Mateo 21:4 - Biblia Dc en Mixe de Quetzaltepec

⁴ Paaty jëtu'un tyuunë jyajtë ets y'atëwëty ja aaw ayuk mëti'ipë ja Dios tyukkajpxnajxën ja kyäjpxynyajxpë, ko y'ënäny:

Biblia Mixe de Quetzaltepec

⁴ Paaty jëtu'un tyuunë jyajtë ets y'atëwëty ja aaw ayuk mëti'ipë ja Tios tyukkajpxnajxën ja kyäjpxynyajxpë, ko y'ënäny:

Mateo 21:4 ပူးပေါင်းရင်းမြစ်များ

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Juan 12:15

Këtii mtsë'ëkëtë, Sión ja'ayëty; ix yë myajkutujkpë myiny yë'ë tyuk'u'unyääpy ëna'k krukts.

Mateo 1:22

Jëtu'un ya'atë tyuunë jyajtë ets y'atëwëty mëti'ipë Dios tyukkajpxnajxën ja kyäjpxynyajxpë:

Mateo 26:56

Paaty ya'atë jëtu'un tyunyë jyätyë ets y'atëwëty ja aaw ayuk mëti'ipë ja Dios ja kyäjpxynyajxpëtëjk jyääytyën. Ënet ja Jesús ja y'ijxpëjkpëtëjk ni'ëmukë tsyo'ontaaytyë ets kyäktë.

Mateo 21:3

Ets ko pën wi'ix y'ëna'anëty, jëtu'un xy'ënëëmëtëty: yë'ë Wintsën yajmëyäjtyp, ko tyajtuunta'ajëty tääts jatëkok tyakankojnëpë.

Marcos 11:7

Ënet tyajtso'ontë ja krukts yä'äy ets ja Jesús ojts tukninëjkxtë. Ojts ja wyit tukjëpä'äntë ets ja Jesús tukwä'tspejty.

Lucas 19:35

Ënet ja nyijän jam tkëxwijtstë krukts këjxm ets ojts tukninëjkxtë ja Jesús ets jam tyajkëxwä'tstë.

Juan 12:12

May ënety ja ja'ay të nyëjkxtë jam Jerusalén xëëw'ajtpë ëmaay xyëëwjoty. Komjëpom ojts tnijawëtë ko ja Jesús jam jya'ta'any kajpnjotm.