Mateo 23:5 - Biblia Dc en Mixe de Quetzaltepec

⁵ Yë'ëkyëjxm winë tuntë ets ja ja'ay t'ixtëty. Mëpaatëp wyimpokëjxy ets kyë'ëkëjxy tkëxjaaynyëtë mëti'ipë kuja'ay miinpën: ja wyit yenyjo'oxnë tpëjkta'aktë ets ja ja'ay y'ëna'antëty ko nëkooyë Dios t'ëwtajnëtë.

Biblia Mixe de Quetzaltepec

⁵ Yë'ëkyëjxm winë tuntë ets ja ja'ay t'ixtëty. Mëpaatëp wyimpokëjxy ets kyë'ëkëjxy tkëxjaaynyëtë mëti'ipë kuja'ay miinpën: ja wyit yenyjo'oxnë tpëjkta'aktë ets ja ja'ay y'ëna'antëty ko nëkooyë Tios t'ëwtajnëtë.

Mateo 23:5 ပူးပေါင်းရင်းမြစ်များ

Juan 12:43

Yë'ë ni'ik myëjpëjktaktë ja naaxwiinyëtë ja'ay ja myëj'ajt y'oyajtën këtiinëm ja Dios ja myëj'ajt y'oyajtën.

Filipenses 2:3

Këtii tii xytyuntëty atsip a'äkë ëkë tsipkyëjxm; yë'ë oy ko yujy tëtä'äky mja'ay'atëty ets ko mmëku'uk xymyëj'ixtëty ets xywinkutsë'ëkëtëty.

Juan 5:44

¿Wi'ixës miits xymyëpëktëty pën mëj këjxm mnäyajnaxëtë nixim niyam ets ka'ap xy'ixta'atë ja mëj'ajt jaanty'ajtën mëti'ipë Dios yäjkpyën?

Lucas 16:15

Ënet ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Dios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Dios y'ëxëëk'ijxyp yë'ë.

Deuteronomio 6:8

Ya'atë ënä'ämën tëyajtën jëtu'un xytyimmëët'atëty mjootjoty mwinma'anyjoty tä jeexyë jam mkë'ëkëjxm këxtsumy y'ityën ets tä jeexyë jam mwinpokëjxm këxtsa'ay yajpaatyën.

Lucas 20:47

Pyëjkëtëp ja ku'ookytyo'oxy ja jyëën tyëjk, këtiipë pën nijawëty janty jekyëty nyätyijyë Dios mëkajpxtë. Je'eyëp ko yë'ëjëty mëk ni'ik yajtëytyuna'antë.

Deuteronomio 22:12

Ma ja mnijänëtyën nëjkxëp taxkpëky xykyëxuytyë ja nyitsuumë'ëk.

Éxodo 13:9

Jëtu'un ja'amyetsy xëmë xyaj'itëty tä jeexyë jam tu'uk yë ijxpäjtën xymyëët'atën mkë'ëkëjxmëty ëkë mwinpokëjxmëty, ya'atë ijxpäjtën xëmë mtukja'amyätsëtëp ets xëmë xykyajpxtëty xymyëtya'aktë ja ënä'ämën tëyajtën mëti'ipë ja Dios të tyajwë'ëmyën, mëti'ipë ojts mjuutëtën jap Egiptë mëët ja myëk'ajtën.

Filipenses 1:15

Tëy ko tää ja'ay mëti'ipë Kristë y'aaw y'ayuk tsipkyëjxm äkëkyëjxm kyajpxwa'kxtëpën ets näyjyëtu'un mëti'ipë oyjyot oywyinma'any mëët nyikajpxtëpën.

Juan 7:18

Pën yë kyë'ëm winma'any kyäjpxyp ets ja ja'ay myëjpëjktä'äkyë, yë'ë y'ixtääpy ets yajmëjpëjkta'akëty; mëti'ipë y'ixtääpyën ets yajmëjpëjkta'akëty ja mëti'ipë të kyexyën yë'ë mëtëy kajpxp ets ka'ap tjëkyepy wi'ix tëkatsy yajnimëtya'akëty.

Mateo 9:20

Ënet tu'uk ja to'oxytyëjk myiiny jëxkë'ptsow ma Jesús ets ja wyitnijän ojts wäänë toonë. Tyaapë to'oxytyëjk jä'ä ënety pyëjkënë majkmäjtsk jëmëjt, taxyë ënety myëët'ajtyp ma y'ëmaay'ajtënën.

Proverbios 3:3

Këtii nijëna'a xymyajtstu'utëty yë nätsyok näjyawë ets tëyajtën, jëtu'un xymyëët'atëty tä nantsëmën, yajwë'ëm akëpäjky ma mjot mwinma'anyën,

2 Tesalonicenses 2:4

Ya'atë jëtu'un mëtsip'ajtp mëti'ipë y'ëxëëk'ijxypyën tëkokyë mëti'ipë Dios jyä'ä'ajtypyën ets mëti'ipë yajwintsë'ëkëjaanpën; yë'ë tsyojkpy ets yajmëjpëjkta'akëty këtiinëm ja wiinkpë. Jampaat jya'ta'any ma ja Dios ja myëj tsajptëjkën ets jap yajpaata'any nyätyija'anyë ko Tyiosëty.

2 Reyes 10:16

Jam t'ënëmaay: Pajamyëët'ajtkës ets xy'ixëty wi'ixës mëk ni'ekyën yë Wintsën. Jëtu'un ojts nyëjkxtë jap pujxnwintëkäämpëjoty.

Deuteronomio 11:18

Ya'atë aaw ayuk yë'ë xëmë mjot'atëp, ets mmëmay mmëtajtëp; jëtu'un xytyimmëët'atëty tä jeexyë jam mkë'ëkëjxm ets mwinpokëjxm xymyëët'atën këxtsumy.