Mateo 23:38 - Biblia Dc en Mixe de Quetzaltepec

³⁸ Ix ënät ja mtëjk apak të wyi'imy.

Biblia Mixe de Quetzaltepec

³⁸ Ix ënät ja mtëjk apak të wyi'imy.

Mateo 23:38 ပူးပေါင်းရင်းမြစ်များ

Jeremias 22:5

E pën kajts xykyuuytyuntë ijxtëm myaj'ënëëmëtën, ya'atë kutujkëntëjk xit ko'ow jyata'any. Ëjts Wintsën, ëjts ënaanp.

Lucas 13:35

Ix ja mtëjk, apak wyë'ëmanë. Jëtu'un yam nëëmëtë ko ka'ap miits xy'ëk'ijxnëtëtyëts, jäänëm ko m'ëna'antëty: Kënu'kxy ja mëti'ipë myëmiinpyën ja Wintsën ja xyëëw.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Lucas 21:20

Ko xy'ixtëty ja Jerusalenkajpn ko tëë ja myëtsip yajnatukyë, yë'ë mtuknijawëtëp ko tsojk ënety kyutëkoyä'äny.

Lucas 21:6

Mëti'ipë yaa m'ijxtëpën, pyatäämpy ja xëëw jëmëjt ko nitu'uk ja tsaa kyawë'ëma'any, tu'kë'ëyë jyijta'aja'any.

1 Reyes 9:7

ëjts nëjkxëpës n'ëxwojpta'atë ja Israel ja'ayëty ma ja nyaax kyajpnëtyën mëti'ipës ënety të njamo'otën. Ya'atë ja tsajptëjk mëti'ipës tyam të nkënu'kxyën nän nëjkxëpës nja'atyëkooynyë ets njo'tsnë ja nxëëwës ma yë'ëjën ets ja naax kajpn wiinkëtypë je'eyë nëjkx nëëxik tukxiknëtë ja Israel kajpn, kajpxpäjn nëjkx je'eyë twanëtë.

Marcos 13:14

Ko xy'ixtëty ja ëxëëkpë ma ka'ap pyaat'atyën. Pën ya'atë noky kyäjpxypën wä'än tja'akyukë, wä'än ja ja'ay tkä'äktë mëti'ipë tsënaaytyëpën jam Judea nyaaxjotm ets nyëjkxtëty tunjot kopkjotm.

Mateo 24:2

Ënet ja Jesús y'ënëmaayëtë: ¿M'ijxtëp ya'atë tu'kë'ëyë? Tëy n'ënëëmëtë ko ya'atë tsaapotsy nitu'uk kyawë'ëma'any, tu'kë'ëyë jyijta'aja'any.

Zacarías 11:6

Näyjyëtu'unës ëjts ka'apës mpa'ëyowa'antë yë ja'ayëty mëti'ipë yaa tsënaaytyëpën ma ya'atë naax kajpnën, ni'ikyës nkë'ëyajkta'aja'antë ma jyiiky myëku'ukëtyën ets ma kyutujkpëtëjkëtyën. Ets yë'ëjëty tyajkutëkoya'antë yë naax kajpn ets ni pën nkayajtso'oka'anyës ma kyë'ë y'aawëtyën. Ëjts Wintsën, ëjts yam ënaanp.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Salmos 69:24

Yajkëta'ak ma yë'ëjëtyën mijts yë mjoot'an; ets wä'än pyaatëtë mijts yë mtsip m'äkë.

Salmos 69:25

Ma tsyëënëtën, wä'än jam tyajpaaty aanë'ëk tëëtsë'ëk, këtiipë jam pën tsyëënëty jyuuky'atëty ma jyëën tyëjkëtyën.

Isaías 5:9

Tëës xy'ënëëmë ja Wintsën mëti'ipë maaytyääyëpën winë: Kanaak ja jëën tëjk y'atëkoyä'äny; oy jënu'un oytyuny jyakëxë'ëky, ni pën nëjkx jap kyatsëënë.

Sofonías 3:6

Jëtu'un yë Wintsën y'ënä'äny: Ëjts tëëjës nyajkutëkoy yë naax kajpn, tëëjës njity mëjëtypë potsy ets këjxmëtypë ets aanë'ëk tëëtsë'ëk të ntuuntaayës yë nyë'ë tyu'u, ma ka'ap yë ja'ay y'ëknajxnëtyën. Ma nyaax kyajpnëtyën mëti'ipë tukwa'ats të wyi'imyën nitu'uk kya'ëkyajpatnë.