Mateo 22:3 - Biblia Dc en Mixe de Quetzaltepec

³ Ets ja tyuunpë tkejxy ets ja ja'ay twowtëty, e ja ja'ayëty ka'ap myinantë.

Biblia Mixe de Quetzaltepec

³ Ets ja tyuunpë tkejxy ets ja ja'ay twowtëty, e ja ja'ayëty ka'ap myinantë.

Mateo 22:3 ပူးပေါင်းရင်းမြစ်များ

Salmos 68:11

Ojts yë Dios tu'uk yë ayuk tkäjpxy, ets kanaak ojts yë to'oxytyëjktëjk y'itë mëti'ipë kyajpxnajxtën:

Isaías 30:15

Jëtu'un y'ënä'äny ja Wintsën, Wa'atspë yajpaatyën ma Israel ja'ayëtyën: Jootwinpitë ets mjotkujk'atëty; xeemy ets tu'uwitsy nëjkx mjuuky'atë, yë'ë mtukjotmëk'atëp. Je'eyëp ko miitsëty ka'ap oy ja jëtu'unpë xymyëtowtë,

Jeremias 25:4

E oy yë Wintsën kanaak ok të mjatuknikäxëtë yë käjpxnyajxpëtëjk, miitsëty nijënu'un mëj të xykyajawëtë, ka'ap të mja'akyukëtë ets ka'ap të mmëtowtë.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Oseas 11:2

Koos nyaxtsoy, ni'ikyës xymyëjëkämke'eky. Yë'ë ja wyintsë'kën myoopy ja wiink tios ets ijty twinno'oky twinxamy yë awinax.

Oseas 11:7

Jëkämës yë nkajpn tyimnäyyaj'ityë; nëyax yujkyaxtëp je'eyë ets ni pën tkamëtoy.

Sofonías 1:7

Amonyë m'itëty Wintsën wyintum, jä'ä ko tää ja Wintsën ja xyëëw wyinkony. Yë Wintsën tëë tuknipëjktaakë tu'uk yë wintsë'kën ets tëë tkënu'kxta'ay mëti'ipë të twoy të twitsyën.

Mateo 21:34

Ko tpaty ja nyixëëw nyipo'o ma ja tsatym yajtukyën, ënät ja tyuunpë ojts jënaakën tkexy ma ja naax kamën ets t'amëtowa'antë ja tsatym mëti'ipë ja kukam paat'ajtëpën.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Dios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Mateo 9:15

Tääts ja Jesús y'ëtsoowëtë: ¿Mëpaat jëtää ja ja'ay myontë tyuktë mëti'ipë kaaytyëp uktëp ma ja pëjkën ukën y'ityën ets pën jam yajpaaty ja ye'etyëjk mëti'ipë pëjkpën? Temë pyatäämpy ja xëëw jëmëjt ma nëjkx yajjëwoyën ja ye'etyëjk mëti'ipë pëjkpën, jäänëm tëy, jyëkyejpy mjanty ayuu'atëty.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Dios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Lucas 15:28

Tääts ja kä'äxkopk jyoot'anpëjky, ka'ap tyëkëjany tyëkoty. Ënet ja tyeety ojts pyëtsimy ets y'ënëmaayë mëktä'äky ets tyëkëty tëkoty.

Lucas 19:27

E ja nmëtsipës mëti'ipë ka'ap të tsoktën etsës ëjts nyajkutukëty, yaa yajmintë ets xyaj'ooktëty ëjts nwintuuyës.

Juan 5:40

Miitsëty ka'ap mina'antë ma ëjtsën ets jeexyë xymyëët'atë ja juukyajtën xëmëkyëjxmëpë.

Hechos 13:45

Ko ja jutiis ja'ay t'ijxtë ko nimay ja ja'ayëty, tääts ja Pablo ojts yajtuk'ëxëëk'ixy, ets ojts twinkajpxpätë, y'ënantë ko nëkoo je'eyë wyin'ëëntë.

Romanos 10:21

Ko ja Jeséas ja jutiis ja'ay tnimëtyäky, jëtu'un tkajpxnajxy: Xëmës të nyäm të nwoptë mëti'ipës ka'ap xykyäpxymyëtowtën ets mëti'ipë käjpxy kyumëtoownajxtëpën.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Hebreos 9:15

Paaty ja Kristë yë'ë të tnikopk'aty ja jemypyë ja käjpxytyu'unën ets ja jempë ja noky mëti'ipë ja tëyajtën myëët'ajtypyën, jä'ä ko mëët yë'ëkyëjxm ko të y'ooky tëë tyaj'ëwaatsëpëtsëmy ja naaxwiinyëtë ja'ay pokyjoty ko të yajpaaty ma ja mëjëwyiinpë ja käjpxytyu'unënën, jëtu'un'äämpy ja naaxwiinyëtë ja'ay të t'ëxajëtë ja kyuma'ayënëty xëmëkyëjxmëpë mëti'ipë të yajtukwinwanëtën.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

1 Samuel 9:13

Paaty ko jam mja'tëty, yë'ë tim ixtaaykyojtë ënätyë, naamka'anëm jam nyijkxynyëm tsajptëkotm ma ja ëkujkyxyëëw y'apaatëja'anyën. Yë ja'ayëty yë'ë jëyëjp y'ëwxitantëp koonëm jya'tëty täänëm kyäya'antë, jä'ä ko kopkpëky ko jëyëjp tkënu'kxëty ja wintsë'kën, täänëm kyäya'antë mëti'ipë të yajwowtën. Paaty jotëkoytyë, nëjkxtë jëtu'un timtyämyë tääts xypyaatëty.