Mateo 23:23 - Biblia Dc en Mixe de Quetzaltepec

²³ Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mjatukniwë'ëmtëp ja Dios ja jyä'ä ko tii xyajwintëwtë, ijxtëm: ja menta, anis ets cominë; je'eyëp ko ka'ap xymyëjpëjkta'aktë ja ënä'ämën tëyajtën mëti'ipë kopkpëkyën yajpatunëty, ijxtëm: ja nipaye'eyën mëtëypyë, ja pa'ëyo'ow najts'ëyo'owën ets oypyë juukyajtën. Ya'atëtën ijty ni'ik oy ja kopkpëky, oknëm ma ja Dios ja y'ayajk y'ako'onën yajmo'oyën.

Biblia Mixe de Quetzaltepec

²³ Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mjatukniwë'ëmtëp ja Tios ja jyä'ä ko tii xyajwintëwtë, ijxtëm: ja menta, anis ets cominë; je'eyëp ko ka'ap xymyëjpëjkta'aktë ja ënä'ämën tëyajtën mëti'ipë kopkpëkyën yajpatunëty, ijxtëm: ja nipaye'eyën mëtëypyë, ja pa'ëyo'ow najts'ëyo'owën ets oypyë juukyajtën. Ya'atëtën ijty ni'ik oy ja kopkpëky, oknëm ma ja Tios ja y'ayajk y'ako'onën yajmo'oyën.

Mateo 23:23 ပူးပေါင်းရင်းမြစ်များ

Lucas 11:42

Miits fariseë ja'ayëty mon tuk myajpaatë, ko tu'pëky xyjyajëpëktë ma ja majk pëkpyën ets ja Dios xyjyatukwintsë'ëkëtë; tä ja menta, rudë ets wiinkëtypë aay ujts mëti'ipë tojkx tsooy'ajtpën; je'eyëp ko ka'ap xymyëjpëjkta'aktë ja mëtëypyë ja nipaye'eyën ets ja Dios ja tsyojkën jya'awën.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Oseas 6:6

Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

Mateo 9:13

Nëjkxtë ets xy'ijxpëktëty ja Dios ja y'aaw y'ayuk ma y'ënä'änyën: Yë'ëjës ntsojkpy ets ja'ay tmëët'atëty ja pa'ëyo'owën, ka'ap yë'ëjëty ma wintsë'kën xymyo'otëtyës. Jä'ä ko ka'apës yë'ëjëty të niminy yë oyjyä'äytyëjk, pokyjyä'äytyëjkës të niminy.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.

Proverbios 21:3

Tun ja nipaye'eyën oypyë ets mëtëypyë, yë'ë jëtu'un yë Dios ni'ik tyukjotkëtäkpy këtiinëm yë wintsë'kën.

Lucas 18:12

Ëjts mäjtsk okës n'ayuu'aty tu'ukpë sëmaan, nmoopy xëmë ja nkëpäjtënës, tu'kpëkyës xëmë njëpëky ma ja majk pëkpyën mëti'ipës npatyp n'ijxypyën.

Mateo 12:7

Jëtu'un ja Dios ja y'aaw y'ayuk y'ënä'äny: Yë'ëjës ntsojkpy ets xymyëët'atëty ja pa'ëyo'owën, ka'ap yë'ëjëty koos xytyukwintsë'ëkëtëty ja jëyujk tsajpkaa. Ko jeexyë xy'ëkwinmëtowtë pën wi'ix jëtu'un tijy, ka'ap jeexyë xypoky'ixtë mëti'ipë ka'ap tii poky tuntën.

Isaías 28:25

Ko ja nyaax tëë yajxon t'oytyuunta'ay, yë'ë jëyëjp nyipy yë eneldo ëkë cominë, tääts tni'ipy ok yë tsajpmok, ëpëky tnitajë, e jam kampë'am tukpa'aniipë yë cebadë ets centeno.

Jeremias 22:3

Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.