Mateo 21:5 - Biblia Dc en Mixe de Quetzaltepec

⁵ Ënëëmëtë yë Jerusalén ja'ayëty: Tää myajkutujkpë mniminëtë yujypyë naxymyëpë, kruktskëjxy y'u'unyë, tu'uk yë jëyujk u'unk mëti'ipë tsëmy pyatsëëmpyën.

Biblia Mixe de Quetzaltepec

⁵ Ënëëmëtë yë Jerusalén ja'ayëty: Tää myajkutujkpë mniminëtë yujypyë naxymyëpë, kruktskëjxy y'u'unyë, tu'uk yë jëyujk u'unk mëti'ipë tsëmy pyatsëëmpyën.

Mateo 21:5 ပူးပေါင်းရင်းမြစ်များ

Isaías 62:11

Tëë ja Wintsën tuk'ëwa'anëtyä'äy ja naax kajpn naaxwiinyëtë apëtsëmy: jëtu'un të t'ënëëmë Ënëëmëtë yë Sión kajpn ko tëë jyä'ty ja Yaj'ëwaatsëpëtsëëmpë. Yë Wintsën tëë ja nyaax kyajpn tyaj'ëwaatsëpëtsëmy, yë'ë yajmiimpy.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Oseas 1:7

Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.

Isaías 40:9

Jam mpätëty Sión, tunkëjxm ets jam mëk mkukajpxnaxëty, jam xynyikajpxëty ja oykyäjpxy oymyëtyä'äky. Këtii mtsë'ëkë mijts Jerusalén, amëk jotmëk timkajpx, tukmëtoowta'a ja Judá y'itjot nyaaxjot: Tyaa ja Dios mëti'ipë miits mTiosajtëpën.

Ezequiel 37:24

Yë ntuunpës David, yë'ë nëjkx yajkutuky ma yë'ëjëtyën ets yë'ëjëty nëjkxëpës xymyëmëtowtë ets nëjkx tkuuytyuntë ja n'ënä'ämënës ntëyajtënës.

Ezequiel 34:24

Ëjts Wintsën, ëjts nëjkx xyTyios'atë ets ntuunpës David yë'ë nëjkx nyikopk'atëtë. Ëjts Wintsën, ëjts ënaanp.

Mateo 11:29

Kupëktë ëjts ja n'ijxpëjkën ets jatë ëjts ja ntu'unën, mä'kxtujkpës, ets yujy tëtä'äkyës ja nwinma'any, jëtu'unts xypyaatëty ja po'kxën.

Mateo 2:6

Mijts Belénkëtë kajpn, Judea y'itjotmëtë, ka'ap mijts mnanëkookajpnëty ma tääpë naaxën, jä'ä ko jam tu'uk ja yajkutujkpë pyëtsëma'any mëti'ipë tyu'u wyinye'eyäämpyën yë n'Israel kajpnës.

Mateo 2:2

Jä'ä ojts tyajtëwtë: ¿Maa ja jutiis ja'ayëty yajkutujkpë të myiny të kye'exy? Tëës n'ixtë ja myëtsa'a xëëwpëtsëmy, paatyës nmintë yë'ëjës n'ëwtatantëp.

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

2 Corintios 10:1

Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

Salmos 9:14

etsës jam Jerusalén nikajpx nimëtya'akëty ko mijts mnitëjkëyëp myajmëjpëjkta'akëty, ets ko janty jotkujkës nyajpaaty koos të xyajtso'oky.

1 Reyes 10:26

Salomón ojts tyajmujkta'ay ja pujxnwintëkäämpë ets ja nyija'ay mëti'ipë yajye'eytyëpën. Mil ja taxk mëko'px ja pujxnwintëkäämpë ets majkmäjtsk mil ja nyija'ay mëti'ipë yajye'eytyëpën ets jam tyajnëjkxtaay ma ja pujxnwintëkäämpë y'itën ets ma ja akujktëjk yajkëwent'atyën jam Jerusalén.

1 Reyes 1:33

tä y'ënëmaayëtë: Yë'ë ënät mwowtëp yë wintsëntëjkëty mëti'ipë yaa yajpatëpën ma ya'atë kutujkënën ets jam yë nmaankës Salomón xyajpätëty jëyujk këjxy, ma ja jëyujkën mëti'ipës ntuk'u'unyääpyën ets jam xyajnëjkxtëty Guihón;

2 Samuel 16:2

Tä ja ënä'ämpë yajtëëwë: ¿Tiitën tääpë xyajminyën? Ets ja Sibá y'ëtsooy: Ya'atë krukts nyajminyënës mijts ntuk'u'unyëp ets yajkutujkpë y'u'unk tyo'oxytyëjk; yë tsajpkääky ets ujtstëëm tsa'ampë yë'ë jyë'kxtëp yë tsiptuunpëtëjkëty, e yë uuky mëti'ipës nmëmiimpyën yë'ë y'uuktëp mëti'ipë jam muum tu'ujoty ënu'kxëpën jam të'ëts'itum.

Jueces 12:14

tuktujk jëmëjt. Abdón jä'ä y'ijty y'ëna'k niwëxtyikxy, ets yë'ë y'okmaank ni''i'px majk; tääpë y'ok'ëna'këty aak kruktskëjxy ijty jyëtitë.

Jueces 5:10

Kajpxtë mëtya'aktë miitsëty jënu'un jëyujkëjxy mjëtitën; jënu'un m'u'unyëtën to'okyijxy xa'këjxy; näjyëtu'un miitsëty jënu'un në'ë'am tu'u'am myajpaatën:

Deuteronomio 17:16

Ja ja'ay mëti'ipë ënety ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.

Juan 1:49

Ënet ja Natanael y'ënëmaayë: Wintsën, mijts ja Dios m'u'unk'ajtëp, mijts ja Israel ja'ay yajkutujkpë.

Mateo 21:6

Tääts ja Jesús ja y'ijxpëjkpëtëjk ojts nyëjkxtë ets tuuntë jëtu'un tä ënety të yaj'ënä'ämtën.

Lucas 24:27

Tääts ja Jesús ojts tyuk'ixëtë ja Dios ja y'aaw y'ayuk ma kë'ëm yajnimëtyä'äkyën, tyimtso'ontä'äky mëti'ipë Moisés jyääyën ets tu'kë'ëyë jënu'un ja Dios ja kyäjpxynyajxpëtëjk tjaaytyën.