Mateo 21:19 - Biblia Dc en Mixe de Quetzaltepec

¹⁹ Ënet ojts t'ijxpaaty tu'uk ja higo kepy jam tu'upë'am ets tmëwinkoony. Nitu'uk ja tyëëm kyaka'ty, ujts aay je'eyë jam. Ënet t'ënëmaay ja higo kepy: Nijëna'a mkanäkytyëëm'atëty. E ja higo kepy ënätyë ja tyitsy.

Biblia Mixe de Quetzaltepec

¹⁹ Ënät ojts t'ijxpaaty tu'uk ja higo kepy jam tu'upë'am ets tmëwinkoony. Nitu'uk ja tyëëm kyaka'ty, ujts aay je'eyë jam. Ënät t'ënëmaay ja higo kepy: Nijëna'a mkanäkytyëëm'atëty. E ja higo kepy ënätyë ja tyitsy.

Mateo 21:19 ပူးပေါင်းရင်းမြစ်များ

Tito 1:16

Jëtu'un y'ëna'antë ko Dios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Juan 15:6

Pën ka'ap y'ity tu'ukyë mëët ëjts, jëtu'un tpaaty ijxtëm ja tsatym xe'enty ëpëky y'ityën mëti'ipë yajpëjkmujkpën ets yajnino'oky.

Lucas 3:9

Jëjp'ixy yë pujxn y'owxijnë. Pën ka'ap oy jyä'äy'ätyën, jëtu'un yë'ë ijxtëm ja kepyën mëti'ipë ka'ap oy tyëëm'atyën; yajpuxaanp je'eyë ets yajnino'oka'any.

Juan 15:2

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Marcos 11:14

Ënet ja Jesús t'ënëmaay ja higo kepy: Nijëna'a pën mkaniminëtëty ets tjë'kxëty ja mtëëm. Ko ja Jesús jëtu'un y'ënäny, myëtoowtë ja y'ijxpëjkpëtëjk.

Apocalipsis 22:11

Pënjaty ëxëëk ja'ay'ajtëpën, wä'än tjaaktimtyuntë ja ëxëëkpë; mëti'ipë ja ëxëëk winma'any myëët'ajtëpën, wä'än tjaaktimyëët'atë ja y'ëxëëk winma'any; ets mëti'ipë ja oypyë tyuuntëpën, wä'än tjaaktimtyuntë ja oypyë; mëti'ipë ja wa'ats jot wa'ats winma'any myëët'ajtëpën, wä'än wa'ats ja jyot wyinma'any tjaaktimyëët'atë ma Tiosën.

Judas 1:12

Je'eyë yajtsëtyuntë ko jam kyäytyë y'uuktë ma miits mxëëwtuntën, ko jam y'ätstë xyoonta'aktë ets ka'ap ninu'un wyinkutsë'ëkëtë. Jëtu'un y'ëtë'ëtstë ijxtëm jënaakën ja kupixyny këwent'ajtpë kë'ëm je'eyë nyäkyëwent'atyë. Jëtu'un yë'ëjëty ijxtëm yootsën ka'apë nyëëmëëtëtyën mëti'ipë pojjëtijtpën. Ijxtëm yë kepyën ka'apë tyëëmpetyën ma jyapaatyën, nikë oy ko tyimyajwijxë'ëkëty tyiktspaat ets tyimtë'ëtsëty.

2 Timoteo 3:5

Jëtu'un nyäpyëjkta'aka'anëtë ijxtëm jeexyë myëpëktën, je'eyëp ko ma winë tuntën aakjä'ä ma'atpë ets tëkatsypë. Këtii jëtu'unpë ja'ay xykyutëkëtëty. Janty mëpëjkpë ja'ay nyäyajnaxa'anëtëty, jëtu'unpë ja'ay këtii xymyëjwa'kpätëty.

Isaías 5:2

Yajxon ojts naax tajyuky, wa'ats tpiiwpëtsëëmtaay ja tsaa ets ojts nakemy. Jam kam'itkujky ojts tu'uk ja tëjk tkojy, ets tnipëjktakëy ma ja tsatym yajwinma'atsëtyën. Ja nmëku'ukës jëtu'un tjëjp'ixy pa'ak yowë ja tsatym pyëtsëmëty, e ko ja tsatym ojts tyëëm'aty, aak xunëty ojts pyëtsimy.

Jeremias 8:13

Jëtu'un yë Wintsën y'ënä'äny: Jëtu'unës yë nnaax nkajpn ntuna'any tä ja'ay tkutëjtu'utyën yë tsajpmok yon. Nitu'uk kyawë'ëma'any yë tsatsymtsya'am ma nyi'aatsën, nitu'uk higo tëëm ma nyikepyën. Yi'iyë y'ääy xootspë jaakwë'ëmaanp.

Mateo 21:20

Ko ja Jesús ja y'ijxpëjkpëtëjk jëtu'un t'ijxtë, tääts mëk tja'awëtyë ets tyajtëëwtë: ¿Wi'ix ko tääpë higo kepy ënätyë të tyi'itsy?

Marcos 11:20

Komjëpom jam nyajxtë ma ja higo kepy tyänën ets ojts t'ixtë ko tëë tyëëtsë'knë tyiktsjotypyaat.