Mateo 21:32 - Biblia Dc en Mixe de Quetzaltepec

³² Jä'ä ko të ja Juan Yajnëëpäjtpë mjaniminëtë ets mjayaj'ijxpëkëtë wi'ix ja Dios tsokyën mjuuky'atëty, ets kä'äpyëm të xymyëpëktë mëti'ipë yë yajkukëpäjtpëtëjkëty ets into'oxytyëjkëty ojts tmëpëktën. E miitsëty oy tu'kë'ëyë ya'atë të xyjya'ixtë, kä'äpyëm të xymyëpëktë.

Biblia Mixe de Quetzaltepec

³² Jä'ä ko të ja Juan Yajnëëpäjtpë mjaniminëtë ets mjayaj'ijxpëkëtë wi'ix ja Tios tsokyën mjuuky'atëty, ets kä'äpyëm të xymyëpëktë mëti'ipë yë yajkukëpäjtpëtëjkëty ets into'oxytyëjkëty ojts tmëpëktën. E miitsëty oy tu'kë'ëyë ya'atë të xyjya'ixtë, kä'äpyëm të xymyëpëktë.

Mateo 21:32 ပူးပေါင်းရင်းမြစ်များ

2 Pedro 2:21

Nikë oy ko jeexyë ka'ap të timnyijawëtë ja në'ë tu'u oypyë, jä'ä ko tëë tjanijawëtë ets ok të t'ëxmatstë ja Dios ja y'ënä'ämën mëti'ipë të jyayajmo'otën.

Apocalipsis 2:21

Tëës nmo'oy ja tiempo ets jyootwinpitëty; je'eyëp ko yë'ë ka'ap tmajtstu'uta'any ja y'ëxëëktu'unën.

Hebreos 3:12

Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Dios niwinpittëty ets nijawëtëty ja tëyajtën.

Mateo 11:18

E ko myiiny ja Juan ka'apë kyäy y'uukyën ijxtëm ja ja'ay kyäytyën y'uuktën, miitsëty jëtu'un m'ënantë ko ku'oypyë myëët'ajtyp.

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënety ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Mateo 5:46

Pën yi'iyë miits mtsojktëp mëti'ipë mtsojkëtëpën, ¿tii kuma'ayën mpëktëp mpaatëp? Yë yajkukëpäjtpëtëjkëty mëti'ipë Roma myëtuuntëpën yë'ë jëtu'un ëtëtstëp.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.