Mateo 21:26 - Biblia Dc en Mixe de Quetzaltepec

²⁶ Ka'ap tjëkyepy n'ëna'anmëty ko ja'ay ojts kyexyë, jä'ä ko tsojk ja'ay wi'ix xytyu'unmëty, y'aaknija'awëtëp yë ja'ay ko Juan Dios kyäjpxynyajxpë ijty.

Biblia Mixe de Quetzaltepec

²⁶ Ka'ap tjëkyepy n'ëna'anmëty ko ja'ay ojts kyexyë, jä'ä ko tsojk ja'ay wi'ix xytyu'unmëty, y'aaknija'awëtëp yë ja'ay ko Juan Tios kyäjpxynyajxpë ijty.

Mateo 21:26 ပူးပေါင်းရင်းမြစ်များ

Marcos 6:20

Jä'ä ko nyija'ap ja Herodes ko mëtëy ja Juan kyäjpxy ets wa'ats ja y'aaw jyot, paaty ojts tkuwa'any. Oy ja y'aaw y'ayuk ojts tmëtoowë ets jotkujk nyäjyawëty ko ja Juan myëtyä'äky.

Juan 5:35

Jëtu'un ja Juan ijty ijxtëm tu'uk ja jëën tyoyën ets kyutë'kxy, ets miitsëty ojts wäänë ja kyutë'kxn xytyukxontë.

Mateo 21:46

Ënet ja Jesús tjamatsantë. Ka'ap ojts tmatstë jä'ä ko yë'ë ja mayjyä'äy tsyë'këtëp, mëti'ipë myëpëjktëpën ko ja Jesús Dios käjpxynyajxpë jä'ä.

Mateo 14:5

Oy ja Herodes tjayaj'ooka'any ja Juan, tsyë'këp ja mayjyä'äy, jä'ä ko ja mayjyä'äy jëtu'un myäytyë tyajtë ko ja Juan Dios kyäjpxynyajxpë yë'ë.

Mateo 11:9

Pën ka'ap jyëtu'unëty, ¿tiits ko m'ojtstë? ¿Yë'ë ojts xy'ixtë tu'uk ja Dios kyäjpxynyajxpë? Jëtu'un, mëtëy yë'ë ets jä'ä mëti'ipë ni'ik mëj'äämpyën këtiinëm ja Dios kyäjpxynyajxpë.

Hechos 5:26

Tääts ja mëjtsajptëjk këwent'ajtpë wintsën ets ja tyuunpëtëjk ojts tninëjkxtë ja ijxpëjkpëtëjk; je'eyëp ko ka'ap wi'ix tuuntë, jä'ä ko tsyë'këtëp ja ja'ay ko kyuka'atsëtëty.

Juan 9:22

Jëtu'un ja tyaak tyeety ojts y'ëna'antë jä'ä ko tsyë'ëkëtë, tëë ënety ja jutiis ja'ayëty tkäjpxy'atë ko ka'ap tkupëka'antë jap tsajptëkoty tu'kë'ëyë mëti'ipë ënantëpën ko Jesús yë'ë Kristë.

Lucas 22:2

Ja teety wintsënëty ets ja tsajptëkotyëtë yaj'ijxpëjkpëtëjk jä'ä y'ixtaaytyëp ja winma'any wi'ix ja Jesús tyaj'ooktëtyën, je'eyëp ko tsyë'këtëp ja mayjyä'äy.

Lucas 20:19

Ënätyë ja teety wintsëntëjk ets ja tsajptëkotyëtë yaj'ijxpëjkpëtëjk tjamatsantë ja Jesús, jä'äkyëjxm ko jëtu'un tja'awëtyë yë'ë yowë yajwinkajpxpäjtëp ko ënety ja Jesús ja ijxpäjtën jëtu'un të tnimëtyä'äky.

Lucas 20:6

e ko nëmä'ämyëty ko ja'ay ojts kyexyë, tsojk mayjyä'äy xykyuka'tsmëty, jä'ä ko nyija'awëtyë ko ja Juan Dios ja kyäjpxynyajxpë.

Marcos 12:12

Tääts ojts tjamatsa'antë ja Jesús jä'äkyëjxm ko tja'aykyujkëtë yë'ë yowë yajnimëtyaktëp mëët ja ijxpäjtën. Je'eyëp ko tsyë'këtyëp ja mayjyä'äy, paaty ka'ap tmajtstë. Tääts jam tsyo'ontë.

Marcos 11:32

Näy ka'ap tjëkyepy nëmä'ämyëty ko naaxwiinyëtë ja'ay ojts kyexyë. Tsyë'këtyëp ja ja'ay jä'ä ko myëpëjktëp ja mayjyä'äy, ko Juan Dios käjpxynyajxpë.

Isaías 57:11

¿Pën tiosën ijty mijts ëxëëk xytsyë'ëkë ets janty mëj'äämpy xyjyëkyepy koos të xykyawintsë'ëkë etsës të xyjyä'äytyëkooynyë? Koos ënety ka'ap xy'ëkmëj'ijxnë, amonyës ijty je'eyë nyajpaaty, ets jëtu'unës nnäpyëjktä'äkyë ka'apës yowë tii nnijawë.

Mateo 21:11

Ets ja ja'ay y'ëtsoowtë: Käjpxynyajxpë Jesús yë'ë, jam Nazaret tsyoony, Galilea y'itjotm.

Mateo 21:27

Paaty ja Jesús t'ënëmaaytyë: Ka'apës nijawëtë. Ënet ja Jesús y'ëtsoowëtë: Nen ka'ap yam ntuk'ëwaanëtëty pën yë kuttujkën xymyoopyës.