Mateo 21:31 - Biblia Dc en Mixe de Quetzaltepec

³¹ ¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Biblia Mixe de Quetzaltepec

³¹ ¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kutujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Mateo 21:31 ပူးပေါင်းရင်းမြစ်များ

Lucas 7:29

Ko ja mayjyä'äy ets ja yajkukëpäjtpëtëjk jëtu'un tmëtoowtë ja Jesús y'ënä'äny, ënät ojts tkupëktë ko Dios ja jyä'ä ko y'oyëty jä'ä ko tëë ënety ja Juan yajnëëpätëtë.

Mateo 7:21

Ka'ap nyi'ëmukëty tyëkëja'antë ja ja'ay ma ja tsajpjotmëtë kutujkënën mëti'ipës janaam jatsojk xy'ënëmaaytyëpën Wintsën. Yi'iyë jam tëkëjantëp mëti'ipë pyatuuntëpën ja nteetyës tsajpjotmëpë ja tsyojkën.

2 Pedro 3:9

Ka'ap n'ëna'anmëty ko Dios poxp ko tkuuytyuna'any ja tëëpë twaantä'äkyën, jëtu'un ijxtëm pënëty myäytyë tyajtën; jä'ä tëy mä'kxtujkp jëtu'un, yë'ë jyatuumpy ets jeexyë ni'ëmukë ja'ay jyotwinpijta'ay këtiipë pën y'ëyo'onpaatëty.

Romanos 5:20

Ko ja ënä'ämën ojts kyëjääjë ënät ojts ja poky näjyëtu'un kyëjääjë; je'eyëp ko ja poky ojts kyëjääjë, wäänëni'ik ja Dios ojts ja y'oyjyot y'oywyinma'any kyëjääjë.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Dios wyintum.

Mateo 20:16

Pën tyam ok yajpatëp, jä'ä jëyëjp itantëp; ets mëti'ipë tyam jëyëjp yajpatëp, jä'ä ok itantëp. Nimay ja ja'ay jyayajyaxtsowtë, niwäänë wyinkëta'aktë.

Hechos 17:30

Dios ka'ap ojts tëëyëp tmëjpëjktä'äky oy ja ja'ay ka'ap oy myäytyë tyajtë, tyam yë'ë tsyojkpy, ets tëkokyë ja ja'ay wyimpijta'atëty ma yë'ëjën

Lucas 19:22

Tääts ja yajkutujkpë y'ënëmaayë: Mijts, ka'apë oy mtuny; m'aaw m'ayuk kë'ëm mnätyukpano'këp. Pën mnija'ap koos ëxëëk nja'ay'äty, ets ko nyajmujkpyës winë maas ka'ap tii të nyäkyën ets nyajpëtë'kpyës ja pëjktä'äky maas ka'ap të mpeny të nkojyën,

Lucas 15:10

Jëtu'un miits nëëmëtë ko näjyëtu'un ja Dios ja y'anklës xyoonta'aktë ko tu'uk ja pokyjyä'äy jyootwimpity.

Mateo 18:3

ets y'ënäny: Tëy miits n'ënëëmëtë, pën ka'ap miits ja mjuukyajtën xyajtëkatstë ets mwinpitë ijxtëm yë pi'k ëna'kën, ka'ap nëjkx mtëkëtë ma tsajpjotmëpë kutujktaknën.

Mateo 12:50

Jä'ä ko pën tyuunpy mëti'ipës yë nTeety tsajpjotmëpë tsyojkpyën, yë'ëjës nmëkä'äx'ajtyp ets yë'ëjës ntaak'ajtyp.

Mateo 9:9

Ko ja Jesús jam tsyo'ony, ënät ojts t'ijxpaaty tu'uk ja ja'ay mëti'ipë xyëëwajtypyën Mateo. Jam ënety ja Mateo y'u'unyë ma ja Roma yajkutujkpë yajmëkëpetyën ets t'ënëmaay: Pamiinkës. Ënet ja Mateo wya'kujkëy ets tpatso'ony.

Job 15:6

Ka'ap kyopkpëkyëty mijts n'ojëty, mkë'ëm'aaw mkë'ëm ayuk mnätyuktëytyuunëp.

Mateo 6:5

Ko miits ja Dios xymyëkajpxtëty, ka'ap jëtu'un m'ëtë'ëtstëty ijxtëm mëti'ipë oyjyä'äy nätyijëtëp, tsyojktëp ets ja Dios tmëkajpxtëty tënääpy tsajptëkoty, në'ëjoty tu'ujoty, ets ja ja'ay y'ixëtëty. Tëy miits n'ënëëmëtë ko yi'iyë jëtu'un kyuma'ayën'atantëp.

Mateo 5:18

Jä'ä ko jëtu'unës yam n'ëna'any, maanëm jyää'atyën yë tsajp ets naaxwiinyëtë, ka'ap nitu'uk yajjëpëkëty yë letrë, yë puntë komë, mëti'ipë japën ënä'ämënjoty, koonëm yajkuuytyuunta'ajëty.

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Mateo 5:46

Pën yi'iyë miits mtsojktëp mëti'ipë mtsojkëtëpën, ¿tii kuma'ayën mpëktëp mpaatëp? Yë yajkukëpäjtpëtëjkëty mëti'ipë Roma myëtuuntëpën yë'ë jëtu'un ëtëtstëp.

Mateo 21:30

Tääts wiinkpë ja myaank näjyëtu'un t'ënëmaay. E jä'ä tëyë ojts y'ëtsoyë: Oy, tyamës nëjkxëty, ets ka'ap ojts nyijkxy.

Juan 3:3

Ënet ja Jesús y'ënëmaayë: Tëy mijts t'ënëëmë, pën ka'ap jatëkok ja ja'ay myëxu'unk'aty, ka'ap tjëkyepy t'ixëty ja Dios ja kyutujkën.

Juan 3:5

Ënet ja Jesús y'ëtsoowë: Tëy mijts t'ënëëmë, pën ka'ap myëxu'unk'aty mëët ja nëë ets ja Dios ja Myëjaaw myëk'ajtën, ka'ap tjëkyepy tyëkëty ma ja Dios ja kyutujktaknën.