Mateo 22:16 - Biblia Dc en Mixe de Quetzaltepec

¹⁶ Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Biblia Mixe de Quetzaltepec

¹⁶ Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Tios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Mateo 22:16 ပူးပေါင်းရင်းမြစ်များ

Marcos 3:6

Ënet ye'epyëtsëëmtë ja fariseë ja'ayëty tsajptëkoty ets ënätyë tmëëtmëtyaktë ja Herodes ja jyä'äyëty ets tkäjpxy'ajtë wi'ix ja Jesús tyaj'ooktëtyën.

Lucas 20:21

Paaty ojts tyajtëwtë: Wintsën, nija'awëtyëp ëëts ko mijts mkäjpxy ets myaj'ijxpëky ijxtëm pyaat'atyën ets ka'ap yë'ë xytyuny mëti'ipë ja naaxwiinyëtë ja'ay tsyojktëpën. Mëtëy yë'ë ko mijts yë'ë ja'ay mtukni''ijxëp ja Dios ja nyë'ë tyu'u.

Marcos 12:14

Ënet ojts nyëjkxtë ets ja Jesús yajnëmaay: Wintsën, nija'awëtyëp ëëts ko mijts mëtëy mja'ay'äty, jä'ä ko ka'ap xymyëjpëjktä'äky oy pën wi'ixjaty m'ënë'ëmxëty, ka'ap yë'ëkyëjxmëty tii xynyikäjpxy ets ja'ay mtsokëtëty. Mijts yë'ë ja'ay mtuk'ëwa'anëp ja Dios ja nyë'ë'aaw tyu'u'aaw. ¿Oy ko yë yajkutujkpë César nmëkëpäjtmëtyë ëkë ka'apë? ¿Jyëkyejpy nmo'omyëty yë meenyë ëkë ka'apë?

Marcos 8:15

Tääts ja Jesús ja y'ijxpëjkpëtëjk t'ënëmaay: Näkyëwent'atëtë, këtiipë ja fariseë ja'ayëty ets ja Herodes ja'ay mtukpaatëtëty ja tsajpkääky nyitsooy.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

Juan 18:37

Ënet ja Pilato y'ëtsoowë: Ko jëtu'un m'ëna'any jëtu'un yajja'akyukë, yajkutujkpë yowë mijts. Ënet ja Jesús y'ëtsooy: Mijts jam m'ënaanp, ëjts yajkutujkpë. Ëjts yë'ëjës të niminy naaxwiiny etsës nimëtya'akëty ja tëyajtën. Ni'ëmukë mëti'ipë tyuk'ijtëtëp ja tëyajtën, myëtoow'ijtëp yë n'aaw n'ayukës.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Juan 7:18

Pën yë kyë'ëm winma'any kyäjpxyp ets ja ja'ay myëjpëjktä'äkyë, yë'ë y'ixtääpy ets yajmëjpëjkta'akëty; mëti'ipë y'ixtääpyën ets yajmëjpëjkta'akëty ja mëti'ipë të kyexyën yë'ë mëtëy kajpxp ets ka'ap tjëkyepy wi'ix tëkatsy yajnimëtya'akëty.

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.

1 Tesalonicenses 2:4

Ni'ikyë ja Dios ojts t'oy'ixy ets xytyuknipëjktës etsës nkajpxwa'kxtëty ja oy aaw oy ayuk ets jëtu'unës nimëtya'aktë. Ka'apës yë'ëjëty ntsoktë etsës ja ja'ay xy'oyjyawëtëty, yë'ëjës ntsojktë etsës ja Dios xytyukjotkëta'aktëtyës, mëti'ipë tyuk'ijxnajxypyën Wi'ixës ja n'aaw njotëty.

Gálatas 2:6

Ka'ap ojts tii jempyë ijxpëjkën xymyo'otës mëti'ipë ja kuttujkën myëët'ajtypyën; oyës ënety ka'ap yë'ëjëty nijawëja'any tii tyuunk'ajtëp, jä'ä ko Dios ka'ap yë'ë tmëjpëjktä'äky wi'ix pën y'ixëtyën.

Gálatas 1:10

Ëjts ka'apës yë'ëjëty n'ixta'ay etsës yë ja'ay xykyumayëty, yë'ëjës ntsojkën'ajtyp etsës yë Dios xykyumayëty. Ka'apës yë'ëkyëjxmëty winë ntuny ets naaxwiinyëtë ja'ay xy'oyjyawëtyës. Koos jeexyë ëjts oy nwë'ëma'any ma naaxwiinyëtë ja'ayëtyën, ka'ap ënety ja Kristë ëjts xy'ëktuunpë'ajnë.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

2 Corintios 4:2

Ka'apës tii ayu'utsy të ntuntë jëtu'un tä jeexyë tii yajtsëtyu'unjawën; ka'apës pën je'eyë të nwin'ëëntë ets ja Dios ja y'aaw y'ayuk të nyajtëkajtsëtë, tëy jaantyës të nnikäjpxy të nnimëtya'aktë mayjyä'äyjoty Dios wyintum.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

Lucas 7:40

Ënet ja Jesús t'ënëmaay ja fariseë: Simón, tap wäänë nmëkajpxa'any. Ets ja fariseë y'ëtsooy: Oy, Wintsën.

