

Nnija'apës ko ka'ap nëjkx xy'ëk'ijxnëtës jënu'un miits të ntuk'ijxpëktën ja Dios ja kyutujkën.

Romanos 10:18

E nyajtëëpyës yam: ¿Wä'än jëtää ka'ap ja ja'ay të tmëtowtë ja Dios ja y'aaw y'ayukë? Myëtoowtë jä'ä. Jä'ä ko jëtu'un kuja'ay myiny: Tëë yajmëtoy ja y'ayuk mapaat yë naaxwiinyëtën yajpaatyën ets të yajnijawë mapaat yë naaxwiinyëtë jyëjpkukëxën.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

Colosenses 1:6

mëti'ipë jampaat të jyä'tyën ma miitsëtyën. Ni'ikyë myëjwiin kyëjääjë ya'atë aaw ayuk ets oy wyimpëtsëmy oy tyimmatsowëty naaxwiinyëtë apëtsëmy. Jëtu'un tä të jyäty të kyëpetyën ma miitsëtyën ko ojts ëka'any xymyëtowtë ja oy aaw oy ayuk ets xyjyä'äkyujkëtyë ja tëyajtën.

Hebreos 1:6

Näyjyëtu'un wiinktsow y'ënä'äny ko tkejxy yaa naaxwiiny ja y'u'unk, mëti'ipë ijtpën ijxtëm ja kä'äxkopkën, ko tu'kë'ëyë ja Dios ja y'anklës t'ëwtatëty ja Dios U'unk.

Hebreos 2:5

Ka'ap ja Dios të tmo'oy ja anklëstëjk ja mëk'ajtën ets y'ënä'ämtëty ma ja xëëw jëmëjtën mëti'ipë wiinkoonpën, mëti'ipë tyam nikajpx nimëtyakëmën.

Apocalipsis 14:6

Ënet ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.

Apocalipsis 16:14

Ja ku'oypyë mëj ijxpäjtën yaj'ijxëp ets ni'ëmukë ja yajkutujkpë tyajnämyujkta'aja'anyë mëti'ipë yaa naaxwiinyëtën ets tsyiptuntëty mëët ja Dios Mëti'ipë Maaytyääyëpën Winë.

Apocalipsis 3:10

Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënety ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.