Mateo 21:17 - Biblia Dc en Mixe de Quetzaltepec

¹⁷ Ënet y'ëxmajtsëtë ets ojts ja Jesús nyijkxy jam Betania. Jamts ja tsuu tyajnajxy.

Biblia Mixe de Quetzaltepec

¹⁷ Ënät y'ëxmajtsëtë ets ojts ja Jesús nyijkxy jam Betania. Jamts ja tsuu tyajnajxy.

Mateo 21:17 ပူးပေါင်းရင်းမြစ်များ

Juan 11:18

Winkon ja Betania kajpn wyi'im mëët ja Jerusalén kajpn, jawäänë kyatu'k horë ye'eyëty,

Juan 11:1

Tää ijty tëëyëp tu'uk ja pa'amja'ay mëti'ipë xyëëwajtypyën Lázaro, Betania kyukajpnëty, ma ja Maria kyukajpnëtyën ets ja myëkä'äx Marta.

Lucas 24:50

Tääts ja Jesús ojts wyoowpëtsëmëtë jam kajpnjotm, Betania ojts wyoownëjkxëtë. Ënet ojts kyë'ënixajëtë ets kyënu'kxëtë.

Marcos 11:11

Tääts ja Jesús tyëjkëy Jerusalén ets jyä'äjty ma ja mëjtsajptëjkën, je'eyë ojts jap y'ijx'ëwtity kyoow'ëwtity. Ënet jatëkok tsyo'ony ets ojts nyijkxy ma Betania kajpnën mëët ja nimajkmäjtskpë ja y'ijxpëjkpëtëjk. Tëë ënety tsyu'ujënë.

Marcos 11:19

Ko ojts tsyu'ujënë, ënät ja Jesús mëët ja y'ijxpëjkpëtëjk tsyo'onëtë jam ma ja mëj kajpnën.

Mateo 16:4

Ja ëxëëk ja'ay, mëti'ipë Dios y'ëxmajtstëpën, yë'ë y'amëtoowtëp ets tyunëtëty ja mëj'ajtën. Ka'ap tii mëj'ajtën yajtuk'ixa'antë, yi'iyë mëti'ipë ojts tyunyë jyätyën ko ja Jonás jyuuky'äjty. Tääts twinwa'ktuty ets ojts nyijkxy.

Lucas 19:29

Tim wäänë ënety kyaja'ty jam Betfagé ets Betania ma ja Olivos Kopkën, ënät tkejxy nimäjtsk ja y'ijxpëjkpë,

Lucas 10:38

Tääts ja Jesús jyëtijty ets jyä'äjty ma tu'uk ja kajpnën. Jamts ja to'oxytyëjk tu'uk, mëti'ipë Marta xyëëwajtypyën, yë'ë ojts yajja'tyë ma tyëjkën.

Marcos 11:1

Ko tmëwinkoontë ja Jerusalén kajpn ets jyajtë ma ja Petfagé kajpnën ets jam ma Betania kajpnën, Olivo kopkwinm, jam ja y'ijxpëjkpë nimäjtsk tkäjxë'ky,

Marcos 3:7

Tääts ja Jesús tsyo'ony mëët ja y'ijxpëjkpëtëjk ets ojts nyijkx mejy ëkë'ëm. Ënet may ja Galilea ja'ay pyanëjkxëtë.

Mateo 26:6

Tam ënety ja Jesús Betania, ma Simón yë tyëjkën mëti'ipë pu'uts pa'am pëjkëpën.

Oseas 9:12

Oy ënety jya'u'unk ijxtëpë, mpëjkëjantëpës yë'ëjëty këtiipë nitu'uk tmëwë'ëmtëty. Mon tuk tääpë ja'ay yajpaata'antë koos ënety n'ëxmatstë.

Jeremias 6:8

Yaj'oyë mjot mwinma'any mijts Jerusalén, pën ka'ap, ëjts tim jëwa'akaanpës ma mijtsën; aanë'ëk tëëtsë'ëk nyaj'awinpita'anyës, ni pën jam nkayajtsëënëja'anyës ma mkajpnën.

Marcos 14:3

Tam ënety ja Jesús Betania, ma ja Simón ja tyëjkën, mëti'ipë yajtijpën Simón pu'uts mëëtpë. Jam y'u'unyë ma ja kaaypyäjnën ko ja to'oxytyëjk tu'uk tmëmiiny ja poop tsaa apëjkën, yë'ë jap ja pa'akxu'kpë nëë janty tsowpë. Jä'äts ja to'oxytyëjk ojts tkupu'utu'uty ets tukutäämë'ky ja Jesús.