Mateo 22:17 - Biblia Dc en Mixe de Quetzaltepec

¹⁷ Tuk'ëwa'anëtyëk ëëts: ¿Paat'ajtëp koos ja yajkutujkpë César nmëkëpätëty ëkë ka'apë?

Biblia Mixe de Quetzaltepec

¹⁷ Tuk'ëwa'anëtyëk ëëts: ¿Paat'ajtëp koos ja yajkutujkpë César nmëkëpätëty ëkë ka'apë?

Mateo 22:17 ပူးပေါင်းရင်းမြစ်များ

Lucas 2:1

Jää it ja yajkutujkpë César Augusto ojts tni'ënä'ämë ets ja ja'ay ni'ëmukë yajjaaymyuktëty ma yë'ë yajkutukyën.

Mateo 17:25

Tääts ja Pedro y'ëtsooy: Kyukëpejtyp yë'ë. Ko ja Pedro tyëjkëy tëkoty yë'ë ojts ëka'any yajtëyë ja Jesús ets y'ënëmaayë: ¿Mijts Simón wi'ix m'ëna'any? ¿Pën ja yajkutujkpëtëjk ets ja yajkëpäjtpëtëjk yaapë naaxwiiny yajkëpäjtëp: ja jyä'äy ëkë jaaypyaat jaaypyo'kxyë?

Hechos 28:22

Yë'ës njamëtowantëp wi'ix mijts mmay mtajy, jä'ä ko nija'awëtëpës ko oymyaajëty aak ëxëëk ja'ay tnikäjpxy tnimëtya'aktë ya'atë jemypyë ijxpëjkën.

Hechos 25:8

Tääts ja Pablo ojts nyäkyukäjpxyë ets t'ënëmaay ja yajkutujkpë Festo: Ni tiis pën nkatukmëtëkoy, ni yë jutiis ja'ay y'ënä'ämënëty, ni yë mëjtsajptëjk ets ni yë yajkutujkpë kopk.

Hechos 17:7

ets ya'atë Jasón tëë tyajjajtä'äky jam ma tyëjkën. Tëkokyë yë'ëjëty ka'ap tmëjpëjkta'aktë ja yajkutujkpë kopk César ja y'ënä'ämën, jä'ä ko jëtu'un y'ëna'antë ko tää wiinkpë yajkutujkpë mëti'ipë xyëëwajtypyën Jesús.

Hechos 5:37

Kom ok, näjyëtu'un jyäjty ja Judas, mëti'ipë Galiletë ja'ayën, jää ma ja yajkutujkpë jyääymyujkyën; ojts jyä'äy nimay tpaaty, je'eyëp ko ojts ja ja'ay yaj'ookyë ets jëtu'unyë ye'eywya'kxtaaytyë ja jyä'äy.

Lucas 3:1

Mëmajkmokx jëmëjt ënety y'ëne'emy ja yajkutujkpë Tiberio César ets ja Poncio Pilato yajkutuky jam Judea. Ja Herodes jam yajkutuky Galilea, ja myëkä'äx Felipe jam yajkutuky Iturea ets Traconite e ja Lisanias jam yajkutuky Abilene;

Jeremias 42:20

Miitsëty mëj këjää mtëkoytyë, miitsëty ojts kë'ëm m'ëna'antë koos yë Wintsën nmëkajpxëty mëti'ipë mTiosajtëpën, kë'ëm të xy'ëk'ënëëmëtës: Mënu'kxta'ak yë Wintsën mëti'ipës nTios'ajtëpën mëët ëëtskyëjxmëty ets ënät xytyuknijawëtëtyës wi'ix y'ëtsoyën ets jëtu'un winë ntuntëtyës.

Nehemías 9:37

Ko ja pëjktä'äky jyayajpëky mëjwiin këjää wiink ja'ay ja jyä'ä'ajtyp ets yë'ë yajkutujkpë jyi'kxyp pyijkpy, mëët koos ja nëë poky të ntuuntëkoytyë. Ëëtsëty ets mëët ja njëyujk ntsajpkaajëtyës je'eyë ëëts nëkoo ntyäty tyun ntyäty'ëyowtë wiink ja'ay tyukxoompy tyuk'ijtyp. Paatykyëjxm ëëts nkumon nkutukëtë ets një'ëtë nyäy'axtë.

Nehemías 5:4

wiinkpë y'ënä'äny ko may të nyu'kxnë jä'ä ko ja yajkutujkpë tjanty amëtoy ja ayajk ako'onën, may mëti'ipë tëë tnimeenykyo'onënyën ja nyaax kyajpn kyamtëjk. Tam wiinkpë mëti'ipë ënaanpën:

Esdras 7:24

Mëk xyjyä'ämyätstëty ko ja'ayëty mëti'ipë tuuntëpën ma tsajptëjkën, tä yë teetyën, Leví ja'ayëty, tsajptëjk këwent'ajtpëty, tsajptëjk atënääpyëty, pätpë ja'axpëty mëti'ipë tuuntëpën ma tsajptëjkën ka'ap tjëkyepy kyëpätëty ets ka'ap tjëkyepy ni'ikyë tii n'amëto'owmëty.

Esdras 4:13

Ets näjyëtu'un ntuknijawëtë ko pën ya'atë naax kajpn yaj'o'oyëp jatëkok ets pën yajpojts'o'oyëtyääpy ja pya'a nyux, ya'atë ja'ayëty kajts ja ënät y'ayakëja'an y'akonëja'antëty ets ko ënät jyëtu'un'atëty maajën ja wit meeny tsyoonëty.

Mateo 22:18

Jesús ojts t'ixy ko je'eyë wyinma'any'ixtë, paaty t'ënëmaay: Oyjyä'äy mnätyijëtë, ¿tii ko miits xyajkajpxtëkoya'antës?

Lucas 20:22

¿Oy jëtää ko ja yajkutujkpë César nmëkëpäjtmëtyë ëkë ka'apë?