Marcos 10:17

Ko ja Jesús ënety jam tsyoona'any, ënät tu'uk ja ja'ay pëyi'ikyë nyimiinë ets nyäkyoxtënaaytyakë ma yë'ëjën. Tääts y'ënëmaayë: Oypyë Wintsën, ¿tiis mëpaat ntuny etsës npaatëty ja juukyajtën xëmëkyëjxmëpë?

Mateo 26:49

Ko tmëwinkoony ja Jesús tä t'ënëmaay: Wintsën, ëjts yaa miimp. Ets ojts tsu'kxy.

Mateo 26:18

Ënet ja Jesús y'ëtsooy: Nëjkxtë jam kajpnjotm, ma tyëjkën tu'uk yë ja'ay ets xy'ënëëmëtëty: Jëtu'un ja Wintsën y'ënä'äny: Winkoonpës ja nxëëw mpo'o maas ja'ay xyaj'ooka'anyën, jamës nëjkxy ma mtëjkën ets jam yë ëmaayxyëëw yajmëjjawëty mëëtës yë n'ijxpëjkpëtëjk.

Mateo 22:26

Ja y'uty ojts ja ku'ookytyo'oxy tpëky ets ojts y'ooky, näjyëtu'un jyäjty ja mëtëkëëkpë ets aakjëtu'un niwëxtujk jyajtaaytyë.

Mateo 22:24

Wintsën, ja Moisés ja y'ënä'ämën jëtu'un y'ënä'äny: ko tu'uk yë ja'ay y'ookëty ets ka'ap pën y'u'unk, yë myëkä'äx yë'ë nëjkx tpuwa'akë ja to'oxytyëjk mëti'ipë ënety nyi'o'ktutypyën ets jëtu'un'äämpy ja y'äjty tmëët'atëty ja y'u'unk y'ëna'k.

Malaquías 2:9

Paaty n'ëna'anyës, mëët yë'ëkyëjxm ko ka'ap të xymyëmëtowtës ets mëët yë'ëkyëjxm ko ka'ap tu'knax yë ja'ay të xyaj'ijxpëktë, ëjts nyajkutukäämpyës ets naax kajpn m'ëxëëk ixëtëty ets ka'ap mtsokëtëty. Yë Wintsën mëti'ipë maaytyääyëpën winë yë'ë jëtu'un ënaanp.

Malaquías 2:6

Yë Leví mëtëy ijty jyuuky'äty ets ka'ap nëkoo ëxëëkjaty kyäjpxy myëtyäky. Oy ijty jyuuky'äty ëjts nwintuuyës ets may yë ja'ay tputëjkëy ets tyaj'oyëtëty yë jyuukyajtën.

Proverbios 29:5

Mëti'ipë ja'ay janty'oy xëmë myëku'uk nyimëtyäkpyën, je'eyë nëkoo myëku'uk ëyo'ontum tyajka'aja'any.

Salmos 55:21

Janty oy yajmëtoy kyajpxtë myëtya'aktë, ets tsojk xytyukmëpëjkmëty jyot wyinma'anyëty, ëk'ix yë on ko tii ntukniku'tsmëty. Yi'iyë myëmaay myëtajtëp tsip. Janty xu'kx yajjawë ja y'aaw y'ayukëty jëtu'un tä tojkxën ontsa'aypyë, e nëkoopë tyajmëtowëtë, jä'ä ko yë'ëjëty yë'ë nyipëjktakëtyëp wi'ix m'ëyo'onpaatëty.

Salmos 12:2

Aak näwyin'ë'ënëtëp nixim niyam; ko tii tnimëtya'aktë aak je'eyë y'etykyajpxtë.

Salmos 5:9

Yë'ëjëty nijëna'a winë tëyajtën tkakajpxtë; tëj joow yë jyot wyinma'any yajpaatë ma yë'ëjëtyën. Yë y'aaw yo'knëty, jëtu'un tä o'kpëjutën ëwa'atspë; aakyë'ë kyajpxtëp ka'apë myëtëyëtyën.

1 Reyes 22:14

Tä ja Micaías y'ëtsooy: Tyam mijts yajxon n'ënëëmëty ets Wintsënës yam ntukajpxypejtyp, ko yi'iyës yam nikajpxäämpy mëti'ipës yë Wintsën xytyuk'ënä'ämpën.

Deuteronomio 33:9

Mëti'ipë y'ënëmaayën ja tyeety tyaak miitsëty ka'ap n'ixy'atë, t'ënëmaay ja myëkä'äxtëjk miitsëty ka'ap nijawëtë mpënmës jëtu'unëty, ets t'ënëmaay ja y'u'unk y'ëna'këty: Nkatimnyija'awëtëp miitsëty mpënmës jëtu'unëty. E tii ko jëtu'un y'ëtëtstë, yë'ëkyëjxm ko ënety jä'ä xëmë tmaytyë tajtë ja m'aaw m'ayuk, ets ko ënety yi'iyë xëmë timtyuunk'atë ja käjpxytyu'unën mëti'ipë yë'ëjëty mëët të xytyunyën.

Marcos 12:13

Tääts ja Jesús ojts yajktuknikexy ja fariseë ja'ayëty mëët ja Herodes ja jyä'äyëty, ets jeexyë ja Jesús muum kyajpxtëkoy mëti'ipë tyukni'ëënëtëpën.